*
*قصة :#من_اجل_رجل*
*❴🔢❵الـــبـــ{🙎♂️الاول🙎♂️}ــــارت*
〰️〰️〰️〰️〰️〰️〰️〰️〰️〰️
☜
〰️〰️〰️〰️〰️〰️〰️〰️〰️〰️
#من_اجل_رجل
المرأة التى تعرف متى تحنو
ومتى تقسوا ... متى تمنح
وكيف تمنع ...هى إمرأة كالشمس
... تحرق ولا تحترق
........................................
كانت قاعدة على الكرسي المتحرك عم تطلع على بنتها الي واقفه قدامها...وعم تطلع على نفسها بلمراي وتلف بفستانها الاحمر توتي الي واصل لتحت الركبه وماسكه طَرفهُ بأيدا وعم تضحك وشعرها الطويل يتحرك معها ..حست الام بغصة بقلبها ونزلت دمعه من عينها مباشرة على ايدها المجعده الي رفعتها بسرعة ومسحت عينها لحتى ماتنبه بنتها الي وقفت لف ولتفتت على امها الي باين على ملامحها الشقى والذل ومشيت بخطوات رشيقه لحد ماوصلتها وقعدت على ركبها قدامها ومسكت ايدا وباستها
أيلول بضحكة تشرح القلب : ست الحباب بشو سرحانه
أم عمار بضحكة مرهقة : سرحانه بجمالك يا امي الله يحميكي من كل شر (بتنهيده طويله) ويهدي اخوانك ويخليهم سند الك
أيلول بغصة : اخواني ااه نفسي حس انه عندي اخوه شباب
وقبل ماتكمل حكي سمعت صوت من خلفها
نور: شو ست ايلول كل شي يعمله نبراس الك مو عاجبك انتي والختيارة المشلوله
ايلول بدها تجاوبها لكن امها ضغطت على ايدها بمعنى اسكتي
ام عمار : موقصدها يابنتي عمار ونبراس مافي منن
نور تلوي تمها: عمااار هههه ضحكتيني كل المصايب الي جابهن النا ومافي منو
ام عمار بغصة : لو شو ماعمل يبقى ابني ومافي متله
بهاي الاثناء ينفتح الباب ويدخل شب طول بعرض وحليوة ...
نبراس يمشي ويوقف جنب مرته نور : مرحبا (يبوسها على خدها) كيف الحلو
نور بصوت ناعم: الحمدالله يا نور عيوني
التفت لأمه ولنور الي واقفه جنبها : كيفك يا ست الحبايب
ام عمار : بشوفتك منيحه ياضي عيوني
نبراس : حبيبتي جوعان كتير شو طابخه
نور : عملت شاكريه بتشهي
نبراس: داخل ابدل اتيابي ماراح اتاخر
دخل لجوا ونور قربت لعند ايلول ومسكتها مع ايدا : روحي جهزي الأكل بسرعه
ايلول بصوت مخنوق وباكي : بعدي ايدك عني
سحبت ايدها ودخلت للمطبخ ونور قربت لعند ام عمار ونزلت لمستواها ونظرة بعنيها: اذا تخبري نبراس انه ايلول هي الي طابخه راح بلغ اخي حسن يفصله من الشركه اوكي يا ختيارة الجن
ام عمار : فاهمه
اما ايلول كانت تجهز في الاكل ومية علامة استفهام تدور براسها حول تصرفات مرت اخوها ...
جهزت السفرة وتغدو وقبل لا يقوم نبراس
نور : حبيبي بدي روح لعند نوال
نبراس: اوكي ساعدي ايلول بتعزبل المطبخ وروحي
ايلول ابتسمت واطلعت على امها الي ماسكه ضحكتها
نور يغيض: مو عدل انا طبخت المفروض هلأ دور أيلول تعزل المطبخ
أيلول: انا الي طبخت مو انتي
نبراس فتح عيونه وصرخ بصوت عالي : شو عم تكذبي علي يانور
نور تطلع بأم عمار وتعمل حالها تبكي: اذا مو مصدقني اسأل امك
نبراس اطلع بأمه نظره تخوف: امي مين الي طبخ اليوم
أم عمار وعيونها بلأرض وبصوت مخنوق: نوووور
ايلول فتحت ثمها مو مصدقه الي سمعته وبسرعه اطلعت على نبراس: والله انا الي طبخت
نبراس يضرب الطاوله بأيده بعصبيه: لك عم تكذبي امي لهون وصلت معك
قام ودفش الكرسي برجله وطلع برا المطبخ وهو يحكي: ايلول عزلي المطبخ واعملي قهوة وحسابك بعدين ....نور بضحكة جانبيه بانت اسنانها وهمست : حاولي تكذبيني مرة تانيه
قامت ولحقت جوزها ..اما ايلول نزلت دموعها على خدها وقربت لعند امها : ليش وقفتي معها مع انه انا الصادقه لك يرضيكي وحده متل هاي تتحكم فينا وتستغل نقطة ضعفك وحبك لنبراس امي نور لو تقدر تمون على اخي كان ماتتصرف معنا هيك وتهددك فيه
ام عمار رفعت عيونها ونظرت بعنيها: انا مو خابف على نبراس منها كل خوفي عليكي انتي لانه اذا وقفت بوجها راح تنتقم مني فيكي وانت لسا صغيره ماتعرفي بكيد النساء
ايلول مسكت وجه امها ومسحت ادموعها وباستها على جبينها: ولا يهمك راح اتحمل كرمالك
وبعدها اخذت امها لبرا عند نبراس ورجعت كملت تعزيل المطبخ وعملت قهوة وطلعتها لعندهم برا ...
ام عمار: متى زيارة عمار
نبراس: بكرا
ام عمار : خذني معك نفسي اشوفه لك مشتاقه الو كتير
نبراس يشرب قهوة : سامحيني مابقدر اخاف حد من اعدائه يشوفك وهيك نفتح عيونهم
ام عمار بلعت ريقها: اذا هيك متل مابدك بس خبرو انه مشتاقه إلو كثير
نبراس: هانت كلو شهر ويطلع من الحبس بس وقتها راح يبلش الخوف الحقيقي لانه الجماعة عم يستنو بلحظه هاي من عشر سنين ليسدو ثارهن
ام عمار بخوف: بس عمار ماقتل ابنهم وهيك ضهر في التحقيق
نبراس: ماصدقو هل شي لهيك سكتو لحتى ياخذو ثارهم بأيدهم
ام عمار: يارب احمي ابني وخذ من عمري واعطي ياااارب
نبراس: بعيد الشر عنك ..صحيح ست ايلول شو اعمل فيكي على الشي الي صار قبل شوي اه احكي
ام عمار بصوت ترجي: الله يرضالي عليك امسحها بوجهي المرة هاي
نبراس اخذ نفس : ماشي
موبايلو رن ..اخذه عن الطاولة وشاف مين المتصل ..
عقد حواجبه وفتح الخط بتردد
نبراس : الووو
مدير السجن : مرحبا استاذ نبراس معك مدير سجن المحافظه
بلع ريقه : اهلين ... خير في شي
مدير السجن : صراحة مو عارف كيف بدي اخبرك بس لازم تعرف..
نبراس يطلع بامه الي بان الخوف على وجها : اخي عمار صارلو شي
مدير السجن: للاسف اي تعرض لطعن من مجهول وهو هلا بلمشفى
وقف وهو يصرخ: شوووو انت عم تحكي جد ولا تتخوث كيف ينطعن وماتعرفو مين الجاني هاد اسمو استهتار لهيك راح اقدم شكوى ضددكم والله لو يصير لأخي شي ماراح خليكم تترتاحو
وسكر الخط وهو يرجف ..
ام عمار رافعه ايدها لجهته وايلول حاضنيتها: عماااار ااااابني شووووو بووووو لك احكي
نبراس مسك ايدها : امي اهدي ان شاءالله مافي شي راح اروح اشوفه واول ما اطمن عليه برن وطمنكم
طلع بسرعه البرق ركب سيارته ونطلق على المشفى واول مانزل دخل وسأل عن اخوه فحكوله في غرفة العمليات مشي ووقف عند بابها وهو يدعي الله مايصبه مكروه وبعد طول انتظار طلع الدكتور وتكلم مع نبراس وضابط من الشرطه: خلصت العملية بس وضعه مو مستقر لانه الطعنه جاي على الكلى وطعنه تحت القلب مباشرة اعملنا الي علينا ولباقي على رب العباد
نبراس ودموع بعيونه: وينه هلا
الدكتور : في العنايه المشدده وممنوع الزياره
تركهم ومشي اما نبراس التفت لضابط : هلأ بدك تفهمني كيف هيك صار بأخي
الضابط: اهدا مافي داعي للصريخ ونحنا مو مسؤولين عن الشي الي حصله
نبراس: بالله لكان بدكم تلفلفو الموضوع لا حبيبي ماحزرت الي عمل باخي هيك راح جيبه وانا بعرف مين بيكون
خلص كلامه ومشي لقسم العنايه المشددة وبقي واقف عم يطلع على عمار كيف نايم والاجهزه متصلة فيه بكل مكان نزلت دمعه من عينه ومسحها بسرعه : ااخ لك قوم من شان امي الي عم تعد الايام والساعات والثواني لحتى تشوفك وانا مابقدر على حمل مسؤولية امي وايلول لوحدي بترجاك اتحسن وارجع لعنا بأسرع وقت
رن تلفونه وبسرعه فتح الخط
حسين: نبراس خبرني صحيح الي خبرتني ياه نور
نبراس : اي وليكني بلمشفى ووضعه صعب ادعيلو
حسين: احكي اي مشفى وانا جاي لعندك فوراً
نبراس: لا مافي داعي اصلاً انا مروح لانه ممنوعه عنه الزياره وبدي اطمن على امي
حسين : اوكي بكرا برجع رن عليك يلا باااي
سكر الخط وروح على البيت واول مادخل شاف امه حاملة صورة عمار وعم تتأمل فيها سكر الباب ومشي لعندها وسحب الصورة وحضنها وبقيت تبكي بحضنه وهو يحسس على كتفها وايلول تطلع عليهم وتبكي اما نور تتأفأف مو عاجبها ...
بعد عنها وقعد قبالها وهو يمسح دموعها: اطمني راح يطيب ويرجع احسن من الاول بس أبقي ادعيلو هو بحاجت دعائك انتي بلخصوص
ام عمار تشهق من كثر البكاء: يااارب ياااارب لا تمتحني بأولادي ورجعلي عمار لحضني بخير وسلامه
نور قامت ووضعت ايدها على كتفه: عرفت مين الي عمل هيك
نبراس وقف : بيحكو مو معرف بس انا بعرف انهم الجماعة اخذو بثارهم لحتى ما يتم اتهامهم لانه تحت حماية الشرطه اااخ عرفو يلعبوها صح واكيد دفعو لحد من المساجين الي جوا
ايلول : يعني حق اخي راح
نور بعصبيه: انتي لاتحكي لانه سؤالك مو بوقته مو شايفه كيف امك واخوكي منهارينايلول سكتت ...ونبراس قرب على امه حملها ودخلها على غرفتها هي وايلول ونومها على السرير وغطاها: نامي وارتاحي والصباح رباح تصبحي على خير
وهو طالع يوجه حكيه لأيلول: انتبهي منيح عليها واذا احتجتو لشي ناديني
........
ومنتصف اليل يرن تلفون نبراس فيقوم مفزوع من نومه ويفتح خط ونور قعدت وقربت عليه لحتى تسمع الحكي ...
وبس خلص مكالمه حضن نور وبلش يبكي : راااح عمار ماعاد عندي اااخ لك كيف يروح هيك وبسهولة هاي نوررر عماااار ماااات
نور رفعت عيونها لسما وحاولت تمنع دموعها ينزلو قاومة بكل ما اوتيت من قوة ونجحت
..حضنته
وبعد ما هدي بعدته عنها: قوم شد حيلك البس وروح للمشفى وخبر قرايبك وجهز لمراسم الدفن واتصل على حسين وانت طالع هلأ خلي يلحقك للمشفى
نبراس: وامي وايلول مين يخبرهم
نور : انا لاتخاف راح ابقى معهم
فعلا لبس وطلع ..ووقت الي سكر الباب كانت ام عمار صاحيه فسمعت تسكيرت الباب فنقزها قلبها فبلشت تصرخ: مين الي طلع نبرااااس نبرااااس
قامت ايلول ومسكت ايد امها مع دخلت نور لعندهم : خير مال صوتك طالع ياختيارة الجن
ام عمار بخوف: نبراس وين راح قلبي شاعل نار ومقبوض وحاسس روحي بدها تطلع مني (سكتت شوي) ااااخ ليكون عمار حصلو شي
ايلول: نور جاوبي امي موشايفه كيف حالتها
نور تطلع بام عمار بحقد : عماااار بح رااااح من الدنيا ماااااات
حكت الكلمتين وطلعت وتركت وراها ام واخت مصدومين عم يصرخو ويبكو بأعلى صوتن ..
دخلت غرفتها وسكرت الباب ومشت بخطوات ثقيله لحد ماوصلت السرير ورمت حالها عليه وحضنت مخدتها وبلشت تبكي : ليش تتركني للمرة الثانيه اااخ لك ماحبيت حد بلكون قدك عماااار حبيبي ليش ليش ..
رفعت راسها وعدلت قعدتها وفتحت عيونها على الاخر بحقد ولونهم مثل الجمر لجهة الباب: والله لحرق قلبك على نبراس مثل ماحرمتيني من عمار مابكون نور اذا مابخلي يرميكي بدار المسنين
..............
مع شروق الشمس وبداية نهار جديد كان خبر موت عمار منتشر بين الاهل والأصحاب وتملا البيت بلمعزين ...كانت ايلول لابسه بنطلون اسود وبلوزه سوده وواضعه شال ابيض على شعرها ومغطي نصة وقاعده على الارض قدام كرسي المتحرك تاع امها وواضعه راسها بحضنها وعم تبكي بصمت اما ام عمار كانت تطلع بفراغ والدمع عالق على طرف عينها وماعم ترمش ابداً وأيدها على ضهر ايلول .. اما نور كانت تتحرك بين المعزين وباين عليها الحزن بس كانت تظهر عكس هيك ...
دخل نبراس لشقه وكان شعره مكنفش ورافع كمام قميصه الاسود وفاتح اول ازرار وعيونه حمر وملامح وجهه جامده .. مشي بثبات لحد ماوصل لعند امه وكل انظار الموجودين لعندهم ...
نزل لمستوى امه وأيلول ..مسك ايد امه الي على ظهر ايلول وشد عليها .. نقزت وطلعت عليه وهي فاتحه عيونها على الأخر أبتسمت بأرهاق ونزلت دمعه حارة على خدها ...
إخذ نفس ومد ايده الثانيه ومسح الدمعه عن وجه امه ... رفعت ايلول راسها وطلعت بنبراس الي شال ايده عن وجه امه وحضنها لصدره واطلقت العنان لدموعها ولبكاها الي كان يعلا ويعلا وتكمشت فيه بأيديها الثنتين ..اما امه وضعت راسها على كتفه وبكت بصمت وهو ميل راسه على راسها وكان صامد مابده ينهار قدام حد
منظرهم بكى الكل معهم الا نور الي كانت تطلع بطرف عينها وتدعي عليهم واحد واحد وتتوعد لتحرق قلبهم كلهم وتشتت شملهم ....
بعد ما هديو رفع راس امه وبعد اخته عنه : امي ايلول هلا بدي ادخل عمار لهون لحتى تودعو بس بدي توعدوني ماتصرخو أبدا وتكونو قوايا
ام عمار هزت راسها بمعنى ايه
قام وطلع وبعد خمس دقائق دخل هو وحسين وكمان شبين حاملينه ووضعوه بغرفة امه ودخلوها لعنده هي وايلول ونور
حضنته امه وبقيت حاضنته فترة وهي تدعيله وبعدا رفعت راسها وطبعت بوسه على جبينه ...
ونفس الشي عملت ايلول اما نور كانت تطلع عليه وهي تملي عنيها بشوفته لأخر مره بس ماقدرت تقرب عليه ... وبعدها اخذوه لحتى يصلو عليه ويدفنوه ..
اما ام عمار طلبت من ايلول تطلعها برا لعند المعزيين ...
وبعد ماطلعو نور مشت لمكان الي كان موضوع عليه نزلت على ركبها ونزلت دموعها مثل الجمر وضعت راسها على السرير وغمضت عيونها ورجعت بذاكرتها لوقت التقت بعمار اول مرة وقت كانت عم تتشاجر هي واولاد الحاره
نور واقف عند بوابة بيتهم: كم مرة حكيت لاحد يقطف من شجرة التوت اه
واحد من اولاد الحار يتهزء عليها: 😝🤪
عصبت نزلت على الارض اخذت حجر ورمتها عليه بس للاسف ما صابته صابت شب ماشي بشارع
عمار: اااااي...
اطلع لجهتها وهو معصب : شو تتعلمي صيد العصافير على المارة في الشارع
نور : لا ... ماكان قصدي بس كنت بدي اضرب الولد هاد
بلشت تطلع حوليها بس مافي اي اولاد بشارع هربو
عصام رفع حاجبه: ولد اه ...
نور أحمر وجها من الموقف المحرج تاسفت منه ودخلت جوه
اما هو ابتسم وكمل طريقه ....
رفعت راسها ورجعت للواقع تنهدت وقامت رتبت شعرها وثيابها وطلعت لبرا ...
............
مرقت ايام العزا بثقل على الجميع وبعد انتهائه قررت نور تبدأ باول خطوة بأنتقامها من ام عصام .....
#يتبع
📌قصـ
