مالي ديار الا فيها

19

لانا تطول في الحمام و تتكلم نجد:بنتت شفيك طولتي
((ما ترد))
لانا تطق الباب بقوه وتقول:هيي وينك؟!
لانا تفتح الباب وهي ساكته و وجها شاحب وواضح انها مدمعه
نجد:بسم الله شفييك؟..لانا وش صاير؟
لانا:انا....... انا ح حامل!!
نجد تحط يدينها على فمها وتضحك بشكل هستيري وتقول:يعني بصير خاله؟..اهخخخ انا بحلم ولا بعلم لانا بتصيرين امم تعرفين وش يعني ام؟؟
لانا تجلس على الارض بقوه وتقول:لا لا مستحيل مو الان مو وقته!!!..ما ينفع بسقطه  الطفل هاذا مارح يجي
تتغير ملامح نجد وتقول:لاناا!!!..لا تخلينا نتهاوش وبعدين ترا لازم نروح المستشفى احتياط لان الاختبار مو مره دقيق
لانا:ما ينفععع تفهميينن!!!...الطفل هاذا مارح يجي و انتي مارح تعلمين احد اني حامل تفهمين؟
نجد تجلس جنب لانا في الارض و تضمها وتقول:اختي و حبيبتي تذكرين يوم كنا في الثانوي؟..يوم كنتي تقولين احس يارب اجيب عيال في وقت بدري عشان اصير صديقتهم؟
لانا:قلتيها كنت مراهقه ما ينفع تفهمين الولد ما ينفع يجي ما ابي ينظلم معي
نجد:محد بينظلم لان كلنا معك و معه خلك قويه وبعدين لي محسستي انها مصيبه و حلت تراه طفل برئ ((تقومها و تجلسها على السرير و تقول وهي تبتسم:انتي ارتاحي الحين وانا بنادي فيصل))
لانا وعيونها غرقانه دموع: لازم؟
نجد :ششش((تتصل على فيصل))
فيصل:هلا نجد غريبه متصله؟
نجد:وش مسوي مع اختي خليتها تحمل بهالسرعه
فيصل :كذابه؟؟؟؟...مققلبب صححح؟؟؟نجد والله ما اسامحك لو تمزحين
نجد:اخلص تعال شوفها تراها تصيح ما تبيه
فيصل يطلع من غرفته زي المجنون
متعب في الصاله:يا ولد شفيك؟؟
فيصل وهو يلبس جزمته :مالك شغل
متعب:لاااا انتو مو طبيعيين!!!!!!!
فيصل يوصل للغرفه و يدق الجرس
تفتح نجد وتقول روح شوف زوجتك تصيح في الغرفه
يدخل فيصل و تلحقة نجد
يفتح الغرفه و يشوف لانا تصيح ويقرب منها و يضمها ويقول:لو ما تبينه تعالي معي نروح نطيحه
نجد:هيي وشش ذا الكلاممم مووو طبيييعييينن !!!!!!
فيصل يكمل كلامه:بس قبل شوفيه بالسونار
لانا:وعد؟
فيصل يلا انا انتظرك في السياره
نجد:انا بروح ما اقدر اجلس معكم اكثر
............................................................................
تروح نجد للمتعب و تطق الباب
يفتح متعب ويقول:تفضلي تبين شي؟
نجد:ابي شي؟
متعب:اجل غريبه جايتني المفروض انتي مع عشيقك
نجد تبتسم وتضم متعب من الباب
يمر مشاري و يشوفهم و بعدها يقول :احمم
نجد تعبد بسرعه و تعدل شعرها وتقول:اوه مشاري hi
متعب يضغط اسنانه ويقول بصوت واطي:يارب حلمك!!
متعب:تفضل مشاري وش تبي
مشاري:كنت بسال لو في نادي في المكان بروح اسوي رياضه بس شكلكم مشغولين
نجد:اي في اصلا بروح له بس بعد ساعتين تروح معي؟
مشاري:ت تمام انتظرك...اجل عن اذنكم بروح امشي
نجد: Bye
((يروح))
يروح مشاري و يقول متعب:تدرين الي قلتيه مارح يصير!!!
نجد:وش النادي؟..وش فيها بروح اسوي رياضه وهو بعد عادي
متعب:نجدد لا تجننيني خلك عاقله
نجد:متعب بلا بزارة شفيها اذا رحت معه حتى انت تعال معنا لو تبي
متعب:اجل بروح مع ساره اسبح في المسبح
نجد:اوحهه...شف الفرق قول بروح السوق بروح المطعم مسبحح مره وحدة!!!
متعب:بتروحين مع الخروف ذا النادي بروح مع ساره المسبح هاذا الي عندي
نجد تبتسم وتقول: غرت؟
متعب:شدخلل؟؟؟؟
نجد:هاذا الي جالسه اشوفه ممكن لان مشاري معضل و طويل و حليوه ما ندري عاد
متعب:نجد احترمي نفسك!!
نجد تبوسه في خده وتقول: متعب ياخي لا تعاند تعرف اني مستحيل احب احد كثرك
متعب يدخل نجد و يسكر الباب و يقول:تكفين نجد انا جالس اموت قلبي يتقطعع ياخي خلااصص تكفيين تركي عنك هل حركات!!
نجد:طيب بكلمه اكنسل بس بشرط
متعب:وش؟
نجد:نروح الملهى الي جنب الفندق في الليل كلنا
متعب:كلنا؟
نجد:كلناا!!!
متعب:اوففف طيببب
نجد ترسل في القروب:hi ((ترسل موقع المكان)) اتمنى الكل يحضر الساعه٨ في الليل💕
....................................................................................
فيصل في السياره يمسك يد لانا و يضغط عليها وبعدها يقول:احبك احبك بعنادك و سخافتك و تفاهتك احبك على رغم انك ما تبين ولدي وتبين تموتينه
لانا تشهق وتقول:ولدكك!! ههههه واو
فيصل:احبك على الرغم من انك جالسه تخليني اوديك للمكان الي بتقتلين فيه ولدي
لانا:ولدك ما بعد يصير فيه روح حتى هو اصغر من حجم الزيتونه الحين
فيصل:قلتيها الحينن بعد كم سنه ممكن يكون كبري و جنبه زوجتة و يكون صابر عليها نفسي
لانا :فييصل خلاص انا بسكتت!!!
فيصل:اكيد بتسكتين يعني وش بتقولين اساسا
لانا تفتح جوالها و تقرا الرسالة بصوت عالي
فيصل:هههه مو طبيعيه اختك ترا
لانا:انا بروح
فيصل:بعد ما تموتين ولدي طبعاً
لانا:لحوولل!! فيصل خلاص
فيصل:رسلي انا و فيصل معكم
((في المستشفى تحديداً في غرفة السونار))
الطبيبه تبتسم وتقول: Yes, she is pregnant ((نعم هيا حامل))
لانا تنهار مره ثانيه وتقول: Where is it? I only see a black screen((اين هو انا ارى شاشه سوداء فقط))
الطبيبه تاشر على نقطه صغييرهه وتقول: here
لانا تشوف فيصل الى كان مكتفي انه يشوف النقطه و بسكوت
لانا :فيصل شفيك سرحان؟
فيصل:وش قررتي ؟
لانا:شفيييك سرحححان؟
فيصل:انتي متخيله ان هاذي النقطه الصغييرهه كنتي كبرها في يوم من الايام تخيلي ان انتي لانا كنتي كذا في يوم...لانا لا تسوين شي تندمين عليه بعدين
لانا تبتسم و تشكر الطبيبه و تطلع
فيصل:يمسك يدها و يجلس على ركبته و يبوس يدها ويقول وعينه تدمع:حبيبتي و نور عيني وش قررتي وانا معك في كل خطوه انتي فيها
لانا تقومه وتضمه وتقول:حتى لو كنت ناويه اطيحة انت بتغير رايي اعخخ يا فيصل
فيصل يبعد و يقول و الضحكة شاقة وجهه: والله!!((يسجد ويقول:الحمدالله يا رب الحمدالله الي رجع عقلها للمكانه ))
بعدها يروح للطبيب طبيب و مريض مريض و زائر زائر ويقول: my wife is pregnant((زوجتي حامل))
بعدها يقول بصوت عالي:بصيير ابب بصيير اببب!!!!!!
يجون الحراس ويقول: Can you lower your voice? There are patients who need calm((ممكن تخفض صوتك هناك مرضى يحتاجون للهدوء))
فيصل يستحي و يمسك يد نجد ويطلع ويقول لها وهو يمشي للسياره:وعدد وعدد ما بتندمين بسوي كل شي اقدر عليه و ما اقدر عليه عشان اساعدك وعدد
....................................................................
ساره تكلم متعب تلفون
متعب:هلا ساره غريبه متصله تبين شي؟
ساره:ااااا متعب وش جالس تسوي وينك؟
متعب:انا في غرفتي مع نجد تبين شي؟
ساره:اي بطني يعوورنييي و محد موجود يساعدني ممكن تجي تساعدني؟
متعب:بنادي نجد تجيك انتي اي غرفه؟
ساره:لااا الا نجد تعرفها ذي مو صاحيه و اصلاً هي تغار مني اخاف تموتني
متعب:شدعوه
ساره :بليز تعال
متعب:طيب انتي اي غرفه؟
ساره:103
متعب :تمام((يسكر)) ويقول للنجد هاذي ساره تقول تعبانه و تبيني اساعدها
نجد:تساعدها!!..طيب انا اجي عادي وش فيها؟
متعب: قلت لها تجين تساعدينها ما تبيك
نجد:اما ما تبيني انا بموت عليها
متعب يبتسم ويقول:بروح لها تجين معي؟
نجد:اكيد بجي بخليك مع هل حيه اجل؟!!
متعب يضحك ويقول:ههه وتقول عني غيور!!غريبه انتي ترا
نجد تقلد ضحكته وتقول:سخيف
.......................................................................
يوصلون للغرفه و يدق الباب متعب وتفتح ساره الي تكون لابسه قصييير لفوق الركبه وتقول:اوه نجد جيتي معه نوورتي  ((بينها وبين نفسها:وش جيبها النشبه ذيي!!!))
نجد تشوفها من فوق لتحت و تمسك يد متعب بقوه وتغمز لها وتقول:اذا ما جيت معه اجي مع مين...انتي فهميها عاد ههه...  تدخل بدون استاذان وتقول:والله شكلك زي الفل حتى يبيلك عريس على هل لبس الزين
ساره ترفع راسها وتتجاهل كلام نجد وتقول:معليش متعب من امس بطني يعورني وما مداني اغير لبس النوم
متعب يبتسم وتوه بيتكلم الا تقاطعه نجد وتقول:شدعوه قدرتي تبخرين البيت و تسوين كيكه و ما قدرتي تتسترين؟
ساره تبتسم و تتجاهل نجد مره ثانيه وتقول:متعب سويت هل كيكه خصيصاً لك لان اذكر واحنا صغار يوم كانت الي جنبك في لندن كنت تحبها
نجد تبتسم :نجد اسمي لو نسيتي
ساره :متعب بحط لك تمام وفوقها فرولة نفس ما تحب
متعب يبتسم ويقول:تمام بس مو على اساس انك تعبانه ؟
كلام متعب يريح نجد بشكلل وتقول:شكل مافيها الا العافيه شرايك نروح المسبح الخاص الي تحت ودي اسبح معك
متعب ينحرج من كلام نجد ويحمممر وجهه ويقول:نجدد !!
نجد بصوت واطي:وشش؟؟
متعب:يطلع من جيبه بندول و ضرف شاي ويقول:شوفي جربي شربي شي دافي و كلي بندول اذا استمر الالم بوديك المستشفى
ساره وهي داخلها نار:طيب
((يطلعون))
متعب:نجد لازم تحكمين اعصابك!!!!
نجد :وش وششش واضح وش جالسه تسوي !!
متعب:طيب بس حتى لو و شفتي كلام جدي لو قالت له شي رحنا فيها وبعدين انتي تعرفين ان كل البشر في كفه و انتي في كفه ثاانيه بعدين يمسك يدها و يحطها على قلبه ويقول:انتي هنا و بروحك متربعه
نجد:اووفف اوووفففففف!!!
متعب يضحك ويقول ما زلتي صامله على المسبح؟
نجد :متعبب!!
متعب:افف طيب تعالي في مطعم حلو خل نروحة قبل لا نروح ملهاك الزفت
نجد:okk
................................................................................
((في الليل))
متعب يجلس في طاولة و يقول:مدري وش جيبني هنا ياخيي!!
نجد ياخي استمتع شوي!! يمهه منكك تحب الغلقهه!!
يوصلون الباقي ويقول مشاري:وش بتطلبون
نجد:ياخي انت جويي!!!
متعب:هاذا الي ناقص!!
نجد بطلب هاذا بالتوت
مشاري:ذوييقهه!!
نجد تغمز وتقول:اعجبكك
يجيبون المشاريب ويشربون كوب ورا كوب
فيصل:جاي اقول لكم خبر حلو
متعب يبتسم ويقول:قول
فيصل:لانا حامل
متعب يقوم لا ارادي و يضم فيصل بقوه ويقول:مبرووكك يا رجااال يتربى بعزك
فيصل:مشكور يا خوي ما تقصر
متعب و الضحكة شاقه وجهه :ولك الجيب الي كنت تجمع له من فتره
فيصل:هيي خوي بحتاجك كثير اخر فتره لا تحرجني من البدايه
متعب:اي احراج ما بينا احراج
فيصل :مشكور يا اخوي ما تقصر
ساره تبتسم وتقول:مبروك
نجد وهي سكرانه:تراني كنت ادري قبلكم كلكم بس ههه ذي الغبيه ما
فيصل يقاطها ويقول:حلو المشروب؟
نجد:وش جالس تهبد
نجد بصوت واطي باذن لانا:لانا تتحديني ابوس الحلو الي جنبي((تقصد مشاري))
لانا:نجد بديتي تهذين جد!! هيي اصحيي الوو!!
نجد:وش فيكم متحجرينن !! مجردد تحدي تقرب من مشاري وتبوسه قدام الكل متعب يحس ان الدم وصل لراسه و يضرب الطاوله بقوة
نجد تفز وتقول:شفييكك؟؟؟
متعب يمسك يدها و يسحبها لبرة
يلحقهم مشاري الي كان نص صاحي  يقول:هيي ما اسمح لكك!!!
متعب:ياصبر انت يا ابو نص عقل فارق فاااارقققق!!!!!
مشاري:على اساس الي جنبك عقلها كامل وبعدين مو على اساس ما بينكم شي؟ خلاص شعليك منها
نجد ترفع كتوفها و تقول وهي تحك شعرها :ابعدد كلام مشاري حقيقي خلاص ياخي روح ابي اجلس معه!!
متعب:تبين تجلسين معه؟ هههه حلو يا نجد حلوو
((يروح))

((انتهى الجزء الاول))

اتمنى تكتبو تعليقات رايكم بالقصه و ايش تتوقعون بيصير في الجزء الثاني اوعدكم بيكون جزء فريد و اجمل من الاول💕