نفس النهاية

7

روايــة : نفــس النهايـــات🥀
          
     الحلقــ🔥ــه......7

الكاتبـه : تــوتــو بن صريتــʊ̤⁦⁦♡

عبد الرحمن يشبح لروحه فالمرايه ويغني : سامي سمه سماسيم سامي سمم،سامي سمه سماسيم سامي سم ،سامي سمهه

فرح خشت عليه : الله يحفظه الوالدين خوته وامه سماسيم سامي سم

عبد الرحمن التفت ويضحك : هههههه من امتى انتي هنيي
فرح : من كن سامي سمه هههههه
عبد الرحمن حضنها : شن رايك فيا
فرح باساته : خوي غزاال🥺...بس علاش الطرحات هادي كلها ههههه
عبد الرحمن : مش عارفف جاني احساس ان اني اليوم عريس هههههههه
فرح : ههه يارب نشوفك احلى عريس
عبد الرحمن : ههههههه ما ضنيي
فرح : بلاش سماطهه
عبد الرحمن : بنركب للسطاح
فرح : علاش ؟
عبدالرحمن : بندخن
فرح شهقت : ههيي من امتى
عبد الرحمن : لا نبصررر وربيي ههههه ..بنكسد فيه بس
فرح : فجعتنيي هههه
       : فررحح
فرح : هيا هي ي ماما ..خلاص مانيي ماما تبيني
عبد الرحمن : فرح
فرح : نعم ؟
عبدالرحمن : نحبك ي احلى اخت فالدنيا واسف لو في يوم زعلتك
فرح : فرح : نزعلش منك ي بارد
عبد الرحمن اكتفى بأبتسامه وشاف للمرايه بنظره اخيره وطلع❤️

_⁦⁦"♡_______⁦⁦________⁦⁦___

مؤيد يشبح لروحه فالمرايه ويفكر فالقرار لخداه والفون فيده وكان يشرين ع رقم

ردت عليه : هااا شن تبيي تانييي ؟
مؤيد : وسعي بالك
صحبة ميس شافت للرقم وردت تتكلم : ااءء معلش كنت نحسابك شخص تاني بس من انت ؟
مؤيد : انتي حنان صحبة ميس
حنان : اي اني بس من انت
مؤيد : مش حنكثر كلام معاك واسمعيني زييينن..عارف حركاتك انتي وميس ولو ما تديري يلي نقولهولك بوست  ع الفيس مني ينهيك
حنان بلعت ريقها بخوف : تت تتمامم
مؤيد : نعطيك رقم مروان خوي اكيد تحكيلك عليه .. تكلميه وتحكيله ع عمايل ميس الوسخه فاهمه ولا لا ؟
حنان خافت ولقتها فرصه عشان تنتقم من ميس وكلامها : تمام موافقه
مؤيد : الرقم نبعتهولك في مسج .."وصكر ع وجها"

_⁦⁦"♡_______⁦⁦________⁦⁦___

     لحظــه غيــرت كــل شــʊ̤ʅ 💥

...

: فروحتي ، بنيتي ❤️
فرح رفعت راسها لقت مان يشبحلها

{نوصفلكم حوشهم : كان نظام شقق 3 ادوار ليهم ساكنين في اول دور والباقي مأجرينهم لناس كان نظام الدروج حديد مدور تدوير يعني لما تكوني تحت وترفعي راسك تحسي الدروج ع شكل دائره من الدور الأول للتالت تدوخي وهكي "نعرفش نشرح تقريبا فهموتو"}

فرح : ماني هههه
عبدالرحمن : اركبي حرام عليك خلينا نكسدو فةق لسطاح والله مرايف عليك
فرح بدلع : لالا نقدرش انت انزل نكسدو لوطا
عبدالرحمن : دلوعتي هههه غير هيا ..نجي نرفعك ؟
فرح ببصاره : لالا اعزقلي حبل ركبتي بيه ههههههه
عبد الرحمن بملامح جديه : باهه ..."وعدا"
فرح تضحك : ههههه انشاءالله غير ماصدقها المهبول هههههه ..."ووخرت طاحت المزهريهه لكانت وراها"...اوفف طيحتها ..."طبست تلم فيها"
فجأه سمعت صوت مش معروف هل اخر مره تسمعه ام لا 💔