عالق بين الزمن

الفصل الثاني

صلوا على النبي ❤️
_________________
فى المساء في الطابق الاخير من المنزل كان يجلس اربعه شباب في شكل دائري مع الاحتفاظ بالمسافات يتحدثون سويا عن مكان يقضون به اجازه كل سنه

_فقالت فتاه:بحكم أن احنا مش سافرنا في الاجازه فكروا في مكان نسافر له دلوقتي .

_فقال ياسر: بس مش هينفع يا سما نسيتوا الجامعه هتعملوا ايه.

_فردت ساره: عادي هنتصرف احنا لسه في أول السنه

_فقال آسر: اه يعني هتعملوا ايه .

_سما بتفكير: هنخلى واحده زميلتنا تعمل حسبنا في الملخصات وتبعت لنا تسجيلات المحاضره .

_آسر بسخرية: يعني كده امك هتوافق يعني.

_سما بهمس: هو انا ليه حاسه ان فيه نبره سخرية فى الكلام.

_ساره: حاسه يعني مش متأكدة.

اثناء ذلك سمعوا صوت ينادي عليهم.

_فقالت سما: قومي ردى .

_ساره: وليه مش تقومي أنتِ .

_سما: هي امى انا.

_سارة: بس هي خالتك.

_سما: وهي امك قومي انت ردى.

_سارة: والله ما هقوم قومي أنتِ .

_سما: لا أنتِ.

_ساره: أنتِ.

_ياسر و آسر في نفس واحد: بس أنتِ وهي.

_ياسر: هقوم ارد انا.

وقف ياسر وقام برد على خالته ثم عاد لهم وقال: شكلها مفيهاش رحل.

لم يعطوا له فرصة لتكملة حديثه إلا وقاطعته سما وقت غلب عليها التأثر الشديد: ايه مين اللي مات.

_ساره بحزن: مين اللي انكسر.

_آسر بنفس الحزن: طب جنازه مين. وأكمل بمرح: ولو الجنازة دى بر مصر يبقى اشطات دايسين هنروح

ساره وسما في نفس الوقت:الواد ده كل كلامه صح وصح الصح كمان اتفق مع الفكرة.

قاطعهم صوت ياسر العالي: بس بس اسكتوا ايه في ايه انتم ما بتتفتحوا ما بتفصلوش ابدا.

سما بصوت عالي نسبيا: ما تخلص تقول لنا في ايه.

ياسر: هو انتم اديتم ليا فرصه اتكلم ...خالتو بتقول لكم جهزوا نفسكم عشان الفرح مش حد ميت ولا حد مكسور.

_سارة: فرح مين وفين اهم حاجه هو فين.

_ياسر: على اساس انكم مش عارفين هو فين.

_آسر: اهم حاجه ان الموضوع فيه سفر ده اللى يهم.

_ساره: اه ده اللي يهم عشان احنا اصلا هنسيبنا من الفرح واللي عاملين الفرح وهنتفسح ونخرج.