ادغال الشطرنج

بارت ٢

المـشو بَينا لَلمَدࢪسة
الَـيـوم نَمشي بَيٰهم چنايز للنَجف
والي چان يمسح الدَمـ؏
الَيوم هو سَببها!

....................................

اثناء واني ما ادعي سمعت صوت باب الحمام بس يندك....
ويصيح مهرةةةةة اطلعي هسه بعصبيه

واني النفس بكوه اجره...

اتوجهت للباب مال حمام اريد افتحه اشوف منو؟

الباب فجاة انفتح وانضربت بيهـ

انداريت شفت ابن حسام
سقراط:

لچ وينچ؟؟؟ مو صارلي ساعة ادك بالباب؟؟؟....

مهرة:

توني جاية افڪه وانتَ فڪيته ثاني شي متڪول
هذا حمام مال نسوان؟؟

بس شڪول تربية حسام بعد!!

سقراط:
اڪول انچبي يلهه فضينااا جثث اهلچ هسه راح تطلع نشيعهم
وهمين احد المحققين يردون يحجون وياچ....

مهرة:
من سمعت هيج حجه سقراط عيوني ضلت تذب شلال مو دمو؏

وكلتله اي هسه الحكك روح واني اجي وراك!

سقراط: تمام...

مهرة:
طبعاً سقراط يصير ابن عمي الي ابوه حسام الي يكره ابوية كلش
ابوية اصغر واحد بالعائلة چان فا يعني مدلل امه وابوه...
فا جدي مات ومحد يدري شلون بس وصلتنا رسالة روحوا للنچف
ڪبر فُلان هنا(لؤي)چدي...
فاا والله جنت صغيرة بالعمر ما اذكر كلش احداث
فا ابويه اخذ امه الي هي بيبيتي وراحوا للنجف والله من راحوا لڪوا صدك كبر چدي..... وهو چدي الصبح جان كلشي مابيه

وبيبيتي من كثر حزنها على جدي لكيناها متوفية بدوشڪها...

فا عمي حسام اكبر واحد بيهم من ماتوا بيت جدي...

ضل حسام وابوية حسن وعمتي سمية وعمتي روان

فا ابوية الله مكنه فا تنازل عن حصته لخواته....

كام عمي حسام اخذ حصص خواته على ابو مزوجات وطردهن برة

عمتي روان بغير دوله كاعده بالامارات بس سمية هنا...

وبيت عمي حسام الي هو مال بيت جدي يبعد عنه بفرعين...

فا جنت المرات اشوفهم من بعيد!!

علاقتنا مو كلش زينه وياهم.....!!!

بنت عمتي سمية اسمها نور
نور هاي تموت مني لان هي تحب سقراط
لذلك تكرهني ما اعࢪف ليش

وعندها بنيه ثانيه اسمها اسيا
اسيا هاي كلش حبابه وقريبه عليه...

اما عمتي الثانيه روان

عندها ولد واحد اسمه فهد... وما شايفته ابد... بس
جنت اسمع من ابويه عليه...
لان ابويه راح مره للامارات يزور عمتي هيه مزوجه امارتي ومخلصه
حياتها هناك