සර් දැන් වැඩට යන්නේ මගේ ගෙදර ඉඳන්.. මගේ හිතේ සර් ගැන තියෙන ආදරේ මං කොච්චර කොහොම සර්ට පැහැදිලි කරන්න හැදුවත් සර් තවමත් මට සලකන්නේ ඉස්සර එයාගේ ඉස්කෝලෙ ඉගෙන ගත්තු ජිමින් කියන ළමයා ගානටම දාලයි.. ඒක එක වෙලාවකට මට හරි අපහසුතාවයක්.. එක වෙලාවකට නෙවේ හැම වෙලාවෙම.. මොනව කරන්නද සර් මගේ ආදරේ තේරුම් ගන්න දවසක් එනකල් බලන් ඉන්නවා ඇරෙන්න මට වෙන කරන්න කිසිම දෙයක් නෑනේ..
සර් මගේ ගෙදර නවතින්න ඇවිත් අදට අවුරුද්දක් වෙනවා.. මගේ ගෙදර නෙවේ මේක දැන් අපේ ගෙදර.. මගේ අම්මා මුලින්ම සර් මෙහේ නැවතිලා ඉන්න එක ගැන ප්‍රශ්න ඇහුවත් මට අම්මට කෙලින්ම කියන්න බෑ මේ මං ආදරේ කරන කෙනා කියලා.. මොකද සර් මෙහේ නවතින්න කලින් මට ආදරේ කරන්නම් කිව්වත් තවමත් ඒ හිතේ මට මං හොයන ආදරයක් ඇති වෙලා තිබුනේ නෑ..
වෙනදා විදියටම දවස් ගෙවී ගෙන යනවා.. උදේට දෙන්නම එකතු වෙලා කෑම හදනවා.. ඊට පස්සේ දෙන්නම ලෑස්ති වෙනවා.. සර් ඉස්කෝලෙට යනවා.. මං ඔෆිස් එකට යනවා.. මං ගෙදර එනකොට සර් රෑ කෑම හදලා තියෙනවා.. දවසේ උනු දේවල් කතා කරනවා.. ඒ එහෙම කරන්නේ මං විතරයි.. සර් මං කියන දේවල් අහන් ඉන්නවා.. උවමනාවෙන්ද නැද්ද මං දන්නෙ නෑ.. ඒත් අහගෙන ඉන්නවා.. ඊට පස්සෙ වොශ් දාලා නිදියනවා..
අවුරුදු දෙකක් එකම විදියට ගෙවිල ගියා.. මගේ හිතේ සර්ට තියෙන ආදරේ දවසින් දවස අවුරුද්දෙන් අවුරුද්ද වැඩි උනත් මට තව කෙනෙක්ගේ ආදරේ බලෙන් ගන්න බෑ.. ඒත් මං බලන් ඉන්නවා කවදා හරි සර් මට ආදරේ කරනකල්..
වෙනදා වගේම වැඩ ගොඩක් තියෙන දවසක්.. මං හිටියේ මගේ මේසේ මාව වැහෙන්නම තිබුනු ෆයිල්ස් එකින් එක චෙක් කරන ගමන්.. කොහෙදෝ ඉඳන් ආව කැස්සක් මට තිබුනු වැඩ එක දෙක කෙරුවා.. පාලනය කර ගන්න බැරි විදියට ආව කැස්ස නැවතුනේ වැදගත්ම ෆයිල් එකක් මගේ ලේ වලින් නාවලා..
බොස්ගෙනුත් බැනුම් අහගෙන ආයෙමත් ඒ ෆයිල් එක හදලා ඉවරයක් කරලා දැම්මා.. මං බෙහෙත් ටිකක් අරගෙනම ගෙදර යන්න හිතුවා..
බෙහෙත් ගන්න ගිය මට උනේ චෙක් අප් ගොඩක් කර ගෙන ගෙදර එන්න..
ගෙදර එද්දි වෙනදා වගේම රෑට කෑම හදලා සර් ගිටාර් එකත් අර ගෙන සිංදුවක් ප්ලේ කරනවා.. මං ආව සද්දෙට සර් ගිටාර් එක පැත්තෙන් තියලා බලන් හිටියා..
