الميرزا (أسوداد القلوب)
بقلمي زهراء التميمي
قبل لا تدخّل حياتي
چنت أفكر
ماكو قصَة حُب عظيمة
وفگره الحُب
اني رافضتها بحياتي
وحيل أحس بيها قديمة
هَلاشياء المالهن داعي بحيَاتي
أنتِ سويتِ الهن قيّمة
لا تنسوا التصويت والتعليق بين الفقرات مَيراتي ومتابعه حسابي zhralatmeme 🤍
★
★
★
جَدث: بابا أريد أحجي وياك بموضوع ...
سالم: أحجي بويه خير نشاالله
جَدث: بس لاتعصب تمام!
سالم: أحجي بويه شصاير؟
بلعت ريكي وأردفت بصعوبه: بابا تنازل عن قضيه غائر
باوعلي رافع حاجبه وعيونه تتفحصني بـ شك _التقيتي بـ ميرزا؟
سكتت ماكدرت انطق ولاكلمه أول مره أتوتر أو ماحجي ضرب ع الميز بقوة فزيت مخترعه باوعلي بعصبيه وعيونه حمر
سالم: التقيتي بيييييييي!
هويت راسي بـ أي هز رأسه نافي: ليش تخسرين ثقتي!
جَدث: بابا...
سالم: أششش ولاصوت ، يوم بعد يوم داتخسرين ثقتي، جدث أني ماربيتج هيج ولاربيتج حتى
تحكمج عواطفج ...
قاطعته قبل لايكمل : بابا أنتَ تضحك عليَّ لو شنو؟
أني من يمتى تحكمني عواطفي! ، إذا حاولت
أساعد شخص بريئ جرم؟ جاوبنيييي!
لو أوكف وياك هسه وأكول إعدمه بابا يستاهل إعدمه لأن أخذ حك أخته وقتها راح تكولي أنتِ
ماعندج إحساس صح!!!
مافهمت شنو تردون بالضبط؟ أصير عاطفيه لو أصير قاسيه وبالتالي محد يتأذى غيري
شنو تردون بالضبط!
لاتردون كلبي يصير قاسي و لالين وضليت بين نارين ...
سالم: مافهمتي كلامي جدث بويه ...
قاطعته وجسمي كله يرجف ودموعي بطرف عيني : شنو إلي مافهمته؟ فهمنيييي!
سالم: أنتِ ليش دوم متهوره! ليش تحكمين قبل لاتفهمين! بويه الفهمي كلامي أول شي ، المهم هسه هذا مو كلامنه ،
أنتِ اغلي داسوي غلط ادافعين عن مجرم مجرررم تفهمي عليَّ لو شنو!
جَدث: هو أخذ حك أخته
سالم: القانون وين راح؟
جَدث: تمام نفرض نفرض بنتك مرت بنفس الضرف تنتضر القانون لو تاخذ حقها بأيدك!
سالم: سم الله عليجن بويه شنو هل الحجي
جَدث: كتلك نفرض ، جاوبني
سكت وينقر ع الطبله بـ محبسه رفع راسه وأبتسم _الحياة أصعب من ماتضنين بنيتي أحيانا نمر بمواقف تخلينه مانعرف السمه من الگاع وننحط
بـمواقف صعبه حيل ولازم نختاار رغم صعوبتها
وأنتِ هسه داتحطيني بـ موقف أصعب من
كل المواقف إلي مريت بيها
أنت تقرأ
الميرزا (أسوداد القلوب)
Action"موحـــشٌ عــالمُ اليـــوم" نعيش أيام متعبة، ونواجه لحظات قاسية، نبحث هنا وهناك عن قلوب تُحبنا بصدق، لنختبِئ في حُضنها، قلوب لا يهون عليها ضعفنا، أو كسرنا، نحتاجها بشدة لنبتعد عن الجميع.. ونلجأ إليها، لنرمي وراء ظهورنا التفاصيل الموجعة، وال...
