فتاه من حلم تحققت(ليبية_منقولة)

الحلقة 4

الكاتبه الروائيه
    🖤🔥عهودي القطعاني🖤🔥
روايه
🖤🔥(فتاه من الحُلم تحققت)🖤🔥

الحلقه {4}

رقم غريب رن ع تلفون خوله
من هنا تقدرو تقولو انفتحت البوابه وحيصيرن حجات صعب اي انسان اتحملهن حتبدي مشكله كبيره بين خوله وشيماء

رن رقم ع تلفون خوله مردتش بعدها شافت رساله فيها رصيد تم تحويله لها
فهمت انه رقم ارن عشان دزلها رصيد بلغلط ويبيها اترده له شوي خوله تمت تكتب رقم عشان تحول رصيد وترده كل متجي تضغط ع ارسال متلحقش ارد ارن رقم غريب  رقاها لها  ردت عليه وباين معصبه

خوله: نعم 🔥

الشاب: نبي الرصيد يلي جاك بلغلط

خوله: باهي هل مليون دينار درت عليهن قصه هو دينار ره اصبر قعده نحولك رصيد

الشاب: لاا والله غير نحول للصاحبي جنك بلغلط كان تبي ندزلك كرت

خوله: لا وراسك هو دينار ودرت عليه قصه يبال كرت اصبر نحولك

# صكرت خوله خط ودزلته 
2 دينار  ع اساس واحد له و واحد  للصاحبه
من صفاتها انها مستفزه
#وحذفت رقمه
___
عدن 3 ايام وخوله تفكر وخايفه انها تخذ شاب الخطاء وميكونش  هو نفسه يلي تحس  وفي نفس الوقت خايفه اكون هوا واحد من شباب يلي دزو عليها وترفض فيهم اكون هوا واحد منهم وضيعاته 
مع انه مش قعد معاها ولاعمرها شفاته بس الشعور يمليء المكان وكانها تتنفسه كانت ديما تتسال ليش طول ليش ميجيش
احياناً تبقي قعده في الجامعه وتشوف كل حبيب مع حبيبته وكان بجد شعور انها تشتاقله  قبل حتي متشوفه ومتبي شي غير اكون معاها ولها وعندها امل انه اجي يوم ليام ومحكتش للحد لانه صعب حد اصدقها او يفهمها
____

خوله قعده في دار في الليل واقفه في البلكوني ومطفيه الضيء عشان محد اشوفها

شيماء: راه اشوفك حد وانتي واقفه في بلكوني

خوله: يلي  في نور ميقدرش اشوف يلي في ظلام

شيماء: تمام تصبحي ع خير

خوله: وانتي بخير
____
خوله : انا مش عارفه شن يلي اراجي فيا من صدمات ولاشن حياه مخبيه ولانعرف هل حنتخطي او لا بس نتمني بس اني نلقاك مهما صار ومهما كان الامر صعب !

فجاءه رن ع تلفون خوله رقم غريب معرفتش من مدورتش تجاهلت بعدها رن اكثر من مره

خوله: ايوه
شاب: شن اخبارك
خوله: انت ران عليا في هل وقت متاخر عشان تقولي شن اخبارك ؟!

شاب: كانك والعه اصبري براحه

خوله: تفضل قول عندك
شاب: اسمي محمد ونا نفس شخص متع رصيد يلي اومته

خوله: اها باهي

محمد: انا نبيك معجب فيك
خوله: عفوا نعم امتي تعرفني ومن وين تعرفني عشان تحبني