لن يجمعنا عنوان

البارت الثالث

بعد ما تجمعو الكل على الغداء

كانت واضحه نظرات محمد لـ الهنوف

نواف :اقول يبه في واحد من اخوياي طلب يد الهنوف لزواج قال قول حق ابوك ولو انه موافق بيجي يخطبها من عندك

انصدم محمد وجهه قلب الوان شردق بالأكل

ابو الهنوف :بسم الله عليك وشفيك وليدي انتبه

محمد :اختنقت

نواف :مب طاير الاكل انتبه مره ثانيه 😂

ابو الهنوف :بس ياولد عينك على جعله بالعافيه

محمد :الله يسلمك عمي

نواف؛اي يبه وش قلت عشان خوي

محمد وهو ناطر جواب عمه وخايف لا يوافق وتروح الهنوف من يده

ابو الهنوف :مدري صراحه الجواب الاخير لاختك

نواف :اما وقت ذي الورع صار لها راي تمشي علينا

الهنوف :غصب عليك

نواف :هي هي غصب على منو

ابو الهنوف :بس ياولد كم مره اقول لا ترفع صوتك على اختك ما تفهم انت

نواف :اسف يبه اعتذر

نجد :يبه نواف دايم يعصب علينا

الهنوف قبصت يد نجد عشان لا تكمل كلامها وبعدين ابوها يعصب على نواف ويتعب عليهم

الهنوف :لا يبه كذابه  نواف ما يعصب علينا من دون سبب حنا نعصبه نستهبل على

وعشان خوي نواف انا مابي للحين توني صغيره مابي انخطب وانشغل على دراستي

نواف :كيف نعم!!! عطيت كلمه للرجال

ابو الهنوف :ماهي مشكله اعتذر منه قول مافي نصيب وخلاص الله يستر علينا وعليه ماهي غصب نزوجها لشخص ما تبي

محمد هنا زفر براحه وقال
يلا مع السلامه برجع بيتنا ثقلت عليكم

ابو الهنوف لا وش ذا الكلام انت بعيوننه والله وانت تدري معزتك بقلبي مثل نواف ويشهد ربي على

محمد؛والله اني داري يابعدي قلبي ياعمي الله يديمك لنا

ابو الهنوف :خليك عندنا بعد وين رايح

محمد؛خلها مره ثانيه انشالله يلا استودعتكم الله

خلصو غداء

راحت الهنوف غرفتها
تكلم مشعل
الهنوف :سلام عليكم شخبارك

مشعل :عليكم السلام يا هلا ياهلا والله توه ينور يومي بخير انا انتِ كيفك

الهنوف :تمام الحمدلله بخير

مشعل :جعله دوم

الهنوف :تدوم

مشعل :اشقت لك مره

الهنوف امس مكلمتك متى لحقت تشتاق لي

مشعل :ما تدري غلاتك بقلبي لو غبتي ثانيه اشتاق لك اهه فديتك

الهنوف كانت تضحك ما تدري وش تقول اول مره شخص يكلمها بذا الأسلوب

مشعل كان كل شوي يوضح حبه لها وهي ماغير تتبسم له

مشعل ايه ياحلوه متى ناويه توريني شكلك

الهنوف هنا توترت شوي ما كانت متوقعه ذا الشي انصدمت يوم طلب يشوفها

الهنوف :ااا مدري

مشعل :افا ليكون خايفه ترسليها لي

الهنوف هنا خافت يزعل ولأول مره كان هامها شخص وخايفة لزعله وكل همها تكلمه وهنا نعرف الهنوف حبته👽مسرع ذا الحب 🦦

الهنوف :لا مب كذا

مشعل :اجل وش

الهنوف طيب ارسل لي انت اول وانا بعدك

مشعل حاضر

هذا انا ياابوي

الهنوف :مشاءالله يحلوك

مشعل :يلا دورك ابي الحين يلا يلا🥺

الهنوف قوت قلبها وقررت تصور وترسل له لكن الصدمه اول ما قربت الجوال من وجها وبدت تصور.............

بس لهنا انتهى البارت الثالث اتمنى يعجبك+اعتذر اذا في أخطاء املائيه ✨