السرمد(متوقفة حالياً)

البارت 20

#السرمد
#بقلمي: اسماء

حبايب لتنسون التصويت+تعليق بين الفقرات+متابعة لحسابي💙

ما عندي نقطة ضعف،
بس لا يذكرونك

____________________

احس الطريق صار شطولة صارلنه ساعة نركض و ما ادري وين رايحين ماسكني من ملابسي واني اركض ورا كلامة يتردد بأذني شنو اليصير منو هذا ما اعرف الشي الوحيد الاعرفة هو خلصني منهم وانقذني

من گاللي هيچ ما ادري شصارلي حسيت براحة عجيبة واتطمنت ما خفت منه ولا فكررت انه ممكن يأذيني

توكلت على ربي وكملت واخيراً شفت صار گدامنة شارع وعلى جهة اكو سيارة واگفة

خمنت هاي سيارتة لان رحنه بأتجاهها

انصدمت من انفتح باب السيارة وطلعت منها الجوهرة

شجاي يصير مو فاهمة اي شي اريد اربط حدث بحدث ماكو عقلي ما گادر يستوعب

اجت حضنتني بقوة
الجوهرة:عمري انتي زينة بس باعيلي سوولچ شي

حركت راسي بعلامة النفي ما گادرة احچي اشرتلها شجاي يصير

الجوهرة:بعدين بعدين افهمچ كل شي هسه المهم انتي بخيررر

ايهم:يلا خلونة نروح من هنا بسرعة

ايدنة كلامة صعدت لورة والجوهرة هم يمي حاضنتني وتمسح على راسي

حچتلي شافو شلون اخذوني وشلون وصلولي وجانو يراقبونه طول هذا الوقت

طلع هذا اخوها الي انقذني هي تحچيلي واني كل فكري مو وياها هسه امي شنو حالها من اتأخرت الى هالوقتت

اريد بس اوصل عالبيت احضنها واشكيلها حالي
دليتهم على بيتنه حتى نروحلة

گال اخوها
ايهم:ما راح نروح على بيتكم

استغربت كلامة حچيت بزور صوتي يطلع
فرقان:ليش

ايهم:خطر عليچ ترجعين عالبيت مرة ثانية ما ندري شراح يصير اكيد هسه مراقبين بيتكم هم بعد بكيفچ

ضليت حايرة من جهة كلامة صح اكيد ما راح يخلوني بحالي اذا من باب الكلية وخطفوني بالبيت شيسوون

و من جهة امي شلون راح تبقى وحدها اخوي علي منو راح يداري امي ما تگدر تسوويلة كل شي

ضليت افكر بيهم الى ان حاچتني الجوهرة
الجوهرة:ها حبيبتي شگلتي ناخذچ عالبيت لو

قاطعتها
فرقان:وين اروح اذا مو بيتي ما تگليلي وين اولي ما عندي مكان ثاني