The Mistress

1

1

(3 years after)

"Nisha anak?"
Bumukas ang pintuan ng kaniyang kwarto ang dumungaw ang kanyang ina.

Nakangiting bumaling sya rito.

"Ma! Pasok ka."
Ani nya rito at pumasok ang kaniyang ina at lumapit sa kaniya.

"Ang ganda ganda naman ng anak ko!"
Ani nito habang pinagmamasdan ang kaniyang kabuuan.

"Ma naman! Kanino pa ba ko magmamana?"
Nakangiting sabe nya rito at nagtawanan silang mag-ina.

Nakasuot kasi sya ng pang corporate attire. Pencil cut na kulay gray at Kulay puting lomg sleeve na tinernuhan nya ng black na coat. Nakapuyod ang may kahabaan nyang buhok.

Mag-aapply kasi sya ng trabaho ngayon bilang secretary sa isang sikat na kumpanya sa Pilinas.

Ang NMGM Group of Companies. Ang NMGM ay isa sa pinakamalaki at pinakasikat na kumpanya sa Pilipinas. Naghahanap ito ng bagong secretary para sa bagong presidente ng kumpanya.

"Galingan mo anak huh? Para kay bunsoy."
Saad ng kanyang ina. Tumango tango naman sya.

"Oo naman nay. Pangako ko sa inyo, iaahon ko kayo sa kahirapan ni bunsoy."
Nakangiting sagot nya rito. Mangiyak ngiyak na yumakap naman sa kaniya ang kaniyang ina.

"Salamat anak. Salamat."
Malungkot na sabe nito. Ngumiti sya ng bahagya at inakap din pabalik ang ina.

Namatay na kasi ang ama nya noong nakaraang taon lamang. Inatake ito sa sakit sa puso ng malaman nito ang kawalang hiyaang ginawa ng date nyang nobyo sa kaniya.

Nang mamatay ito eh sunod sunod na ang kamalasan na ang dumating sa buhay nila. Lalo silang naghirap dahil ang ama lamang nya ang tanging bumubuhay sa kanila noong nabubuhay pa ito.

Sadlak na sila sa kahirapan na tipong naisangla na nya sa bangko ang dati nilang bahay na ipinatayo ng ama nya noon. Tumigil din sa pag-aaral sa kolehiyo ang bunso nyang kapatid na babae dahil sa hindi sa wala na silang pangmatrikula dito.

Ngayon nakatira na lamang sila sa isang barong barong sa isang eskwater area sa Sta. Mesa Manila.

Ang nanay nya ang nagtitinda ng kakanin sa palengke at para makatulong sa mga gastusin sa bahay ay eto nga at maga-apply na sya ng trabaho.

Humiwalay sa kaniya ang ina at tinitigan sya sa mukha.

Kahit nay edad na ang nanay nya, kababakasan pa rin ito ng ganda na taglay nito ng kabataan pa nito.

"Anak makakaahon din tayo sa hirap. Magtiwala ka lang. Malalampasan din natin to. Basta sama sama tayo."
Malungkot na ngumiti sa kaniya ang kaniyang ina.

Naiiyak na niyakap nya ito.

Hindi dapat sila maghihirap ng ganito kung hindi sana namatay ang tatay nya. At hindi sana mamamatay ang tatay nya kung di Dahil kay Ashton.

Ang lalaking dahilan ng pagkasira ng buhay nya.

Napapikit sya ng mariin. Naaalala na naman nya ito.

At kahit tatlong taon na ang lumipas simula ng maghiwalay sila, andun pa din ang sakit ng nakaraan sa kaniyang puso. Andun pa din ang sugat na iniwan nito sa kaniya. Sariwa at hindi pa gumagaling.

Bumangon ang galit sa kaniyang dibdib. Galit sya dito sa ginawa nitong pagpapakasal sa ibang babae. Galit sya dito dahil hindi nito tinupad ang pangako nitong maghihintay ito sa kaniya. Galit sya dito dahil ito ang sumira sa buhay nya. At galit sya dito dahil hindi man lang ito nagpakita sa kaniya para magpaliwanag.