في صباح يوم جديد ومشرق في بيت فارس
كانت رند صاحيه بكير علشان تسوي الفحوصات والتحاليل
رند وهي تحاول تقعد فارس الي مو راضي يقوم : فارس يلا قوم
فارس وهي لسى ما صحى عدل : ووف برررد زهقان اقوم
رند : يلا حبيبي قوم خذ شور الماي ساخن
فارس وهو يقوم :طيب طيب
قام فارس واخذ شور سريع ولبس
رند وهي تلف الشيلة : يلا حبيبي
فارس : لحظة قبل لا نروح أي مكان اول حاجة بنروح نفطر
رند : لالالا اول شي المسشتفى
فارس : اسمعي حتى لو طلع العيب فيك مستحيل ومن سابع المستحيلات اتركك فهمتي ؟
رند : واني بعد لو العيب فيك ما راح اتركك
مسك فارس بيد زوجته وطلعوا متوجهين للسيارة
في بيت ابو طلال
صحت اسراء وهي تعبانة حيل وفتحت جوالها ولقت الطقس 12 وقامت اخذت شور ساخن بالحيل ولبست
ونزلت تحت ولقت اختها رهف موجودة
اسراء : رهوف ليك وحشه
ابتسمت رهف بس الابتسامة مو طالعة من قلب
اسراء وهي مستغربة : رهوفه شفيك ؟
رهف : خلاص تعبت متى أولد وافتك من هالثقل تتخيل ان راس الجنين نازل وما اقدر اتحرك
اسراء : يا قلبي ما عليش استحملي شوي
نزل ايهم : السلام
اسراء + رهف : وعليكم
ايهم في نفسه ( اسئلها اول لا )
صوت جرس الباب راح ايهم علشان يفتح الباب ولقى سواقهم الخاص وفي ايده كيس باين ان الكيس في بنطلون وبلوزة
جهاد: هذا امس اسراء يجي مع اثنين بنت وينسى هذا في السيارة
اخذ ايهم الكيس : اوكي
وركب فوق وهو يناظر في الكيس
ايهم: اسراء
اسراء : هلا؟
ايهم : من كان معاك امس ؟
اسراء وهي مستغربة : تالين بنت عمي وسجى صديقتي ليه؟
ايهم : السواق جاب هالكيس يقول خليته امس في السيارة
اسراء : اووه صح هذا حق سجى هي قالت لي انها نسيته في السيارة وانا نسيت الموضوع
ايهم : اركبه غرفتك الان بركب فوق انا
اسراء : أي اذاى ما فيها كلافة يا خيي
صعد ايهم الدرج وفتح الكيس ومسك البلوزة وشمها وكأنه حب صاحبة البلوزة
بعدها دخل الكيس غرفة اخته اسراء
في بيت ابو فارس
صحى رَائد وراسه يوجعه من التفكير اخذ شور سريع ولبس
وكأنه الوجع يسيطر عليه فتح الدرج ولقى بندول اخذ بندول ورن جوالها ولقى المتصلة ريم
مسك رائد جوالها وهو في حيرة محتار معقولة ريم ما تحبه وتلعب عليه ؟ طيب ويش هدفها ؟
حطت رائد جوالها سايلنت ونزل تحت ولقى ابوه موجود
ابو فارس : ها يا رائد نخطب البنت رسمي ؟
رائد : يبه تكفى افيني من هالسالفة
ابو فارس وهو يدور مصلحت ولده : يا وليدي مو الازم اسراء اخلي امك تدور لك غيرها
فكر رائد بينه وبين نفسة اسراء جميلة وخلوقة والف واحد يتمناها وفوق هذا كله بنت عمه ومتربية معاها وعارف اخلاقها اما ريم تربت بعيد عنه
رائد : طيب يبه
ابو فارس : تبي اسراء او ندور لك غيرها ؟
رائد : ابي اسراء
وطلع رائد متوجه للسيارة
نتعرف على ريم شوي
ريم بنت 19 سنة مغرورة نقدر نقول داشرة وحيدة امها وابوها امها ما حملت فيها الا بعد 15 سنة من زوجها لذالك امها وابوها مستعدين يسوون أي شي علشان يرضون بنتهم
في سيارة رائد كان متوجه الى الاستديوا
نروح حق فارس ورند عملوا التحاليل وبعد ساعتين طلعت النتجية
الدكتورة : كم صار لكم من تزوجتوا
رند : سنة ونص
الدكتورة: الي الحمد الله ما في أي شي يمنع حدوث الحمل المسئلة مسئلت وقت
ارتاح قلب رند من داخل وطبعا فارس كان حاس ان المسئلة مسئلت وقت بس حب يريح قلب رند
نرجع الى بيت ابو طلال بالتحديد في غرفة ايهم
كان منسدح على السرير وايده على راسها ويتذكر هذيك الحظة الي شاف فيها سجى وجمالها
في غرفة طلال كان قاعد يشتغل على الكميوتر خلص شغله وقرر ينزل تحت
طلال: السلام
اسراء + رهف + ام طلال : وعليكم
قعد طلال جنب اخته رهف : ترى حرام اجازة وكذا واحنا قاعدين في البيت خلونا نروح المزرعة او نسافر
رهف : اذاى فيها سفر انا مو معاكم
ام طلال : روحو المزرعة كم يوم اختك حامل ما تقدر على السفر
طلال : اوكي بس كلموا ابوي وبيت عمي ابوفارس
ام طلال : ابوك ماراح يرفض بس الازم نقولله بس يجي بقولله
طلال : عجل وين ايهم
اسراء : فوق في غرفته
الساعة 8 المغرب كان الجوا بالحيل بارد
ام طلال : يا ابو طلال حابين نروح المزرعة بكرا
ابو طلال : ايه ما في أي مانع بس عطوا بيت اخوي ابو فارس خبر
ام طلال : أي اكيد الحين اتصل في ام فارس واقول لها
اخذت ام طلال التلفون وعطت ام فارس خبر
في يوم جديد في بيت ابوفارس
قعدت تالين واخذت شور سريع ولبست
