ابراهيم:كُلكم طلعوا برا اريد بَس مينا!
مَينا:نَعم؟
ابراهيم:مَينا سمعي ،تتذكرين ذاك اليوم الي اجى ابنَ عَمج وكال انتي نمتي وياه!
مينا:هااااا يَعني علموُد هاذه خنتني عفية اني رايحه
ردت اروح بس اجرني وشمرني على الحايط
ابراهيم:من اكلج اوكفي توكفين سمعتي!
مينا:احجي شرايد بسرعه!
ابراهيم:حسيتي بشنو؟ من شفتيني اخونج! او نمت وية وحده؟ بجيتي! صَيحتي!ردتي تضربيني وتضربينها ! صح! نَفس الشعور الي اني حسيت بيه . مَينا انتِ ماحسيتي بيه! ماكلتي شنو شعوره رجال من بين العالم يجي واحد ويكله والله خطيبتك نايمه وياي وتريد تتستر فوافقت عليك؟ هااا! شنو شعورج من ايمَن وحَسن كلولج يريد يلعب بيج؟ نَفس الشيء كلي احمد مَينا تريد تلعب بيك! فهمتي!! شفتي شكد محلوة! اني مخنتج وهاذه كله خطه علمود تعرفين شكد محلوة تشوفين الي ثقيتي بيه يخون ثقتك!! انتِ بَس كدام المقربين وهيج انجرحتي وانحرجتي زَين اني كدام الكُل!! صرت مضحكة عند خلق الله كُله! اني مراح اكلج اي شي بس فكري ياهو بينه الصَــح ووراها فكري بمصيرنا واتمنى جوابج ميندمج بعَدين
لبس بلوزته وطلع
مَينا:جنت بحال صدمةة! معقولةة كُل هاذه جانت خطه زَين اني هاذه كله الي عشته كله مجان ١٠ دقايق؟ وهو اسبوع!! اسبوع كامل جان هيج يعيَش وفوكاها هو الي اجه واعتذر واني الرفضتهَ؟؟ صُـــدك كرهَت روحيي!!
رحت ركضض وراه عسى وان بعده بالفندف وما طلع علمود اعتذر منه وصلت للطابق الـاول لكيتهم كلهم كاعدين عدا ابراهيم
زَينب :وين مينا
مينا (تبجي):زَينب عوفيني وين ابراهيم
حَسن:راحح يجوز للبيت اوصلج؟
مَينا(تبجي):لا شكراً بس بعدين وصلو زينب وخلص
"رحت ركض وبسرعة شغلت سيارتي وحرفيا جنت اسوق سريع وعسى ان اشوف سيارته حتى لو بالطريق والحكه اشوفه وين يروحح! رغم انو اني توني مطلعه اجازه ومن الممكن يسحبونه اذا شافو ما اوكف ولا اخفف واساساً سحبو ٥٠٠ الف غرامة من حسابي البنكي لان السرعة،،
بَس ماهتميت
وصلت للبيت والحمدلله لكيت سيارته بس مادري شنو الخلاني بلحضته اكول لنفسي..!
"مَينا لا تعتذرين ! اعتذري بس مو هسه مهما جان يحبج حيشوفج بلا كرامة اذا هسهه كبل اعتذرتي،، عوفيه هم انتي وهم هو يرتاح بعدين عود اعتذري..
