غزة

11

بارت 11

ام عساف : آليا بنيتي ضلي يمنه عيشي ويانه امج جانت اختي و انتِ بنتي ضلي يمنه

آليا : وبيتنه منو يضل بي عمه بيتنه بي ريحه امي بي صوت امي شون اكدر اعوفه

ام عساف : ميخالف بنيتي هاذ قدر وحكم رب العالمين مابيدنه شي ادعيلهة بالرحمه والمغفرة ولحمدلله على كل حال

( رضيت انو اعيش بيت عساف واضل يم امه لان كلش حبابه وتحبني وماعدي غيرهم بهل دنيا كلهة وفرحانه بداخلي حشوف عساف يوميه )

( عشت يمهم وبديت اهدء شويه بس تضل كسره فقدان ماما طول لعمر بكلبي ومانساهة وعساف بده يداريني ودائماً يجيبلي الحلويات الاحبهن ويهتم بيه ويحاول يضحكني بكل الطرق )

عساف : كومي آليا نشتري من لمحل كومي

آليا : يلا امشي امشي هلمرا مراح احجي شي

عساف : واخيراً

( وضحكنه وضلينه لطريق كله نسولف وماحس غير ايد عساف تنمد عله ايدي وتلزمهة شصار شنو شكو نار شتعلت بكلبي بين خفت بين فرحت بين مدري شصار بيه و وكفني عساف بنص لطريق وباوع بعيوني )

عساف : آليا اريد اكلج شي وخايف منه

آليا : كول علشنو خايف

عساف : مو شويه متردد خاف متبادليني الشعور

( اني هنا شويه كابرت وسويت روحي ماعرف شي واني بالحقيقه صار اكثر من ٥ سنوات انتضر هاذ ليوم )

آليا : احجي احجي لتخاف

عساف : آليا اني احبج

آليا : شنو !

عساف : اي احبج واريدج واحسج صرتي مني وبيه

آليا : عساف متأكد من كلامك لو دايخ لو شبيك

عساف : آليا اشوف الدنيا وحلاوتهة بعيونج اشوف مستقبلي بعيونج اشوف سعادتي بعيونج احبج آليا

( هنا كتله تمام خل نرجع للبيت وبعدين اردلك خبر لان اريد شويه افكر بالموضوع وعساف كلي اي فكري طول ما اني عايش لان حبقه منتضرج طول عمري ياعمري انتِ )