عبدالله وارجوان

4

-عبدالله: مساء الخير جوان
-ارجوان: بسم الله خرشتني
-عبدالله: بسم الله عليك، تسمحين لي اعطيك شي؟
-ارجوان :هزت راسها بمعنى ايه
-عبدالله :فتح يده وعطاها سلسالها اللي تدوره لها اسابيع
-ارجوان: اخخ ريحتني كنت خايفه ما احصله ماتعرف قد ايش يعني لي هالسلسال وشكرا بس كيف هو معك؟
وقعد يقولها السالفه وضحكت عليه
وهو يتأملها وكيف ضحكتها حلوه مثلها
-عبدالله: دوم الضحكة يارب
-ارجوان: تدوم لاحبابك
-عبدالله :"ماتدري انها احبابي "
-عبدالله : جوان ما عاد صرتي تحضرين مبارياتنا لا مع يوسف ولا ابوك؟
-ارجوان تجاهلت نطقه الغلط باسمها: اشغال وكذا
-عبدالله: اها بس لازم تحضرين فقدت وجودك بالملعب اقصد فقدنا
-ارجوان بأبتسامه: باذن الله والجايات اكثر
وما دامت اللحظات اللي بينهم وجاء يوسف وقعد يسولف ويتصل جوال عبدالله ويبتعد عنهم
-ارجوان: يوسف وش ذا الحركه البايخه خويك يجي يداهمنا؟
-يوسف: الله يهديك اي مداهمه بس كنت ابغى اكلمه وناديته هنا
-ارجوان بعصبيه: تمام
خلص مكالمته عبدالله ورجع لهم يعتذر
-عبدالله:اسف بروح عندي شغل يوسف كلمني بعدين مع السلامه
-يوسف: تمام مع السلامه .وطلع من عندهم عبدالله ويتجاهل ارجوان ويركب سيارته وتوجه لعند خويه ياسر اللي اتصل عليه لاجل شغل طارئ.