القصة حقيقة 100%

البارت الرابع عشر -14-

لدن_14_

#الكاتبة_ࢪون
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

مر وقتتت طوييل واني اتأمل الطريق الطويل الطريق الي راح يوصلني لسلطان مأمني كل ما نقترب اكثر من البصرة كل ما تختلط مشاعري بين الخوف والفرح ومن اشوف ٱنس افكر شراح يصير بية شلون يرجع سلطان راح يوافق يبقية ويانة المكان الي رايحتلة يا ترى راح يأوينا احنا الأثنين لو لا بس كل الي اعرفة انا مستحيل اترك ٱنس لوحده لو شنو يصير وين اروح راح يكون وياي لو شنو اسوي بحياتي ما راح اجازية على وگفتة وياي واني غريبة وماخذتة للمجهول ماخذتة لمكان اني نفسي ما واثقة مشاعري بين الخوف والفرح تعبت من هذا التفكير

شوية وگفنة يم سيطرة وصار الما محسوبلة حساب

وكفونة ونزلو الشباب فز ٱنس من مكانه فزة اني من يمي أختضيت من الخوف نزل راسه وحاول يخفي نفسة

ٱنس: لدونة سمعيني كلش زين ما بقى شي وتوصلين للبصرة اي شي يصير لا تبينين خوفج ولا اي شي خليج قوية وكملي طريقج روحي للعنوان فهمتي حتى لو بدوني انتي قوية طلعتي من حلگ الموت تگدرين توصلين لدونة حطي عينج بعيني وعديني ما راح تضعفين انتي قوية طلع الفلوس من جيبة وانطانياهن

هاج خليهن عندج

لدنّ: غركت عيوني بالدمع ٱنس لا تخوفني حركت راسي بالنفي والله بعد ما اتحمل خوف الله يخليك اسكت

ٱنس: تحجي وفززنه صوت عسكري صعد شافني واشرلي

_ أنزل لك شنو تريد دعوة خاصة

لدنّ: هسه فهمت قصدة شفتة ينزل وأيده جانت ترجف ما التفت علية حطيت ايدي على حلگي ودموعي تمطر بالگوة كتمت صوت شهگاتي

شوية واسمع صوت صياح هز المكان صرت كلي ارجفف من الخوف گلبي راح يطلع من مكانه

باوعت من الجام واشوفهم شامرين ٱنس بالگاع ومكتفين ادينة زاد خوفي ورجفتي

ضل يصيح عوفوني ما سويت شي انا من .......... مو ارهابي بس ما عندي مستمسكات من الحرب

وكل ما يحاول يقنعهم يزيدون الضرب علية

صعد عسكري ثاني وعاط بينة منو وياة

طلع صوت ٱنس محد وياي مححححححددد اني لوحدي اجيت جان صوته مختلط بالدموع والشهگة جان نايم على بطنة نزل راسة للگاع صار وجهه كله تراب يضرب براسة بالگاع والله محد وياي

هاي لحظات الخوف صدري يصعد وينزل من قوة تنفسي بقو فترة طويلة يفتشون الجنط النسوان ما نزلوهن من خلصو طلبو من السايق يتحرك التفتت على ٱنس شفتهم شالو ودخلو بوحده من سياراتهم احس حيلي نهد من الخوف واني اشوفهم ياخذونه گدامي بعد ما جانت دموعه تنزل فجأة ملامحة صارت ثابتة كأنو استسلم للأمر الواقع وكأنو يكولي لا تخافين ما صار شي