بعد تفكير طويل من الهنوف ارسلت ردها لمشعل وهي متوتره وخايفه بنفس الوقت هي للحين ماهي متأكده من مشاعرها هل هي تحبه ولا مجرد احساس بس!
ارسلت له انها تحبه خوف لو رفضت يتركها وهي تحب اسلوبه وتعامله معاها
الصبح عند مشعل
صحى الصبح تروش بعدها افطر وشاف رد الهنوف وردها بالموافقه هنا انبسط واجد كان عندنا احساس انها تحبه ولكن خايف لو يطلع احساسه غلط
رد عليها
مشعل :كنت حاس مع كذا وانا احبك 😔✨
ردت على الهنوف قالت
الهنوف /ادري🌚
مشعل /يزين ذا الصبح توه يكتمل فيك
كيفك
الهنوف /بخير انت كيفك
مشعل /انا بخير دامك بخير
وش مصحيك الحين
الهنوف /بروح المدرسه
مشعل /اها
الهنوف /وانت وش عندك
مشعل /بروح الشغل
فجأه....
دخل ام الهنوف الغرفه
ام الهنوف /يلا اجهزي شعندك قاعده على الجوال من الصبح
الهنوف توترت شوي بعدين قالت
الهنوف /يمه تو الناس
ام الهنوف /وين تو الناس شوفي الساعه كم اخلصي بسرعه قبل اخوك يعصب عليك
الهنوف /تمام الحين اجهز بسرعه
نواف وهو من تحت يصرخ عشان الهنوف تسمعه
يلا يابنت اخلصي تأخرنا
ام الهنوف /ها وش قلت لك انا
الهنوف /طيب َشفيكم الحين اجهز
المهم بعد كم دقيقه جهزت الهنوف راحت عند نواف
شف خلصت بسرعه
نواف /كل ذا وبسرعه لو تتمي كذا اسحب عليك واخليك ماني مجبور اتأخر كل يوم بسبتك
الهنوف /يوه وبعدين مع تهديداتك خلاص امشي
بعدين الهنوف تذكرت شي
الهنوف / اقول مر على ليان ناخذها
تواف/ليه سواق عندكم انا
الهنوف /لا تشخصنها بس مسكينه اليوم كلهم طلعو والسواق ما يرد عليها
نواف /طيب الحين نمر لها
نواف كان معجب بـ ليان من هي صغيره لكن مخبي ذا الشي عنهم
جتهم ليان وقفت عند السياره وهي تناظر نواف باعجاب كان يفتن بثوبه الأبيض وشماغه كان منظر صعب عليها بالحيل
نواف بطفش وهو عصب على الأخر تأخر على شغله بسبتهم
بأسلوب عصبيه شوي صرخ على ليان
يلا منتي راضيه تركبي عاجبتك الوقفه هنا يعني
ليان انصدمت من اسلوبه كيف كذا يكلمها وش سوت له عشان يطلع كل عصبيته فيها
ركبت ليان السياره وعيونها بلش تلمع من الدموع
نواف /حشا لو كفار مب كذا الناس تسلم اول
ليان بصوت مجروح شوي
السلام عليكم
الهنوف +نواف عليكم السلام
حس نواف على صوتها انها تضايقت بس ما قال لها شي وكمل طريقه عادي ولا كأن حصل شي
وصلو المدرسه والبنات راحو فصلهم
مر الوقت عادي بعدها جا وقت الفسحى طلعو يتمشون
ليان /واضح بخاطرك كلام وش تكلمي
الهنوف ضحكت عليها بسبب فهمها لها بدون ما تقول شي
ليان كانت تفهم لي الهنوف على طول من دون ما تقول لها شي كانت تحس فيها من عيونها
الهنوف بفضول اقول وشفيك اليوم صنمتي عند الباب
ليان وهي تذكر الموقف وكيف معشوقها عصب عليها حزنت شوي وقالت بضحك عشان تغير السالفه بدون ما تحس الهنوف
ليان /ماعليه كنت توني صاحيه ماني مستوعبه للحين ما صحصحت 😂😂
ضحكو لثنين مع بعض
ليان جاها فضول تعرف وش كان في نواف ليه معصب
ليان / الا اقول وشفي ذا اخوك كذا منرفز خرشني
الهنوف / وعع تعرفي كيف اطباع نواف الخايس يعصب على طول ماعنده تفاهم
الهنوف /ودي اقول لك شي
ليان / وش تكلمي
الهنوف / صراحه انا اليوم...
ترددت شوي تقول لها ولا لا
ليان /وش يابنت قولي لا تخوفيني وش فيك
الهنوف / لا تخافي مافي شي يخوف بس انا اليوم..................
الهنوف /قلت لمشعل إني احبه
ليان /ها وش تقولي انتِ
الهنوف /وشفيك
ليان /الهنوف وشفيك تتصرفي كذا انهبلتي توك ما لك الا كم يوم تكلمي متى تاكدتي من مشاعرك من قال ذا حب يمكن توه إعجاب ما يصير تلعبي على
الهنوف هنا استوعبت شوي كلام ليان وهي صدق ماهي واثقه بمشاعرها اتجاه مشعل بعدين قالت مع نفسها خلاص لو مشاعري تغيرت اسحب عليه وافتك منه وش يصير يعني
بس لهنا انتهى البارت ✨✨
+اعتذر لو في خطأ املائي اكتب الرواية قبل انام
أنت تقرأ
لن يجمعنا عنوان
Short Storyبنت تدخل في علاقه الكترونيه محرمه مع شخص تبدأ بحب وتنتهي فيها الين زواج؟ او هجر وتهديد وغصب!!!!!🫢
