*قصة :#من_اجل_رجل*
*❴🔢❵الـــبـــ{🙎♂️الثاني🙎♂️}ــــارت*
〰️〰️〰️〰️〰️〰️〰️〰️〰️〰️
〰️〰️〰️〰️〰️〰️〰️〰️〰️〰️
#من_أجل_رجل
الجزء الثاني
نور بغرفتها وعم تقرط بأظافرها من التوتر ...رن الموبايل وبسرعه مسكته وفتحت خط
نور : اي طمنيني اخذتي موعد
نوال: اي اليوم العصر ..
نور : يس.. سكري هلا ووقت الي اوصل لقدام بيتكم برن وتطلعيلي..
سكرت الخط ..أخذت نفس وقامت لبرا وهي تضحك مرقت من عند ام عمار الي عم تسبح على ايدا
نور: اف متى أرتاح منك يا ختيارة الجن
اطلعت عليها بعيونها الذبلانه: الله يهديكي
نور : نعم ياختي لكون مجنونه وانا مو عارفه
اخذت نفس :استغفر الله العظيم
نور : اف عكرتي مزاجي وينها ايلول (بلشت تنادي بصوت عالي) ايلوووول يا زفت الطين ردي
طلعت ايلول من غرفتها: خير شو بدك
نور : يلا بلشي طبخ واعملي مممم قلاية بندورة بلحمه وبجنا فتوش ومممم ومخلل ولبن ووو
قاطعتها: اف كل هاد ان شاءالله تشبعي انتي ماعندك احساس لك اخي مالو اسبوع ميت وانتي ولا عندك ولا عند بالك حرااام عليكي ارحمي امي من الي عم تعملي فينا
ضحكت نور وصوت ضحكتها علي :هههههههههه ليش انتو شفتو شي امشي على المطبخ بلا كترت حكي
ايلول: موداخله عليه انا وامي مابدنا نوكل .. شمري عن ايدك وادخلي اعملي اكل لزوجك
خلصت حكي ودخلت لغرفتها وسكرت الباب بلمفتاح... ونور فتحت عيونها على الأخر ورفعت حاجبها ولفت لجهة ام عمار : خبري بنتك لا تكبر راس معي والا بوديها ورا الشمس
ام عمار بنظرة غضب : نور ارحميني والله قلبي طافيى واتركي ايلول بحالا والا بكلمة مني ترجعي لعند اخوكي حسين عم تسمعيني منيح
نور تزقف : ابراضو ابراضو خلصتي ولا شو ..اااها صحيح راح تخبري انك اضحكتي عليه وزوجته حبيبت اخوه ولا بدك تبلعيها ها احكي ليه سكتي
ام عمار : .....
نور : ايوة جلسي وارجعي لعقلك ..بدي روح مشوار ارجع بلاقي الغدا جاهز يلاااا تشاااو
..................
وصلت لعند نوال ولقيتها عم تستنا فيها
نوال : اف تأخرتي
نور مسكت ايدها ومشيت بسرعه: خلصينا خلينا نروح بسرعه لازم اروح قبل مايروح نبراس
وبعد نص ساعة وصلو لعند بيت بحارة شعبيه
نوال: هاد البيت
نور : اخذتي موعد ما
نوال تطرق الباب : اي لانه ماتستقبل حد الا بموعد ... صحيح حسبتي حساب المصاري
نور : اه لا توكلي هم
وهم يحكو فتح الباب شوي شوي وطلعت بوجهن مرة كبيرة بلعمر رابطه حجاب صغير لنص راسها وجدايل شعرها البيض نازله على كتوفها وملامح وجها بيخوفن
نوال بلعت ريقها وطلعت على نوال
نوال بأبتسامه صفرا : نحنا الي حجزنا موعد
وقبل لتكمل طلع صوتها الخشن : ادخلووو
دخلت وتركت الباب الفاتح ..
دخلو راها لحد ما دخلو غرفة شبه مظلمه وفيها إنارة لون احمر وبنص الغرفة طاوله وعليها جلود وحجارة منقوش عليها كلمات او طلامس مو مفهومه ومبخره فيها فحم وبخور ....
بلعت نوال ريقها ومسكت بأيد نور : خلينا نرجع
نور سحبت ايدها ودخلت لجوا ولحقتها نوال وقعدن قبال الست الي كانت تمسك البخور تنثرو على الفحم فتطلع منه دخنه ويملأ المكان
المشعوذه بصوت خشن: مين فيكن الي بدها اشتغللها
نور غمضت عيونها واجت بمخيلتها صورت عمار وهو بلكفن نزلت دمعه من عينه وفتحت عيونها : اناالمشعوذه: أسمك واسم امك وعمرك وشوبدك اعملك
نور : نور بنت سحر عمري ٢٨
وبدي اياكي تعملي لزوجي عمل يكره امه وأخته ومابيطيقهن ابداً ويسمع كلمتي لو بحكي شي بيقلي تم
المشعوذه : جبتي معك شي من أثره واثر امه وأخته
نور فتحت شنطتها وطلعت كيس : تفضلي في اثر كل شخص منهم
وبعد عددت اشياء عملتها وبقيت تحكي كلام مو مفهوم قامت واخذت الكيس وطلعت الاثر وبلشت تعمل سحر ل نبراس وبعد مده
المشعوذه : خذي هاي المي وابقي شربي اياها على الريق لمددة ثلاث ايام اما تعمليها على القهوة او الشاي او اي نوع تاني وخذي هاد البخور بخري في غرفة النوم وبعدها انثري تحت السرير وبعد سبع ايام اجمعيه وكبي بلحمام (اجلكم الله)
نور مدت ايدها واخذتهم
المشعوذه بنظره تخوف : وأسيادك هلا راح يوخذو هاد الحجاب ويدفنو جوا قبر
وقبل لا تخلص كلامها ارتفع الحجاب كان مثل المثلث🔺 ولونه احمر ارتفع لفوق لحد ما وصل السقف وبعدها اختفى
نوال وهي شبه غاطط على قلبها: بسم الله بسم الله
نور جسمها ارتعش من الخوف: وليي شو هاد
المشعوذه : هلا اعطيني ١٠٠ دينار
نور : تفتح الشنطه وتوضع الاغراض الي بأيدها فيها وطلع المبلغ وايديها يرجفو : تفضلي
اخذتهم : اطلعو بسرعة قبل ليرجعو اسيادكم
نوال رفعت فستانها وركضت لبرا ونور مسكت شنطتها وركضت وراها ....
وقفت نوال برا البيت وهي تلهث ونور وصلت لعندها ووضعت ايدها على كتفها فصرخت صوت : اااه
نور : مالك هاي انا
نوال : هاي اول واخر مرة امشي معك بهيك شي لك كان راح يلبسني شي جني
نور وعيونها يلمعو حقد: هههه لا تخافي وهلا امشي لحتى الحق اروح قبل جيت نبراس
........
وصلت للبيت وكان الغدا جاهز متل ماحكت غيرت اثيابها وقعدت تستنى في زوجها ... اجى وتغدو وطلبت من ايلول تروح تقعد وهي تجلي..
ومرقو السبع ايام وعملت متل ماطلبت منها المشعوذه وخلال هاي الايام كانت لطيفه مع ام عمار وايلول لحتى ما ياخذو بالهن من شي بس بلمقابل ايلول وامها كان مخوفهن التغير المفاجئ ...
بلمقابل كان نبراس يحس بخنقه ووجع راس فضيع وبعدها خف شوي شوي وكانت تصرفاته مع امه واخته عم تتغير دائما معصب ومو طايق اي كلمه منهم
وهون بلشت نور تزن وتتشكون انها خدامه لامه وايلول وتملي براسه وتوجهه شو يعمل وهو عليه التنفيذ.....
.....
وفي يوم كانت صدمة ام عمار من ابنها لانه ....
#يتبع
