نروح الى اسراء ورائد
قعدت اسراء وهي حاسة بألم في ظهرها صار لها 3 شهور وهي تنام على الكنبة ومكابرة
اخذت شور سريع ولبست
مع انها دخلت شهرها الرابع الا ان لسى ما طلع لها بطن
اسراء وايدها على ظهرها :آه
كانت تتألم بالحيل طلعت من الغرفة وصافت رائد حاولت تسند حالها قدام رائد لكن الى الاسف ما قدرت ما قدرت توقف من الالم
رائد وهو ماسك اسراء من ايدها : اسراء شفيك
اسراء وهي تكابر : ولاشي
رائد : خلينا نروح المستشفى
لبست اسراء عبايتها وشليتها وطلعت مع رائد متوجة للمستشفى
بعد ربع ساعة في المستشفى في غرفة السونار
الدكتورة: لا الحمد الله وضع الجنين مستقر ..بس لا تتحركي كثير ونامي على ظهرك ويفضل انك تنامي على مرتبة طبية
طالعت اسراء الجنين من الشاشة وتتأمل فيه
الدكتورة : حابين تعرفون بنت او ولد
رائد: لا
اسراء وكأنها ما سمعت رائد : أي
انقهر رائد من تصرف اسراء
الدكتورة : ولد
كانت اسراء تبي بنت بس الحمد الله على كل حال
المغرب في بيت فارس
كان فارس طالع من غرفة النوم
فارس : رند ... رند تعالي بسرعة بسرعة
رند : شفيك ؟
فارس بفرح: طالعي طالعي دانة وقف
رند وهي تحضن بنتها : يا حياتي هالبنية
نروح الى طلال قرر يروح الى دكتور نفسي يتعالج من الي هو فيه
اول ما دخل على الدكتورة
الدكتورة : انسدح على الكرسي وسترخي وغمض لي عينك وقول لي كل الي بقلبك
انسدح طلال على الكرسي وغمض عينة
طلال : كنا في المزرعة وكنت طالع الى قسمنا قسم الشباب وصدمت في بنت رفعت راسها ولما شافتني خافت ومشت بسرعة من يومها اخذت عقلي وتفكيري وضليت احبها بسكات وبعدين عرفت انها سجى صديقة اختي اسراء ما فارقت تفكيري في اليوم الي تشجعت وقررت اني اطلب من امي تخطبها لي قلت لها يمه ابيك بموضوع وكان اخوي ايهم واختي اسراء واختي رهف موجودين قال ليهم انا بعد ابي اكلمك بموضوع وقلت له خلاص انت كلم امي قبلي وطلب من امي تخطب له نفس البنت الي كنت ابيها سجى انصدمت تغيرت الواني تعبت في هذيك الفترة صار لهم 3 شهور مع بعض مو قار اشوفهم مع بعض قررت اروح استقر في امريكا لكن امي رفضت وهذا الي خلاني اجي هنا
الدكتورة: طيب اول شي سجى مرتاح مع اخوك ؟
طلال: أي وتحبه بالحيل
الدكتورة : اول شي الازم تتمنى الى سجى الخير الانك تحبها تمنى لها الخير ثاني شي هي مرتاحة مع اخوك يعني لو كانت معاك كان يمكن الا اكيد ما ترتاح ثالث شي سجى مو اول بنت ولا اخر بنت في هالعالم تمنى لها الخير لا تتهرب لما تشوفها اول ما تشوفها تذكر هالكلام هي مرتاح مع اخوك يعني تحبه يعني ما تحب غيره يعني ما ترتاح مع غيرة انت تحبها علشان كذا قول الله يوفقها وابيك ترجع الى حالتك الطبيعة بعطيك موعد بعد شهر ابيك تجيني حالق لحيتك و ما ابي اشوف وجهك اصفر طيب ؟
فتح عينه طلال وكأنه طلع كل الي بقلبة: طيب
طلع طلال وقرر انه يبدء بخطوات العلاج توجه للحلاق وحلق لحيته وشعره وبعدها رجع البيت واخذ شور سريع ولبس
