بارت 9
( بعد مامرت ايام ونسولف ونضحك ورجعت حياة الطبيعية مثل مجانت واحلى لحد ما يوم تمرضت امي وتعبت حيل واشوفه تعبانه ومابيدي اي شي اسوي وحالتهة جاي تزيد للاسوء )
ام آليا : ماما جيبلي مي احس روحي جاي تطلع
آليا : اسم الله عله كلبج يمه ليش تحجين هيج اصبلج دموع عيوني وشربيهن بس لتحجين هيج
ام آليا : بنتي وحيدتي اريد اوصيج لان ماعدي غيرج يمه نتبهي لصلاتج ولتعوفيهة ودائماً ساعدي المحتاجين عله كد ماتملكين ولا تكرهين احد ودائماً سامحيهم
آليا : يمه ليش هيج تحجين عمري قبل عمرج يمه انتِ سندي ومسندي انتِ عيدي ومعيادي انتِ فرحتي وضحكتي اني شعندي غيرج
ام آليا : يمه بنيتي اني شعدي غيرج من بعد هلدنيا اني خايفه لا اروح ومحد يبقى يمج
آليا : لا ماما عمرج طويل ان شاء الله
ام آليا : ان شاء الله ماما
آليا : ثواني ماما الباب جاي تندك اروح اشوف منو جاي يدكهة
عساف : ها آليا شون صارت امج طمنيني عليهة بالي يمهة
آليا : عساف امي تعبت ومابيدي شي اسوي تعال احجي وياهة شوفهة
عساف : يلا امشي
عساف : شونج عمه شون صرتي
ام آليا : يمه عساف اريد اوصيك عله آليا ديربالك عليهة وخاف عليهة ترا كلش اثق بيك ومأمنه بنتي يمك
عساف : عمه اني آليا قطعه من كلبي اخاف الله بأاليا وافكر بيهة قبل مافكر بروحي ومراح اخليهة تحتاج شي بس لتحجين هيج خاله عمرج طويل ويارب تزوجيهة وتحضرين عرسهة
( وضل امي وعساف يحجون واني النار مشتعله بكلبي عله امي منو عدهة غيرهة ابوي راح امي حتروح منو ضل عندي بهل دنيا وين انطي وجهي ومر اسبوع صادف يوم جمعه الفجر كعدت اصلي ......
أنت تقرأ
غزة
Historical Fictionالسلام عليكم كل العالم تعرف معاناة اهل فلسطين من الاحتلال الصهيوني اني شخص راح احجيلكم قصه حب جبيره عاشت بغزة واكتبها بطريقه عراقيه وراح اتقمص دور البنيه والقصه تربط الخيال بالواقع فكرت هواي حتىٰ داهمتني الكلمات منين راح أبدي وشلون أحجي قصة فلسطين...
