عاصفة فوق الفرات🌪🌊

الباࢪت الخامس

مساء الخير حبايبي الغالين

عاصفة فوق الفرات

علي: فاطمه تقبلين تتزوجيني؟

فاطمة: نصدمت من كلي هيج توني دارد علية وامي صيح من فوك فاطمة علي تعالوا الريوك جاهز.

علي: صخام صخم حظي هسة وكتج خالة.

فاطمة: ضحكت وكتلوا اني دنزل لم الورد لاحد يشوفوا وتعال حتى لو بس تخرب الكتابة واني انظفوا.

علي: تأمرين امر فطومتي.

فاطمة: نزلت وعبير دحكت علية كالت وين جنتي؟ كتلها مالج علاقة.

عبير: دنطمن على اختنا عيني.

فاطمة: اختج هيانها يمج كلشي مابيها.

عبير: اايي خوووششش.

فاطمة: خلصت الاكل وتوني كمت كامت وياي هي سحبتني للمطبخ وكالت.

عبير: اكو شي بينج وبين علي؟

فاطمة: لا ليش؟

عبير: فاطمة مو علية تجذبين ترة كشفتكم شفت علي بليل يكتب علسطح فاطمة احبج.

فاطمة: اذا تعرفين ليش جاية تسألين؟

عبير: داتأكد، زين رفضتي لو لا؟

فاطمة: لا مرفضت وقبلت بي وهو باسني هم وحضني ارتاحيتي.

عبير: اطشر العرض يولو.

فاطمة: امشي من كدامي لاطشر وجهج.

عبير:الاحد داومين؟

فاطمة: اي.

عبير: صديقاتج يومية مجموعة جايتني فاطمة شون صارت؟ ماتحسنت؟ شبيها؟

فاطمة: شسوي غير كلهم يحبوني. فكرت اريد اكول لاختي على الي سمعتوا بالمستشفى من الرجال الغريب.

عبير: شبيج فاطمة احسج ضجتي فجأة؟

فاطمة: لا ماكو شي خلي نخلص تنظيف المطبخ وهسة يجيبون المواعين نغسلهم دروح شوية ادرس بلكت الحك وياهم اكمل.

عبير: اي صحيح.

فاطمة: اجة يوم الاحد ترتبت وتعطرت عبالك هذا اول يوم دوام بحياتي، بس جنت احس بخنكة احس ممرتاحة حيل طلعت اني واختي نمشي المدرسة قريبة علينا مو بعيدة حيل نكدر نمشيلها وصلت الشارع كلت لـ عبير اريد اروح اشتري اكل جعت.

عبير: اسم الله تونا اكلنا وجينة عود نشتري من المدرسة امشي هسة.

فاطمة: لا ماعلية الاشتري من هذي الحجية وهم اسلم عليها اكيد هسة هي مفتقدتني صار شكد مارحتلها.

عبير: روحي بس اني اروح كدامج للمدرسة انتي اشتري وتعالي بسرعة لاتتأخرين.

فاطمة: اي ماتأخر، مشت عبير واني رحت للحجية اشتري اكل توني عبرت الشارع اختي فاتت بالفرع وبعد ماشوفها وكفت كدامي سيارة ونزل منها ثنين لابسين اسود كامل شالوني وصعدوا ساعة 7ونص ماكو بشر واحد بالمنطقة بس الحجية ونضرها ضعيف وماتسمع زين صعدوني واني اريد اصيح بس ماكدر لان ساد حلكي من مشينة فتح حلكي كلي صوت ماريد كتلوا وين تاخذوني شسويتلكم بعد حتى مالحكت اشوف صديقاتي علاقل باجر اخطفوني ليش اليوم اريد اداوم راحت الكشخة بلاش اريد امي جوعانة عبير وينها كد ماحجيت طلع حبل وسد حلكي وايدي بي اني بس ارفس واحاول اصيح بس ماكو محد يشوفني كد مارفست خدرني ونمت ومادري شصار بعد...