القصة حقيقة 100%

بارت الاول-1-

ملاحظه /القصه حقيقه بكل تفاصيلها بدون أضافه خيال
#الكاتبة_ࢪونَ
#لدنّ

قراءه ممتعه ❤️‍🩹

لا تنسون المتابعه والتصويت للبارات🫡
_________________________________________

بدايه نهار عادي ويوم جديد مثل باقي الأيام كعدت على صوت اذان الفجر توضيت وتوجهت لصلاتي بعد ما خلصت گعدت أرام بس ما استجابتلي مثل عادتها شكد حاولت وياها بس ما تتغير ما تصلي وكل همها جمالها وشكلها وطلعاتها وفوتاتها بابا مدلعها زايد ما يرفضلها طلب وكلشي تم بدون توجيه ولا نصيحه منه

ارام: رفعت راسي بتعب انتي راح تضلين فوگ راسي

لدنّ: رايحه اصلاً أنا بعد غسلت ايدي منج ماكو فايده

طلعت من الغرفه بره أخذت نفس طويييل كأنو اول نفس بعد كتمه كعدت على المرجوحه وندى الليل يبللني

شويه وطلع بابا وراي

برهان: تعرفين انتي ماخذه اطباع أمج كلها

لدنّ: الله يرحمها بابا شكد جنت تحبها؟

برهان: أني من وعيت على الدنيه وامج هيه صديقتي وحبيبتي وامي كانت كل ما ضاقت بيه الدنيه يوسعني حضنها وحنيتها

لدنّ: دمعت عيوني واني أشوف بابا شكد مبين عليه مشتاقلها رافع راسه للسما يكابر حتى ما تنزل دموعه

ماما الله يرحمها ماكو بحنيتها تعبت هواي ويانه خاصه ويه ذي يزن نفسيته كلش صعبه من توفت من اربع سنين لحد هذا أليوم هوه ينام بفراشها رغم قساوته وحدته بس كلش صار لين من توفت ماما

برهان: رايح أكعد أخوانج

لدنّ: ماشي بابا توجهت للمطبخ مثل العاده كل يوم وأنا أحضر الريوگ طلعت أرام بكشتها تصبح علينه تمشي وهيه مغمضه عيونها تحضر بقهوتها الصباحيه

أرام: صباح الخير للجميع الصاحين والنايمين

ذي يزن : صباح الخي.....وقطع كلامي خبر يا ربي شجاي يصير توسعت عيوني وانا اشوف مناظر الدم وصور ألقتل

لدنّ: تجمعنه أنا وارام وبابا وذي يزن يتصفح بتلفونه ويقره الأخبار عن جماعات أرهابيه هاي نسمع بيهم من زمان وعن خيانات العشائر وما اعرف شنو ما ندري شنو صاير لو منو ويه منو والكل يحذر بالتعليقات خلوكم ببيوتكم الوضع مو أمان

برهان: تعودنه على هاي الأخبار مو شي جديد ما رح تتوقف حياتنه علمود شويه اخبار ما متأكدين من صحتها

لدنّ: بابا خليكم اليوم بالبيت لحد ما نتأكد من الوضع

برهان: لا عندي شغل بالورشه م يتأجل

لدنّ: توجهت نظراتي ل ذي يزن لعل وعسى يقنع بابا ما يطلع اليوم

ذي يزن: حسيت بخوف لدنّ وانا عيوني تفتر بينهم ما أگدر أعارض كلام الوالد