ألكسندرا:لوريانا مش قولتلك تمشي!
=أنا كنت راجعة أخد الشال بتاعي بس مش ده المهم المهم دمبلدور عايزني ليه؟
فريدريك:أكتشفي بنفسك
=ياعم أيه شغل شوق ولا تدوق ده!
فريدريك:البت دي بتجيب الكلام ده منين؟
=من المدرسة ياجدو
فريدريك:قولتلكم نوديها أكاديمية بوباتون زي أمها قولتوا لا تروح مع اخوها هوجوورتس، أهو أتفضلوا
=لا بوباتون أيه لبس هوجوورتس أحلى
فريدريك:أنتي بتختاري بالبس؟
=أومال هختار بأيه يعني! وبعدين مافيش عندهم أكشن زي هوجوورتس
ده إحنا فولدمورت جه المدرسة عندنا مرتين منهم مرة مات بسببه استاذ ومرة تانية حجر نص المدرسة غير إن الدمنترو فضلوا معانا قد كده وسيريوس بلاك اللي كان هربان من ازكابان كان بيجيلنا زيارات شايف الأكشن!
وبعدين مافيش عندهم قرة عيني
ألكسندرا:لوريانا أطلعي برا
=يوووه
"بطلع وأنا ببرطم"
ألكسندرا:دمبلدور عايزها ليه بقى؟
فريدريك:علشان مهاراتها في التعاويذ وفنون الدفاع ضد السحر الأسود، سنيب ولوبين بنفسهم قالوا إن لوريانا تعتبر أحسن تلميذة في هوجوورتس حاليًا في إلقاء التعاويذ
ألكسندرا:طب ماده ممكن يبقى عند أي حد غير لوريانا، هرمايني مثلًا وهي كده كده معاهم يعني
أولجا:لوريانا أستخدمت قدام سنيب السنة اللي فاتت تعويذة من غير الواند بتاعتها، بأيديها بس وانتي عارفة إن دي حاجة كبيرة على طالب اتعلم بس يلقي تعاويذ من واند، غير إنه لسة يدوب في سنة رابعة، يعني لو كان طالب في آخر سنة زي سيدريك كنا ممكن نتقبلها بس حد عنده 14 سنة انتي عارفة إن ده معناه إنه ساحر قوي
فريدريك:غير إن لوريانا عندها مهارة عالية في الوصفات سنيب قال لدمبلدور كده
ألكسندرا:بس لوريانا لسة صغيرة
أولجا:بس لوريانا مش ساحرة عادية يا ألكسندرا دي واحدة منا، وانتي شوفتي إنها قدرت تنقذ حياة اخوها بقوتها وشايفة هي إزاي طورت من قوتها في وقت قليل
فريدريك:دي وقفت مرة الجريت هول كله ماعدا هي وابن لوسيس شايفة الفصعونة الصغيرة اللي كانت بتفرهد منا لو شافت رؤية عابرة بقت بتعمل أيه؟
سيدريك:هو يعني أيه فصعونة؟
"كلهم بيبصوا ناحية الباب عليا أنا وسيدريك اللي قاعد يتصنت عليهم وأنا معاه"
=والله على رأي المثل ماشافوهمش وهما بيسرقوا شافوهم وهما بيتقسموا
ألكسندرا:لوريانا أنا قولت أيه؟
أنت تقرأ
هوجوورتس الثانوية المشتركة 3
Short Storyهذه الأحداث من وحي خيالي ولا علاقة لها بالواقع ببصلة، وأي تشابه بينها وبين الواقع مقصود 🧙♀️ بعض الأحداث والشخصيات تعود حقوق ملكيتهم للكاتبة جي كي رولينج كاتبة سلسلة روايات هاري بوتر... 31/10/2023 🧹
