From Best Friend To Bed Friend(Completed)

Ep 5

#Unicode

"မင်းနဲ့ Kim Taehyung က ဒီအတိုင်းပဲနေသွားကြတော့မှာလား ။ သူငယ်ချင်းဆိုပြီး ဂျင်းထည့်ပြီးနေမယ်ပေါ့?"

Kim Mingyuရဲ့ မြားဦးက Jungkook ထံသို့လှည့်လာသည် ။Taehyung နဲ့သူ့အကြောင်းကို အခုလိုမေးလာလိမ့်မည်မထင်တာမို့ Jungkook ဘာမှပြန်ပြောစရာမရှိပေ ။

"ဟုတ်တယ် Jungkook ... မင်းတို့က သူငယ်ချင်းတွေမှ မဟုတ်ဘဲ ။ Kim Taehyungကိုဖွင့်ပြောပြီး တွဲလိုက်ကြတော့"

Eun Woo ကပါထောက်ခံလာသည်မို့ Jungkook သက်ပြင်းချလိုက်သည် ။ ထို့နောက် အရက်ခွက်ကို ကိုင်လှုပ်ရင်း

"ငါ Kim Taehyung ကိုသူငယ်ချင်းထက်မပိုပါဘူး "

"ချီးကို သူငယ်ချင်းထက်မပိုလေ! တခြားသူကိုပဲ မင်းလိမ်လိုက် ... ငါတို့ကိုလာပြီးလိမ်လို့မရဘူး ။ Kim Taehyung ကို မင်းဘယ်လိုသဘောထားလဲဆိုတာ ငါတို့အသိဆုံးပဲ ။ အိပ်ရာထဲအထိရောက်ပြီးမှ သူငယ်ချင်းထက်မပိုဘူး လုပ်နေသေးတယ်"

Mingyu က တစ်တစ်ခွခွဆဲပြီး တစ်လုံးတစ်ခဲကြီးပြောတော့သည် ။

"အေးလေ ။ ဘယ်သူငယ်ချင်းက မင်းတို့လိုနေလို့လဲ"

Eun Woo ကလဲ Mingyu ပြောသမျှကိုထောက်ခံလို့နေ၏ ။

"တော်ပါကွာ ။ မင်းတို့ကဘာမှမသိဘဲနဲ့ မပြောကြစမ်းပါနဲ့ ။ ငါတို့တွေ အခုလိုလေးနေတာပဲကောင်းပါတယ်"

Jungkook အတွက် အခုအနေအထားက သက်သောင့်သက်သာဖြစ်ပြီး ပျော်ရွှင်ရသည် ။ အခုအခြေအနေကနေ ရှေ့ဆက်တိုးဖို့အတွက်လဲ မဖြစ်နိုင်သည်မို့ ။

"Kim Taehyung ကို ဘယ်လိုသဘောထားနေတာလဲ ။ သူငယ်ချင်းဆိုတဲ့ ခေါင်းစဉ်နဲ့ ဒီအခြေအနေအထိရောက်ပြီးမှ ရှေ့ဆက်မတိုးဘူးဆိုတော့ မင်းဟာက သူ့ကိုတန်ဖိုးမထားသလို ဖြစ်မနေဘူးလား"

Mingyu ရဲ့စကားကြောင့် Jungkookလက်သီးကိုသာဆုပ်ထားမိသည်။
Kim Taehyung ကို တန်ဖိုးမထားဘူးတဲ့လား.. သူ့ဘဝမှာ Kim Taehyung လောက် တန်ဖိုးထားရတဲ့အရာ ဘာမှမရှိ ။

"အဲ့ဒီစကားမပြောနဲ့ Kim Mingyu... Kim Taehyung နဲ့ ပတ်သက်ရင် ငါဘယ်လောက်အထိ ဆက်ဆက်ထိမခံဖြစ်ရလဲဆိုတာ မင်းတို့အသိဆုံးပဲ"