ဝေလငါးနှင့် လိပ်ပြာငယ်

မိတ်ဆက်နှင့် အညွှန်း

"လိပ်ပြာတစ်ကောင်ရဲ့ သက်တမ်းဟာ ၃ ရက်ကနေ ၁ လအတွင်းကြာရှိတယ်တဲ့၊ ဒါပေမဲ့ အများစုကတော့ ၁ ပတ်လောက်ပဲ အသက်ရှင်ကြတယ်"

"သူတို့လိုပဲ ငါ့မှာ လပိုင်းပဲ ကျန်ပြီ၊ လပိုင်းထက်လည်း တိုတောင်းနိုင်တယ်"

–

ဟူတျယ်ကို ကျင်းယွီ ပထမဆုံးတွေ့စဉ်က မိမိကိုယ်ကိုယ် အဆုံးစီရင်ရန် ကြိုးစားသော လောကကြီးကို စိတ်ကုန်နေသည့် မိန်းကလေးတစ်ယောက်ဟုသာ ထင်ခဲ့သည်။

ဒုတိယအကြိမ် တွေ့တော့ သူ ဟူတျယ်ကို အေးတိအေးစက်သာ ပြောခဲ့ပြန်သည်။ "ဒီနေ့ မင်း ထပ်ခုန်ချရင် ငါ မင်းကို ထပ်ကယ်မှာ မဟုတ်ဘူး"

နောက်တော့ သူမက သူ့ကို ပြောခဲ့သည်။ "ကျင်းယွီ ကျွန်မအတွက်နဲ့ စိတ်မကောင်းမဖြစ်ပါနဲ့"

နောက်တော့ ကျင်းယွီ ပြိုင်ကွင်းထဲ ပြန်လာသည်။ သူနှင့်သက်ဆိုင်သော ထိုက်တန်သော အောင်နိုင်မှုကို ဆွတ်ခူးခဲ့သည်။

မီးအလင်းရောင် တဖျတ်ဖျတ်အောက်၌ မိန်းကလေးတစ်ယောက်၏ အသံကို သူ ရုတ်တရက်ကြားယောင်လာမိသည်။ ထို့ကြောင့် သူ တုံ့ပြန်ဆိုမိသည်။ ထောင်ပေါင်းများစွာသော လူပရိသတ်အပေါင်းရှေ့၌ ဆီလျော်သက်ဆိုင်ခြင်းမရှိသော စကားတစ်ခွန်းကို——

"ဝမ်းနည်းလို့ရယ်တော့ မဟုတ်ပါဘူး၊ ဒီအတိုင်း တွေးမိတာ... အခုလို အခိုက်အတန့်မှာ မင်း ငါ့အနားရှိနေရင် ပိုကောင်းမယ်လို့"

"သူက သမုဒ္ဒရာပြင်မှာ ကူးခတ်နေခဲ့တဲ့ ဝေလငါး၊ တစ်နေ့မှာ လိပ်ပြာငယ်လေးတစ်ကောင် အထီးကျန်နေတဲ့ သူ့စက်ကွင်းထဲ ကျူးကျော်ဝင်ရောက်လာခဲ့တယ်၊ အဲဒီခဏလေးဟာ သူ့ဘဝရဲ့ အလှပဆုံးအခိုက်အတန့်ပါပဲ"

_______________

စာရေးသူ 岁见 ၏ 蝴蝶与鲸鱼 ဝတ္ထုကို မြန်မာဘာသာသို့ ပြန်ဆိုရေးထားခြင်းဖြစ်ပါသည်။ ဇာတ်လမ်းဇာတ်ကွက်၊ ဇာတ်ကောင်များအားလုံး စာရေးဆရာ 岁见 ဖန်တီးရေးသားထားခြင်းဖြစ်ပြီး ဆရာ 岁见 မူပိုင်သာဖြစ်ပါသည်။