فجأة وبدون اي سابق انذار إبراهيم شَد ايدي وكال...
ابراهيم:اكلج شي؟
مينا:كول
ابراهيم :بس اوعديني ماتحجين باي حرف الين ما اني اكلج
مينا:وعد بـ....
{ماكملت مينا كلامها قاطعها معجبه}
المعجبة:ههلو كابت،ممكن صوره؟
ابراهيم:هلاوات عيني،اكيييد
[اخذو صورة وراحتت]
مينا:شَرايك مانحجي اهنانه؟لان باعع العالم كلها تباوع علينه
ابراهيم:تمام كومي نطلع للسياره
Pov mina:چنه جاي نتمشه للسياره وجان عدة مرات يلمس يدي ويوخره بالغلط واني سويت روحي غشيمه عَ اساس ماحسيت بس من داخلي جنت كاتمه عيطه قويه🌚
ابراهيم:باعي للصراحه تتذكرين لما جنتو بالمدرسه انتي وكاتيالا جنتو كدام فد اسواق وانتي كلتي هاي نستلتي المفضله؟وكاتيالا اشترتها الج ؟؟
مينا:ايي وانتَ شدراك؟
ابراهيم:السياره الي انتي كلتي عليها حلوه التاهو السوده الي هي سيارتي والي هيه حاليا انتي كاعده بيها وضحكتي انتي وصديقتج عليها من وكتها اني بس افكر بيج!!
مينا:لحضه لحضه يعني السياره الضخمه ذاك هي نفسها هاي؟؟وسيارتككك؟؟؟
ابراهيم:يعني انتي عفتي مقصدي وكلامي وركزتي على السياره؟
مينا:ليش انتَ شنو مقصدك؟!
ابراهيم:بس جان يباوع بعيون مينا وهي تباوع عليه بأستغراب
مينا:اهاااااااا قصدك تحبني؟؟؟
ابراهيم:صلاوات على محمد افتهمت
مينا:ابراهيم لاتشاقه!تره اذا علمود ابوي وعلمود شفقه فأني ما اريد افتهمت لو لا؟؟
ابراهيم:لا وداعتج لا مو علمود ابوجَ ولا علمود شفقه بس والله احبج واني مستحيل اوافق اخذ رقم اي بنيه بأستثناج انتي والي هو اني طلبت منج رقمج مو انتي
مينا:ماعرف
ابراهيم:شنو الي ماتعرفينه؟
مينا:ماعرف ما متأكدة من مشاعرك!ولا من انو ابوي يوافق على غريب
ابراهيم:ليش؟
مينا:باوع اني ماحاجيتلك عن احمد؟؟
ابراهيم:منو هاذه انضاف جديد!!!
مينا:لا هو هاذه يصير وَلد عَمتي من واني صغيرة يحبني وابوي واعد عمتي واحمد انو اني ما اكون غير لاحمد
ابراهيم:وانتِ تحبينه؟؟؟؟؟
مينا:لا والله اقسم بالله لو بيدي اموت ولا اتزوج واحد مثلن لايصلي ولا يصوم واستغفرُلله ربي حتى يكـ.ـفر!!
ابراهيم:معليج بيه اني احل كلشي بس انطيني جوابج!!
انتي موافقه علي لو لا؟؟يعني لو اجيت وتقدم الج توافقين لو لا؟؟
مينا:اوافق عليك بس شلون تقنع ابوي؟
ابراهيم:الحمدُلله اهم شي انتي موافقه🥹💙وابوجَ اني اكوله اكول مينا تصير صديقه مريم اختي واني جم مره شايفتها من ارجع مريم للبيت وحبيتها!!
مينا:بكيفك هسه رجعني للبيت لان صار الساعه بالـ١:٣٠ تأخرت ساعه كامله عالبيت هسه يدرون!!
ابراهيم:تمام
Pov mina:
وصلني ابراهيم للبيت بس ماخليته يعني يوصلني كدام باب البيت خليته يحطني بالفرع وهو يروح يعني ماوصلني للباب اول مافتحت الباب لكيت احمد وعمي جابر وابنه راكان وابوي اربعتهم واكفين بالحوش ورأسا كال احمد
احمد :وين جنتي؟؟؟؟؟؟
مينا:وشعليك انت هااا(بصياح)وثانيا لابسه ملابس مدرسه وين اكون مثلا بالملهى استغفرُالله!!
راكان:مينا عُمري هدي معليج من هاذه الحيوان انتي احجي وين جنتي؟
مينا:يابه والله جنت بالمدرسه بس سوينه درس اضافي لان باجر عدنه امتحان وضروري تشرح الماده
جابر:خوش يلا صعدي لغرفتج!
مينا:باوع عليهم هو وابوي واحمد بأستحقار كلش اكرههم الوحيد الي واكف وياي اخوي واختي وابن عمي راكان هاذه
مينا:........
— — — — — —
انتهىٓ البارت💋💙
————————
الروايه خياليه ١٠٠٪🫂🤍
