في الماضي عند نجد وعبدالله كان عمره تقريبا 10 وهي 7 سنوات
كانت نجد قاعده بالحوش لحالها قاعده تتأمل السماء وجا من وراها عبدالله يصارخ
نجد: بسم الله خوفتني
عبدالله: وش فيك قاعده لحالك
نجد: طفشانه
عبدالله: تعالي نروح البقاله
نجد: طيب بقول لماما اول
عبدالله: يلا انطلقي
نجد ركضت لداخل
نجد: ماما
امها بدون نفس: نعم
نجد: بروح البقاله مع عبدالله ولد خالتي تكفين
امها: وش اسوي لك انا روحي عني
نجد طلعت برا
عبدالله: يلا نروح
نجد: يلا
طلعوا مع بعض وراحوا البقاله اللي بالحارة
نجد: كم عمرك
عبدالله: ماما تقول عمري 10
نجد تخصرت: وليه انت اكبر مني
عبدالله بضحكه: لان ماما جابتني قبلك
نجد بتأفف: متى أكبر ياخي
عبدالله: اي ولما نكبر نتزوج
نجد عقدت حواجبها: ليه تقول كذا
عبدالله: لاني احبك طيب انتي تحبيني
نجد: مدري
عبدالله: طيب اسكتي وامشي
نجد وقفت بنص الشارع: واذا ما مشيت وش بتسوي
عبدالله: بمشي وبتركك
نجد: روح روح
عبدالله: انقلعي ومشى وتركها واقفه
نجد مشت تبي ترجع بيتهم بس ضيعت الطريق
نجد صارت تمشي وهي تبكي لأنها ضيعت الطريقة وشافتها حرمه
الحرمه: وش فيك يا بنتي لحالك
نجد: كنت برجع البيت وضعت
الحرمه: انتي بنت مين
نجد: بنت بابا
الحرمه: وش اسمه
نجد: مالك دخل
الحرمه: طيب تعالي معي نمشي واذا شفتي بيتكم قولي لي
نجد: طيب
وهم يمشون نجد وقفت ولاقت عبدالله بدورها
نجد صارخت: عبدالله انا هنا
عبدالله ركض باتجاه الصوت ولاقى نجد مع حرمه كبيرة
عبدالله: مين هذي
نجد: وحده ما اعرفها تبي توديني بيتنا
عبدالله بخوف: لا عاد تمشين مع أحد ما تعرفينه
نجد: طيب
مسك يدها وبدأوا يمشون بيرجعون بيتهم
دخلوا بيتهم ولاقت ابوها عند الباب
سحب شعرها: ليه طالعه معه
نجد بوجع: والله ما سويت شي بس رحنا البقاله
محمد شد على شعرها زياده: وليه ما استأذنتي
نجد دمعت: استأذنت من ماما
محمد: تعالي اسأل امك والله إن طلعتي كذابه يا ويلك
دخلوا عند ام نجد وكانت قاعده مع عيالها
محمد: انتي قلتي لنجد تروح مع عبدالله
امها: لا ما جاتني اصلا
محمد سحبها من شعرها ووداها الغرفه
جا بيضربها الا وتجي الضربه في نورا لأنها وقفت قدام ابوها
محمد: وخري عنها
نورا بوجع من الضربه: مابي الا نجد ما ارضى عليها
محمد: انقلعي خذيها عالغرفة مابي اشوفها قدامي
نورا اخذت نجد وراحت الغرفه
جت نور
نور: بابا
محمد: لبيه يعيون بابا
نور: ليه ما تحب نجد وهي توأمي يعني أنا وياها نفس الشي
محمد تنهد: غصب عني والله يا يبه غصب عني
نور: ليه وش سوت لك
محمد: روحي يبه روحي
نور راحت عند خواتها بالغرفة
نور: نورا
نورة: لبيه
نور: جوعانه ابي اكل
نورة: الحين بقول لأخوي يجيب اكل من المطعم
نور ميلت رأسها: شكرا
نورة: يزين ذا الوجه يا ناس
نور ابتسمت لها وحضنت نجد
نور: لا تزعلين يا حلوه يمكن ابوي كان معصب وقتها
نجد من بين دموعها: طيب ليه يكرهوني ماما وبابا
نور مسكت وجه نجد: عادي اهم شي انا وخواتي نحبك صح يا نورة
نورة ناظرتها وحضنتهم: الله يخليكم لبعض يا حياتي
نور من قلب: أمين
صح أن نور صغيرة بالعمر بس من يومها عقلها اكبر منها
________________
بعد 5 سنين كان عمر عبدالله 15 ونجد 12
كان عبدالله يتمشى فجأة شاف ظل بنت واقفه راح يشوف مين لاقى بنت بكامل أناقتها واقفه تتأمل الورد
عبدالله: احترت وين الورد بالضبط
نورا: يعع كريه ومنبوذ ومشت
عبدالله: شفيها ذي بس والله انها حلوه احلى من نجد
عند نجد كانت قاعده تسولف مع نور
نورا: والله انكم حلوين
نور باست نورا على شفتها: والله انك حلوة
نورا ماتت من الضحك: اهه يا بطني
نور: وش فيك
نورا: يا ماما يا حبيبي هذي الحركه عيب
نور عاندت وسوت الحركه مرة ثانيه
نورا طنشتها وراحت عند نجد
نورا: شفيه الحلو زعلان
نجد: مدري بس قلبي يوجعني واحس الدنيا تدور
نورا: امشي امشي المستشفى
نجد بخوف: مابي مابي
نورا بإصرار: اقول امشي يلا
نجد قامت وراحوا مع السواق
بعد مده وصلوا المستشفى نزلوا وفحصت الدكتورة نجد
الدكتورة: امم مدري شقول بس انتي معك مرض القلب حاولي تتعالجين منه
نجد صاحت: مابي اموت مابي مابي
نورا: اهدي يروحي اهدي وتعالي معي نروح نشتري العاب يلا
نجد مسكت يدها وراحوا
بعد كم يوم
عند نورا كانت بالمطبخ فجأة شافت عبدالله داخل
نورا: يا ليل النشبه وش تبي
عبدالله: اسمعي انا احبك وابي اتزوجك اذا كبرنا
نورا كشرت: وعع ما بقى الا انت اتزوجك كل تبن بس واطلع
عبدالله: والله لانتقم منك والله وبتشوفينها بأعز واحد عندك هين يا نورا هين
نورا: ما اهتمت لكلامه ومشى
