نفس النهاية

6

روايــة : نفــس النهايـــات🥀
          
     الحلقــ🔥ــه......6

الكاتبـه : تــوتــو بن صريتــʊ̤⁦⁦♡

طبعا كلكم عارفين سبب التأخير فالحلقه ويلي صار فالشرق لا انتم عندكم نيه تقرو ولا اني عندي نيه نكمل وانشاءالله ربي يلم شمل الليبين ،
وان لله وان اليه راجعون ،ويرحم جميع موتانا ويصبرنا ع فراقهم ويصلح حال البلاد والعباد❤️🥺

_⁦⁦"♡_______⁦⁦________⁦⁦___

: فرررررررررررررررررررحححححح💔

التفتت وياريتها ما التفتت ...
شبحت صدمة عمرها بعيونها ،رجليها انشلو ، عيونها تعبن دموع ومفتوحات ع الاخر من الصدمه ، صوتها انقطع عن النطق ،
كانت كلمه منها ، عيطه منها يمكن ان تغير كل شي💔
بس فالنهايهه قدر ونصيب من ربي ماحد يقدر يغيره ❌

_⁦⁦"♡_______⁦⁦________⁦⁦___

: خنتكشش هوا ، هوا كان حاط العين عليا ويبعثلي بس اني قوتله لالا ااااههه💔..."وفارقت الحياه".

وخر لحظات وهو يشوف لدمها لعبه يديه
: صدقتهم ؟..اي صدقتهم ، قتلت اني قتلت حب حياتي لا ي ربيي 💔....

قبــل يوميــن ~

عبد الرحمن : بنيتي مزال رجلك ؟
فرح : هيا تمام بس نبش نرقى ع الدروج نخاف عليها ههه
حسام : هههه خيرها رجلها ؟
عبد الرحمن : ههه قبل ثمان ايام طاحت عليها ودارولها جبس قالو بسيطه واليوم نحيناهولها وولت رجلها احسن بس مزال مسكره راسها تبش ترقى عالدروج
حسام : تدلع بس
فرح : حرام عليكمم
عبد الرحمن حضنها : حرام عليك ي حسام هههههههه

_⁦⁦"♡_______⁦⁦________⁦⁦___

مؤيد يسوق ورد ع فونه  : ايوا ي بوي ؟
د.صلاح : راك تنسى الامانه
مؤيد : لا تمام توا قاعد فالطريق ماشيله
د.صلاح : تمام مع السلامه
مؤيد : اوكي ..."فصلو الخط"
مؤيد : اوفف عاد ولده يتمعشقلي مع ميس واني مندوب امانات وليت ..

_⁦⁦"♡_______⁦⁦________⁦⁦___

مروان رد : ايوا خيرك نشرينلك من بكري فش رد ؟
ميس بصوت تاعب : حبيبي والله كنت مريضه
مروان : خيركك حبيبي لاباس ؟...من شنو؟
ميس : ابراد..عيوني ؟
مروان : قليبي ؟
ميس : تعبانه توا بنرقد
مروان : تمام بعد تنوضي طمنيني عليك
ميس : انشاءالله باي
مروان : نحبك
ميس : حتى اني نحبك باي
مروان : باي ..."وفصل الخط"
مروان : اوفف عليك مشغال يارب تتحسن نحبهاش تتوجع 💔

{كــان تفكيــره كلهـه فيهــا نسـى مرت بوه وبوه وحتى خوه حبها وكأنها اعظم انتصاراته🫂🥺}

الكاتبـه : تــوتــو بن صريتــʊ̤⁦⁦♡

وصل مؤيد للمطعم عشان يعطي الامانه لصديق بوه ...
مؤيد وقف وهو مصدوم : ههيي مش هادي ميس ؟...باهي من يلي معاها ؟..خوها ؟..لالا معقوله خوها وماسك يدها ؟..زعم من؟