اسيرة الروح

بارت 15 🤍

منذ أن وقع بَصري عليك
لا أفكر بإسترداد عيني ♥️.
_____________٭______________٭______________
« في الحاره »

ركن قصي سيارته واتجه ل مازن وقال : شكرا ي صاحبي

ابتسم مازن وقال : العفو ي صاحبي ليليان هديت شويه المهم

ابتسم قصي وأوما له وقال : اه هديت ودلوقتي هتكلم مع عمي تاني وهطلع من عنده هروح ل بابا

اومأ مازن وقال : هتطلع برضو تقنعه

أومأ له قصي وقال : ايوا ي مازن انا مش هسيب ليليان
وصعدوا معا وجلسوا أمام فؤاد

نظر له قصي وقال : ازيك ي عمي

ابتسم فؤاد وقال : الحمدلله ي قصي وانت

ابتسم قصي وقال : كويس ي عمي ... ثم أكمل وقال : لسه برضو ي عمي بتفكر

اتنهد فؤاد وقال بجديه : موافق بس بشرط واحد ي قصي رضوان يجي هو وفيروز يطلبوا بنتي ويكونوا راضين غير كدا لاااا

أومأ قصي له وقال : وانا موافق ي عمي بس ممكن نقرأ فاتحه دلوقتي واوعدك أن هما يجوا

هزت فؤاد رأسه ب لا وقال بصرامه : لما اهلك يجوا ي قصي

اتنهد قصي وقال : مااشي ي عمي بعد اذنك وتركه وذهب
_____________٭______________٭_____________
« في شركة الكردي »

وذهب الي شركه والده ودخل دون استأذان وقال : بابا لو سمحت عاوز اتكلم معاك

وقف رضوان وقال بحده : انت ازاي تدخل كدا ي قصي
ونظر الي الموظفين وقال : معلش انا بعتذر الاجتماع هيتأجل ساعه

نظر له قصي وقال بتهكم : انت المهم عندك الاجتماع ... وأكمل وقال : متقلقش انا مش هعطلك خالص

رمقه رضوان بغضب وقال : ما تلم نفسك ف ايه هو انا معرفتش اربيك

نظر له قصي وقال : لا متقلقش انا متربي ي بابا ... ثم أكمل وقال : انا عاوزك انت وماما تيجوا معايا عشان اتقدم ل ليليان

وقف رضوان وضرب يده ع المكتب وقال بعصبيه : هتروح تتقدم ل بنت الراجل الخاين مهي اكيد خاينه شبه ابوهاا انسى الجوازه دي لو اتجوزت اعتبر ملكش اهل خالص ولا ليك فلوس

نظر له قصي وقال بحده : انت اصلا مش عاوز تسمعه مش عاوز تسمع اخوك

هبد رضوان يده ع المكتب وقال بعصبيه : بس انا مصدق مراااتي هي هتكدب لييه

نظر له قصي وقال بعصبيه : عشان هي بتحبه

نظر له رضوان بصدمه وقال : ايه الهبل اللي بتقوله دا ي قصي دي امك

نظر له قصي وقال : عندك استعداد تسمع اللي حصل ولالا

جلس رضوان وهو يشعر بالدوار بسبب ما سمعه كيف تحب اخاه وتزوجته ولم ينظر ل ابنه وبلع غصه في حلقه واومأ برأسه