القصة حقيقة 100%

بارت الثاني-2-

لدن _2_

#الكاتبة_ࢪون
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

رحت اتسحب بين الجثث وصوت انفاسي صار كلش عالي من الرعب اللي صرت بوسطه

سمعت صوت جاي من بعيد سرعت بخطواتي ودخلت لواحد من البيوت

رحت لداخل ما فكرت اذا اكو احد لو لا

بس جان البيت فارغ صرت وره القنفات وضميت نفسي واني ابجي بحرگه ليش كلشي يصير بسرعه منو هذول شنو يردون وين الأمن غمضت عيوني بقوه وأني اتذكر

اهلي ساعات مرت من اسوء ساعات حياتي ماكو ألم بالدنيه للبنيه يعادل ألم فقد الأهل

شلون وأني فقدتهم كلهم بيوم واحد

عليمن أبجي على ابوي اللي ما اعرف عايش لو ميت لو وين يتعذب بوسط هذا الخراب والقتل

لو سندي وقوتي وكلشي حلو بحياتي عزوتي ذي يزن ما لحگت افرح واتباهى بيه

ااااخ يا خيتي الوحيده ارام يا ضحكه ايامي اللي طفت ويه عيونج

شكد ما احجي وشنو أگول ما أگدر اوصف ذره من شعوري هيج ألم مستحيل ينوصف

جنت أبجي بحرگه وماكو على لساني غير يا رب أحفضلي بابا وين ما كان رجعه اليه يا رب ما بقالي شي اعيش اله

واني بمكاني بالبيت المجهول وره القنفات غلبني التعب ونمت

حسيت بأصوات قريبه

ما ادري حسيت بين الگاعده والنايمه مغمى عليه ما اعرف شنو

حسيت باصوات يمي اصوات زلم اصوات بنات تصيح وتبجي

كعدت ولميت نفسي ما شافوني ابجي ما اعرف شنو كاعد يصير بس اصوات تتعالى صراخ واستنجاد

واني بمكاني ما حركت ساكن

اللي صار بعدها هدئت الأصوات بعد ساعات وساااعات من العذاب اللي سمعته تأكدت انهم تركو المكان

طلعت واگفه اباوع على المنظر الگدامي بنكسار بنات بعمر الورد مشوهات من اثار الضرب منضر مقزز يخليك تشمئز من نفسك ومن كل شخص

بعضهن جان عاري بسبب المقاومه

طلعت اركض وانا تراودني الف فكره وفكره اذا گدرت اسلم منهم مرتين الثالثه ثابته

اتلفت ما اعرف شنو اسوي استجمعت قوتي وافكاري وقررت الخوف ما راح يرجعلي بابا ولا يبرد نار گلبي على أرام وذي يزن

صار الليل واني أمشي على طريق ما ادري وين ماخذني

شفت من بعيد مره تتلوى بمكانها خفت اتقرب منها بس استجمعت شجاعتي ولما تقربت شفت اللي ما توقعته