يوم الملكه
كانت حصه تسوي لنورا شعرها وامها تسوي لها المكياج
بعد كم ساعه خلصوا التجهيز
نورا: كيف شكلي
نوارة: تجنين يمه تجننين بسم الله عليك ما شاءالله
حصه: وانا
نوارة: كلكم تجننون بسم الله تبارك الرحمن
كانت نجد لابسه فستانها وطالعه بالحوش
عبدالله جا من وراها: مين انتي
نجد التفت: ما عرفتني
عبدالله: الا انتي نجد
نجد: طيب ليه تسأل
عبدالله: لا بس عشان انتي معطيتني ظهرك ف ما عرفتك
نجد: شكلك حلو بالثوب
عبدالله: وانتي برضو شكلك حلو
مطلق جا: كشفتكم تتغزلون ببعض قدامي بروح اعلم ابوي
نجد بخوف: لا تكفى ولا كنا نمزح
مطلق: عبدالله يلا دحدر بكلم اختي
عبدالله بتأفف: طيب وراح
مطلق بحنيه: تتوقعينها مني اني اروح اعلم ابوي
نجد: لا
مطلق: خلاص يلا عيب ادخلي جوا الحين بيجون رجال
نجد: وين زوج نورا بذبحه
مطلق: اوف اوف ليه
نجد: ليه يسرق اختنا
مطلق: يلا نذبحه انا وانتي نجد: قدام
مطلق بصراخ: حمد
حمد طلع: سم
مطلق: تعال
حمد: هلا
مطلق: والله نجد قررت تذبحك
حمد: اوف ليه
نجد: ليه تسرق اختنا
حمد: شرايك اسحب على نورا واسرقك انتي وش هالزين
نجد: والله اروح اعلم اختي وركضت جوا
نجد: نورا
نورا: هلا
نجد: ترا حمد ما يبيك
نورا باستغراب: شلون
نجد قالت لها اللي صار
نورا ضحكت: طيب روحي شوفي امي وش تبي
نجد: طيب
جا هتان ومعه الدفتر
هتان: وقعي هنا
نورا مسكت القلم بتوتر وهي تشوف اسمه وقعت
هتان حضنها: مبروك يعيون اخوك
نورا: الله يبارك فيك
بعد فترة من الوقت
مطلق: يلا نورا الحين بتدخلين عليه المجلس
نورا: طيب
مسك يدها ومشت معه
دخلت عليه
نورا بهمس: السلام عليكم
حمد: رفع رأسه: وعليكم السلام
قرب من عندها: وش هالزين ما شاءالله
نورا: ترا ما اعرف ارد
حمد: عادي عادي اخبارك
نورا: الحمدلله اخبارك انت
حمد: من شفتك صرت بخير
نورا: جعله دايم يارب
حمد مسكها من خصرها: اخيرا كم تمنيت هذي اللحظه
نورا: امم ليه قررت تخطبني
حمد: والله من يوم شفتك من عند الباب وانتي طالعه حبيتك
مطلق من ورا الباب: يلا ترا اخذت راحتك
حمد: قبل ما اطلع عطيني رقمك
نورا: 050*******
حمد باسها على خدها: بالتوفيق حبيبتي وطلع
نورا: وينها ذيك ما جت تبارك ولا تبينا احنا اللي نروح لها
حصه: ياي انا حامل خلاص ما اتحرك
نورا: يعع كريهه ما تنباع مدري شلون هتان مستحملها
حصه: اتركيك من هذا كله وغمزت: وش سويتوا
نورا: على اساس اني بقول لك طسي
حصه: تكفين قولي وش صار
نورا: ما صار شي
حصه: كذابه
نورا: لا كان دخلتي معي احسن
حصه: بالله عليك بشوف كل هالزين وما يسوي شي
نورا: دزيها بروح انام
حصه: ما ظنيت يجيك نوم دام حبيب القلب صار لك
نورا: ودك بكف صح
حصه: لا خلاص اسفه
نورا: ودي أخلي نجد تسوي عمليه
حصه: ما ادري والله بس توها صغيرة خليها تكبر شوي
نورا: تمام دحدري بروح انام
حصه: تصبحين على خير
نورا: وانتي من اهل الخير
