.
ريم : أجل ليه ما تتزوج ؟
هايف : أنا ما قلت إني ماني متزوج بس يعني ما فكرت فيها .
ريم بان في وجهها أنها مافهمت هوا وش يقول
هايف : أجل يا أختي الغالية أخطبي لي البنت اللي تعجبك .
ريم والإبتسامة بانت في وجهها : ايي هذا الكلام الزين .
هايف أبتسم من إبتسامة أخته : أجل أقدر أمشي ؟
ريم : ايه ، صح حسين قال لي أقولك اليوم لا تتعشى برا أتعشى عنده .
هايف : إن شاء الله.
راح هايف لشغله
* هايف بعد ساعات *
كانوا هايف و حسين يتكلمون عن البيت اللي كانوا قاعدين يبنونه
وحنين وأمها جابوا العشى و حطوا الأكل ونادوا الكل يجون يتعشون
جلسوا ياكلون وكان الأكل عبارة عن سمك و أكلات ثانية و هايف يأكل فجأة أختنق هايف من شوكة السمك اللي أكلها وعلقت في حلقه
حسين بعدم فهم : وش فيك وجهك أنقلب ؟
هايف وهوا يتكلم بصعوبة : شوكة علقت . وقام يأشر على حلقه
حنين مدت له كاسة موية : خذ يا عمي .
أم سعد ( زوجة حسين ) : قومي جيبي رز حار قومي .
حنين قامت بسرعه وجابت الرز وأعطته هايف
أم سعد : لا تمضغ على طول أبلع الرز .
هايف أخذه وسوا مثل ما قالت بس برضوا يتألم
هايف : ما ضبط ، للحين أتوجع .
حسين وهوا يقرب منه : أشوف وينه .
هايف فتح فمه يوريه حسين دخل يده وخرج الشوكة و هايف أنجرح حلقه بالكامل وصار يكح دم لأنه حلقه أنخدش وحسين يخرج الشوكة قام بعد عن حسين وركض للمغسلة يكح دم ووجهه أنقلب من كثر الوجع كح كح الين ما حس أنه ريقه نشف
هايف بصوت متوجع : حنييييين .
حنين و هيا تركض : هااا .
هايف : جيبي لي كاسة مويه باردة .
حنين جابته بسرعه ومدت له هايف أخذه وحطه على جنب و غسل فمه لأنه كان عبارة عن دم وشرب بعده المويه راح جلس عندهم
حسين : ايه كيف صار ؟
هايف وهوا يمسك رقبته : والله مررة يوجع.
حسين : كم يوم ويروح الآلم .
هايف : إن شاء الله.
وتكلموا أشوي وهايف استأذن منهم وراح ينام
" في اليوم الثاني"
هايف صحى من نومه بألم في رقبته طلع من الغرفة وهوا عاقد حواجبه وراح دورة المياه ( أكرمكم الله) وخرج لقى في وجهه حنين
هايف : بسم الله الرحمن الرحيم.
حنين بابتسامة عريضة : كيف حالك يا عم عساك أحسن من أمس والألم راح .
هايف : في الم للحين بس أحسن من أمس .
حنين : مدام كذا ، ودك في شىء ؟ أسوي لك شىء يخفف لك الألم؟ .
هايف : لا مشكورة مو محتاج شىء .
حنين : تمام .
راحت حنين وهايف لحقها بعد دقائق
هايف : تراني خارج .
حسين : مع السلامه.
هايف خرج من عندهم وراح شغله وبعد ما خلص من شغله كان رايح لأخوياه بس في نص الطريق سمع ناس يتكلمون عن أخو حسين اللي هوا هايف وقف جنبهم بس هما ما عرفوه سمعهم يتكلمون أنه عنده خير بس ليه ما يتزوج وأنه أكيد فيه عيب أو فيه حاجة وإلا ليييه ما أتزوج للحين صار كبير بالعمر اللي في عمره أولادهم بيتزوجون أكيد فيه بلاء وكلام كثير سمعهم وهوا مصدووووم هذول رجال مهم حريم يتكلمون عن الناس في البداية ما صدق اللي سمعه هوا صح صار في الفترة الأخيرة يحس بدق الناس له بالكلام بس مو لذي الدرجة ، بعد ما أستوعب كتم ضحكته شىء يضحك يتكلمون عن شخص ما يعرفون شكله ما قدر يمسك نفسه وضحك ناظروه باستغراب
هايف : تتكلمون عن من ؟
واحد منهم : عن هايف أخو حسين .
هايف : انتوا شفتوه في حياتكم ؟
الرجال : لا ما شفناه بس نعرف عنه كثير .
هايف : ماشاء الله . ( كان بيستفسر عنهم بس أتراجع وراح )
الرجال : من ذا وش بلاه .
واحد ثاني : خلك منه .
وكملوا كلامهم
عند هايف وصل لعند أخوياه وجلس معاهم
هايف : السلام عليكم.
يوسف : وعليكم السلام.
هايف : وين الباقي ؟
يوسف : مدري عنهم .
هايف : اهاا .
يوسف : أكلت ؟
هايف : لا ما ودي .
طارق : وليه ؟
هايف : حلقي يوجعني عشان كذا .
طارق وهوا حابس الضحك : اهاا .
هايف : ايه أنت أكلت ؟
طارق : ايه أكلت لين شبعت .
يوسف كان مصدوم من أنه طارق هنا ويطالع هايف اللي ما أنتبه لـ طارق
يوسف كان يناظر هايف بوجه مصدوم وهايف ناظره بإستغراب بعد ما أستوعب فتح عيونه على الآخر لفوا الاثنين مع بعض : طاااااااارق .
طارق : صح النوم .
يوسف قام حضنه و هايف يهلي ويرحب فيه
طارق : لو دريت بترحبون فيني كذا كان جبت حمد معي غصب عنه .
يوسف : الصدق الصدق وحشتونا .
هايف : ودي نجلس حنا بس مع بعض زي أيام باكستان.
طارق : إن شاء الله قريب حمد بيجي مع سميي طارق بعد كم يوم .
هايف وهوا يقلده : سميي طارق ، ليه ما علمتنا إنك بتجي ؟؟!
طارق : إلا رسلت لـ يوسف بس مارد .
يوسف : جوالي طافي ، وليه ما رسلت لـ هايف شفت يا هايف ما رسل لك رسل لي .
طارق : عشان أفاجئ خويي .
هايف : تفاجئ أجل تفاجئ ؟
طارق : منجد ترا .
يوسف : وليه ما تفاجئني ؟
طارق : وش رأيكم تذبحوني ؟
يوسف : وش دعوة .
هايف : ليش لا .
طارق بتمثيل للصدمة : يا حيوان .
هايف : ههههههههه من قلك تجي بدون حمد .
طارق بحزن : منجد أحس بتأنيب ضمير بس أنا قدرت أحجز اليوم وهوا اللي أصر أنه يجي مع طارق .
هايف : وطارق متى يجي ؟
طارق : قال بعد كم يوم مدري متى بالضبط .
هايف : وين بتسكن ؟
طارق : في فندق قريب .
يوسف بتساؤل : أنت كيف عرفت أننا هنا ؟
طارق : قال لي نور ( واحد من أخوياهم أتعرفوا عليه في السعودية) .
هايف : من متى جيت ماشاء الله.
طارق : تحقيق ؟
هايف : فضول .
طارق : جيت من الظهر مع نور هوا اللي دبر لي كل شىء وكنت أتواصل معاه من قبل لا أجي وأخذت رقم جواله من طارق .
هايف : تمام .
رأيكم في التعليقات 🩷🩷
فلسطين الآن في أشد الحاجه إلى دعائكم وأهل سوريا محتاجين دعائكم ، لا تنسونهم من دعواتكم ..🥹❤️🩹
أنت تقرأ
ابنِي قَارِباً تعبُر بِه النّهر بدلاً مِن أن تَبنِي جِدرانً تَحمِيك مِن فَيضانِه
Romanceمقتبسة من حكايه واقعية حدثت قبل سنوات وقررت إحيائها الأن لا أعلم ربما يستفيد احد من الحكاية
