2
#ليتهم_يشعرون
#ديدا_الشهاوي
بكرهك...بكرهك ...بكرهك
طول الوقت بقولها لاختي من تصرفاتها معايا وتصرفات بابا وماما وتفضليهم لاختي عني
واللي شوفتوه امبارح دي حاجه بسيطه من حياتي معاهم
انا #ندي عندي ١٩ سنه واختي نادين تؤامي الكل اللي يسمع ويشوف يتعاطف معايا من طريقتهم بس حياتي اللي انا عيشها خلت مني وحده غير سويه شيطان علي هيئه ملاك
من كتر الظلم اللي بشوفه خلوني وحده شريره
احنا اتنين اخوات تؤام شبه بعض في كل حاجه الا
انا ربنا خلي وشي فيه بقع بيضا منتشره في كل جسمي وبقيت منبوذه من الكل وأهلي محاولوش يتعلموا يتعاملوا معايا ازي وليه دا شكلي وكمان ويراعوا مشاعري
#نادين طول الوقت هي الأجمل والاحسن والكل بيحبها عكسي الكل بيهرب مني كل اللي يعرفني يخاف يقربلي لغايه ما بقيت وحيده وانا وسط اهلي حتي تؤامي نفسها كانت بتعاملني زيهم عمري ماحسيت احساس التؤام اللي بيحبوا بعض ويخافوا علي بعض مع اننا تؤام متطابق بس عمرنا مكنا سوا ولا مرتبطين
مافيش الا واحد بس اللي كان متعاطف معايا وصعبانه عليه بس يخساره مش قاعد معايا طول الوقت احمد اخويا الكبير هو في الجيش كان هو الوحيد اللي بياكل معايا ويلعب معايا عمره ماخاف من شكلي او خاف مني هو ديما كان يقولي انتي اللي مميزه فينا ربنا اداكي ميزه وشكل مختلف واللي في وشك وجسمك دا لون قلبك
_احمد تعالي يلا جهزتلك الغدا
_الله الله تعالي كلي معايا وفين بابا وماما ونادين
_هما اتغدوا وانا هاكل بعدين
_لا تعالي كلي معايا عشان تفتحي نفسي
احمد اخويا دا هو الحاجه الوحيده في حياتي الحلوه
_ندي ..جهزتي كل حاجه عشان عريس اختك
_ايوه ياماما اروح البس بقي ولا هاقبل الناس كده
_ليه انتي هتقعدي معاهم ولا اي
_أمال اي
_بلاش الزياره دي وبعدين انتي منقبه
_خلاص ياماما اللي تشوفيه
_اتفضلوا اهلا بيكوا منورين اهلا دكتور اسامه اهلا ياحجه
_منور باصحابه امال فين العروسه
_نادين ادخلي سلمي علي طنط
_اهلا ياطنط
_اتفضل معايا دكتور اسامه ونسيب الحريم مع بعض
_ارفعي النقاب يانادين عشان طنط تشوفك
_بسم الله ماشاء الله تبارك الرحمن قمر وهي قمر ابني عرف يختار كنت بستسمحك ياست ام احمد دكتور اسامه ابني يقعد مع نادين يتكلم معاها قبل ما نقرأ الفاتحه ولو ينفع ترفع النقاب بعد اذنكوا ربع ساعه عشان يعرف العروسه قمر اد اي
_هقوم استأذن من ابوها واعرفه برضوا واجيلك
_اتفضل يا دكتوره اسامه حالا العروسه جايه حالا ..ادخلي يانادين هسبكوا نص ساعه واجلكم انا قاعد بره لو عوزت حاجه دكتور اسامه
_شكرا ياعمي
_اذيك يانادين عامله ايه اقولك ندي ولا نادين انتي مره تقولي ندي والمره دي يقولوا نادين
_اااه انا اقولتلك اسمي مش فاكره.. بس هما ساعات بيدلعوني ويختصروا الاسم ويقولوا ندي وساعات يندهوا اسم اختي تؤام بقي
_المهم شوفتي وفيت بوعدي ازي لما كلمتك واقولتلك انك هتكوني من نصيبي بإذن الله
_ااه ..مش فاكره ..مش عارفه
_انت مالك غريبه كده ليه يمكن عشان مكسوفه
_ااه مكسوفه الصراحه
_طب انا استأذنت من عمي انك ترفعي النقاب ٥دقايق اشوف قلبي طلع بيفهم لما حسيتك من غير ماشوفك
_ حاضر ..اهو ..
_بسم الله ماشاء انتي حلوه اوي يانادين من بره زي ماحسيتك حلوه من جوا خلاص نزلي النقاب
_فاكره لما اقولتلك في النادي ..
_عن اذنك بس حاسه ماما بتندهه
_ماشي اتفضلي
_ماما الحقيني بيتكلم في حاجات كانت في النادي وانا معرفوش ندي اللي كانت معاه ومش عارفه وخايفه يشك
_مش عارفه يابنتي خايفه يحس بحاجه. طب استني ندي ندي بت ياندي
_ايوه ياماما تعالي غيري هدومك والبسي لبس حلو والنقاب وادخلي لدكتور اسامه هيكلمك علي النادي والمقابله اللي حصلت بينكم
_ادخل اكلمه ازي مش فاهمه هو جاي لمين فهموني بالضبط
_هتدخلي مكان اختك اكانك نادين لغايه مايخلص موضوع النادي دا
_ماما دا غش وانا استحاله أعمل كده كده حرام
_بقولك اي هتسمعي الكلام غصب عنك خليني اخلص منكم هتقعد جنبي كفايه انتي قاعده في إربيزي بمنظرك دا
_الله كل دا تأخير طنط عاوزه اي
_كانت مجهزه عصير عشان اخده
_لبسك حلوكمان انتي شيك اوي دا غير اللي كنتي لبساه صح
_ااه عشان العصير وقع عليه
_فاكره يانادين مقابله النادي ايه اللي شدني ليكي
اه اقولتلي عيوني وحركه ايدي وانا بقرا كتاب
_خطفت قلبي لما طلعتي بنت صاحبه والدتي اقولتلك اي يانادين فاكره
_طبعا اقولتلي وقتها هتبقي من نصيبي وهتكوني مراتي
_وفيت بوعدي ولا لا
_اكيد يادكتور اسامه
_اسامه بس خلاص كتب كتابنا قرب وبعد ماشوفتك هعجل بالجواز
_عن اذنك ..
_اتكسفتي ولا اي ماشي
_ها يادكتور ايه الاخبار
_خلاص ياعمي كتب الكتاب بعد شهر والجواز بعد مانجهز كل حاجه علي طول
خلاص اتفقنا علي بركه الله
_ندي اوعي ابوكي يعرف حاجه عن اللي حصل وانك دخلتي بدل اختك
_والله حرام ياماما اللي بيحصل دا اسامه دا جايلي انا
_عارفه ولما يشوفك ويلاقي وشك دا هيمشي ومش هيرجع يبقي اختك اولي بيه
_هو كل حاجه اختك الاولي وانا حقي فين بقي من دا كله حتي الإنسان اللي اعجب بشخصي استكتروه عليا
يارب هفضل لغايه امتي كده
من غير مااحس (عملت اكونت فيك )ودخلت لدكتوراسامه وبدأت ابعتله صور اختي واتكلمت علي انها بنت مش كويسه وبتضحك علي الشباب بالنقاب وانها ملتزمه
ودا بدايه لشخصيتي التانيه الشريره واللي باذي بيها اختي واي حد يجي عليا
يتبع
