اسيرة الروح

بارت 1 🤍

في مدينة الاسكندريه عروس البحر المتوسط تظهر معالم البهجه والسرور في الاجواء بسبب قرب قدوم شهر رمضان الكريم والاغاني تملئ كل مكان في هذه الحاره الشعبيه وتمشي التكاتيك وتصدح منها صوت الاغاني التي تسمى مهرجانات وصوت الاطفال والشباب وهم يعلقوا زينة رمضان

نجد سيده ترتدي عباءه سوداء تدخل بيت يظهر عليه مرور الزمن وتصعد السلم وتطرق الباب ففتحت لها سيده اخرى ترتدى عباءه منزليه واشارب بسيط تربطه ع رأسها وقالت بترحاب : اهلا ي ناديه يااختي اتفضلي

دخلت ناديه ببتسامه وهي تسمي الله وقالت : يزيد فاضلك ي ام سيد انا جيت ياختي اديكي الجمعيه

ابتسمت ام سيد وقالت : طب اقعدي ي ام مرام واشربي كباية شاي وبعدها اخدها

جلست ناديه وقالت : معلش مش عايزه اتأخر بس عايزه اجيب حاجة رمضان كل سنه وانتي طيبه بقا

ابتسمت ام سيد وقالت وهي تدخل المطبخ : وانتي طيبه ي حبيبتي والسنه الجايه تلاقي بنتك ف بيتها ومتهنيه يارب

اتنهدت ناديه وقالت بحزن : والله مش بينها جوازه ي ام سيد انتي عارفه زينب وابنها مستعجلين عايزين الجواز ع العيد الكبير وانا لسه مخلصتش جهازها وانتي عارفه الحاجه غاليه ازاي لسه بدفع القسط اللي عليا ولسه حق الاض والرفايع هجيب منين

خرجت ام سيد وهي تمسك صنيه بها كوبان من الشاي ووضعته ع المنضده وجلست امامها وقالت : طب حاولي تتكلمي معاها يأجلوا الجواز لحد اخر السنه ع الاقل ولا عشان ربنا مديهم شوية فلوس من سفر ابنها تعمل كدا

اومأت ناديه وقالت بضيق : اديكي قولتيها ولسه عايزه افرح البنت بهدوم عيدها دي عادة ابوها الله يرحمه مقدرش اقطعها لازم تجيب طقم عيد ليها والمعاش اللي جاي ع قد اللي رايح

نظرت لها ام سيد بشفقه وقالت : متزعليش ي ناديه انتي حاولي تأجلي الفرح وربنا ما يقطعلكوا عاده يارب والجمعيه هتقبضيها في شهر رمضان هاتيلها طقم بسيط والباقي هاتي بيه باقي حاجتها هما اه 10 تلاف بس ان شاء الله يكفوا والاوضه هاتيها بالقسط

اتنهدت ناديه وقالت : هي اوضه واحده بس دي اوضين سفره وركنه وانتي عارفه السفره غاليه ازاي

لوت ام سيد شفتيها بعدم رضا وقالت : يعني هما عارفين الظروف مش قادرين يشيلوا هما باقي الاوضه وانتو اوضه او حتى اوضين خفاف .. ومسكت كوب الشاب ومدته لها وقالت : اشربي ياختي وهدي نفسك

اخذت منها ناديه الكوب وشرفت منه قليلا وقالت : الحمدلله ي ام سيد اهو لما ياسر ينزل ع العيد الصغير هحاول اتكلم معاه .. واكملت بضيق : وبعدين مش عايز يجيب اي مواسم من اللي عليه امه بتقول لا يجبوها ويروح ع الشقه ع طول طب مش بنتي حقها تفرح زي البنات باللي يجيلها