السلام عليكم ورحمة اللّٰه وبركاته
الدبش المجنونة الفصل الثالث
بسم اللّٰه الرحمن الرحيم توكلنا على اللّٰه
_____________
إذا ذُكِرَ مُحمَّدٌ ﷺ حلَّتِ البرَكَاتُ.
_____________
عندما كانت نور في مكتبها تعمل على بقية الأوراق التي طلبها منها عمر استمعت إلى صوت تعلمه جيدا ولم يكن سوا صوت صديقتها المقربة شهد والتي رأتها تقتحم المكان ثم اقتربت لتجلس وألقت بالملف أمامها بعدم اهتمام.
ثم تحدثت شهد وعينيها تطالع المكان بنظرة إعجاب : الملف أهو عدي الجمايل يا أبو الصحاب
نظرت لها نور بإستنكار : من غير ماتقولي ياختي عدي أنتِ جمايلي إلى مغرقاكي
شهد : ما بوراحه ياختي في ايه محدش يعرف ياخد معاكي حق ولا باطل
وبينما شهد تتحدث دخل عليهم شاب وسيم إلى حد ما، اقترب من مكتب نور ثم تحدث بهدوء.
_ بشمهندس عمر جوه
فأجابت نور بعملية : أيوة يافندم، مين حضرتك
قال وهو يختلس النظر إلى شهد _ حازم الورداني ابن عمه
فقالت نور بينما تشير له بالدخول : أهلا بحضرتك بشمهندس عمر سايب خبر، اتفضل .
اتجه حازم إلى مكتب ابن عمه بعدما أشاح بنظره عن تلك الفتاة التي رأها بالأسفل عندما اصطدم بها والتي جذبت انتباهه بشكل كبير، ليتحدث نفسه.
_ ما تنشف كده يا حازم في ايه أنت بتبص على البنت دي كده ليه أنت جاي لأبن عمك فوق كده.
كانت نور تنتظر دخوله وعندما دخل بالفعل تذكرت ما فعلته بمديرها لتضحك في ذاتها ثم وجهت انظارها إلى صديقتها ولكن وجدتها في عالم أخر وعينيها مثبته على الباب الذي دخل منه حازم.
نور : مالك يابت متنحه في الباب كده ليه
شهد : ها في ايه
نور : في ايه لا أنتِ مش معايا خالص
شهد : لا أنا معاكي طبعا
نور : معايا فين انتي هتستعبطي بتبصي على أستاذ حازم ليه ياحجة
شهد بتوتر : انا هبص عليه ليه يعني هو أنا اعرفه أصلا
نور : الكلام ده تضحكي بيه على أي حد الا أنا فاهمة ومتنسيش اني قافشه الحوار من غير لف ودوران كده تعرفيه منين ومن امتى
شهد : واللّٰه معرفه أنا خبط فيه قدام الشركة وانا جيبالك الملف واعتذرتله ومشيت
نور بصدمة : ايه اعتزرتيله دي أخرت تربيتي فيكي تقومي تعتزري عشان خبطي فيه ياخسارة تعبي إلى راح هدر
فقالت شهد : امال اديلوا بالروصيه ويتعمل فيا إلى بيتعمل فيكي
نور : اه ياختي خايفه على عمرك قوي انتي
