كابوسي

مكتوبلي التعب

دنيا صارت صعبه والبشر بعد اصعب منها ماعرف شلون يفكرون شلون تجيهم هيج افكار شيطانيه وكم بنيه دمرت وكم بيت نهجم وكم عائلة تفرقت بسبب اشخاص ملتهم الافكار الحقيره اني شنو ذنبي اعيش بداية عمري بعذاب شنو ذنبي اجي بهيج عائلة لكلام هواي بس لوصف قليل .

: مروه مكعدين مروه يمعوده دكعدي شوفي ساعه شكد شوكت تبدلين تقرين كومي
كوه احرك بجسمي ومالي طاقه احجي واتمنه الي جاي يحجي يسكت ويعوفني بحالي
: يعني شلون اروح أكل لبوي متقبل كوم
مروه: انتِ مكليلي منو دازج عليه ماما تعالي صيحي بنور يعني هاي فوك الضيم مالتكم
نور : دولي هاي فوكاهها ابقي نايمه ورسبي وهسه رايحه اكل البوي

راحت من يمي واريد ارجع انام من تعب بس لازم أقراء هاي اخر وسيله اليه حتى طلعني من هذا الوضع هاي نور اختي الاصغر مني عمرها ١٦ سنه لسانه متبري منها ومتحترم لا صغير ولا جبير تدرس صف خامس عدادي وكلش شاطره بدراستها والمفضله عند ابوي وبيبي

امي اجتني تلهث واني ستوني كعدت : مروه مكعدين اجه ابوج كومي
مروه : خلي يجي شسويله
ام مروه: شبيج ليوم تخبلتي هسه يشوفج بعدج لا مبدله لا كايمه يكوم يحجي وخاف يدري باليوم صار
مروه: خلي يدري اني اريده يدري
ام مروه : مو كتلج الخاطري اني مو امج اتوسل بيج

كسرت خاطري امي شسوي هيه بس الي اتحمل هذا لضلم علمودها لين اعرف باهلي شلون يبزعون لواحد بعيشته واني ما اتحمل اشوف امي تتعذب

: خير شكو مروه تعالي
عدلت نفسي وسويت روحي نشيطه واني جذب لا نشيطه ولا شي بس حتى ما ابين لابوي
مروه: ها بابا الله يساعدك
ابوي بستغراب يباوع عليها عباله داخله حرب
: ليش بعدج بملابس المدرسه ونايمه لحد هسه خير
مروه : بابا اجيت تعبانه لين رحت للمدرسه مالي خلك واخذتني النومه ومادري بالوقت
: شبيج تعبانه
جاي يحقق ابوي مو يطمن عليه
مروه : ستبردت لبارحه وليوم لين عدنه متحان طريت اروح
: كومي غيري ملابسج واكلي شي
مروه: ماشي بابا هسه كايمه

راح ابوي لغرفته ونفس كل مرا ولا كانوا صاير شي ومحد كله او وضحله. بصوره غير مباشره حتى اخواتي عدهن عادي بيت جريمه واحد يعيش بي بس لا حول ولا قوة اله بالله

مروه: ماما ساعه شكد هسه
ام مروه : بسته المغرب
مروه : صدك تحجين شوكت الحك اقرا ماما مو كتلج كعديني باجر متحان تاريخ
ام مروه : تعبت واني اكعد بيج وترجعين تنامين دكومي هسه غير وتعالي اكلي حتى تقرين
مروه : هو اني وليل زين اذا خلصت

كمت وامري الالله عسى وعل يجي يوم ويتغير الحال افضل غيرت لبست بجامه كم طويل واجيت ليكت امي صابتلي اكل الله لا يحرمني منها اكلت ولهيت شوي بكم شغله وطار الوقت صارت ساعه ٩:٠٠ وما جنت منتبها للوقت اجيت ركض التلفوني اشوف شنو الداخل بالامتحان
هاي شنو الشعارات الوصلتني صار عندي فضول اعرف دخلت على برنامج الي واصلتني عليه اشعارات واشوف نفسي بكروب ويسولفون وبنات ولد نصدمت وخفت بنفس الوقت لا يشوف احد تلفوني لين اعرف ماكو خصوصيه دخلت على لكروب مرا ثانيه وشفت ساره هم بالكروب فعرفت هيه الي مدخلتني. طلعت من الكروب اخذتلي زاويه بالغرفه