16
#وليتهم_يشعرون
خالد خدني وسفرني معاه القاهره ورحت بيتنا علي اساس اني اخته
استوووووب
اكيد مستغربين تعالوا نشوف حصل ايه
_ياخالد هروح ازي بيتنا انا مش هقدر اواجهه حد ولا اقدر اتحمل رده فعل بابا.. لا لا صعب صعب
_يابنتي اديني فرصه افهمك بس هتسبيلي نفسك واللي اقولك عليه تعمليه
_ماشي اما اشوف
فعلا سافرت مع خالد القاهره ورحت بيتنا واول مادخلت العماره حسيت بحنين غريب واحساس مايتوصفش وكان امبارح يوم اللي سبته وطلعت مرعوبه وقلبي بيدق بس حقيقي كانوا وحشني كنت عاوزه اشوفهم وبعدي دا عرفني اد ايه اني بحبهم
_جاهزه ياندي زي مااتفقنا ماتتكلميش ولا تبيني انك سامعه حاجه
_فاهمه
_ارن الجرس ولا اي
_رن بقي هقع من طولي
طبعا كنت هموت من اللحظه دي وفعلا خالد رن الجرس والباب اتفتح
_استاذ خالد حمد لله على السلامه متاخرش ياعني
_مقدرتش ياانسه نادين اسيبكم في الحاله دي
نادين كانت بتكلم خالد وعينها عليا عاوزه تفهم مين اللي مع خالد
_نادين اعرفك باختي حياه من ذوي الاحتياجات الخاصه صماء وجبتها معايا عشان معاد الدكتور بتاعها
_نادين بجد اهلا وسهلا
_نادين مش بتسمع ولا بتتكلم
_معلش ياخالد انا مرتبكه شوي
_اتفضلوا
وهنا نادين بتحاول تشاور ليا انها مرحبه بيا وهنا خالد بدا يعمل لغه الاشاره اللي مكنتش فاهمه حاجه فيها حاجه ياعني ادخل
ودخلت مع خالد يااااه دخلت بيتي غريبه كان كل حته فيه وحشاني دا الليفنج لما كنت بتخانق مع ماما فيه وساعات اطلع انام فيه لما نادين تطردني من اوضتنا
وهنا السفرة لما كانوا بيكلوا واحمد اخويا لما كان بياكل معايا
عيني كانت شارده في كل حته في البيت
_نادين طمنيني عليكي محدش ضيقك
_لا ابدا
_امال صوتك كان في المكالمه مايتطمنش
_لابدا بس بقيت اخاف من ساعه اللي اسمه هشام دا وبقيت اترعب
كنت سامعه وقلبي موجوع علي اختي بس كانت نظرتهاغريبه ليا
_عارف ياخالد اختك حياه دي ولبسها للنقاب حتي عيونها فيهم من اختي
_اختك .. هي منقبه
_اه منقبه بس هي مسافره لما تجي هعرفك عليها
وهنا فجاءه سمعت صوت امي بتززوم وهنا نادين جرت عليها
_عن اذنكم ثواني ماما صحيت
وهنا كان صوت ماما بيعلي وفجاءه
في الاسكندريه
_صباح الخير استاذه مياده
_صباح الخير يااحمد اخبار الشغل اي
_كله تمام والاعلانات بتزيد علينا والتبرعات للمركز كمان بتعلي
_كويس
_مالك بتقوليها من غير نفس
_لا مضايقه شوي
_لو حابه تحكي انا مستعد اسمعك
_والله يااحمد انا برتاح معاك في الكلام وقت مااقدر احكيلك صدقني هتلاقيني جتلك
_وانا منتظرك
في القاهره
فجاءه لاقيت ماما قاعده علي كرسي متحرك ونادين بتزوءها وعيون ماما مع صوتها كانها بدور عليا في عيون اللي قاعده مع خالد
_معلش ياجماعه ماما حبت تطلع تقعد معاكوا ودي اول مره تصمم تطلع
_اهلا بحضرتك
ماما كانت بتزوم ومتوتره في انفعالتها وانا ماسكه نفسي ومش قادره اتحكم في اعصابي وفجاءه كوبيه العصير وقعت غصب عني وهنا نادين
_ولايهمك ثواني وامسحها
خالد حس بتوتري عشان شوفت ماما
_يلا ياحياه عشان معاد الدكتور وطبعا كان بيعمل حركه الاشاره
نادين كان ردها وعيونها عليا
_لسه بدري
وهنا ماما كانت بتشاور عليا وبتزوم اوي هنا نادين
_ماما اهدي مش هي ندي معلش ياجماعه هي من ساعه سفر ندي اختي وكل ماتشوف حد منقب تعمل كده بس بالذات انتي مش عارفه يمكن تكوني فيكي منها كتير
هنا خالد
_طب نستاذن يلا ياحياه
مشيت انا وخالد ونزلت درجتين وهو وقف مع نادين بره علي الباب
_اسفه ياخالد عشان ماما تلاقيها ازعجتكم
_لا متقوليش كده
_اختك دي انا حبيتها اوي خلي بالك منها ياخالد واوعي تضيقها او تجرح شعورها اسالني انا
_ليه بتقولي كده
_اختي سفرت وهي زعلانه مني عشان مقدرتش النعمه اللي انا فيها
_طب يلا اقفلي عشان اطمن عليكي هودي اختي الدكتور وبعدين هرجع اكلمك
_لا انا نزله اجيب شويه حاجات
_طب يلا انزلي معانا واختي معايا محدش هيتكلم كلمه
_طب ثواني البس
وفعلا نادين نزلت معانا ولسه طالعين من باب العماره فجاءه لاقينا هشام واقف قصادنا
_انتم مش عاوزين تجبوها البر وهنا طلع سك*ينه وبدا يهوش فينا شوي علي خالد وشوي علي نادين والناس بتتفرج خايفه منه
_انت مجنون ابعد السكينه دي
_ابعد انت يااستاذ اقولت ابعد عنها وانت مسمعتش الكلام اشرب بقي لا انا وانت
وهنا هشام بدا يهوش نادين اللي مسكت فيا وبدات تصرخ وانا من كتر الموقف صوتي فعلا مش قادر يطلع
وهنا فجاءه وهشام بيهوش بالسك*ينه لنادين وبدا اول طعنه
_في اسكندريه
_يوووه كل مارن عليك ياخالد متردش انت فيك اي انا مش هخليك تفلت مني انا مصدقت لاقيت واحد زيك هيعيشي احسن عيشه وكمان شاب وحلو انا لازم اعرف في اي
في الاسكندريه
_اقولتك مش هرحمك انتي ليا فاهمه
_ابعد عنني ياامجرم
وهنا خالد بيمسك هشام وبيهوشه بالس*كينه ولسه هيطعن نادين اختي من غير ماحس وقفت قصاد نادين وخدت الطعنه بدلها.
الكل بقي يصرخ ويصوت وهشام جري وهرب وخالد ونادين مصدومين
_ندي.... ندي اسعاف.... اسعاف
نادين بصت لخالد وليا اللي كنت مرميه في الارض ونزلت علي الارض ورفعت النقاب وهنا بصدمه
ندددددددددددي
ونكمل بكره
معلش لسه طالعه من العزل
_
