هاي سويسراتي توحشوتوني كيما توحشتكم يودي واش نقتللكم المهم صرالي خطِأ كبيير وحد لابليكاسيون كنت كاتبه فيه كلش ايا تفاصا وراني حنعاود مندارا وجديد
بًسِمً آلَلَهّ:
بعد ماركبت فطونبيل ديالها ديمارت لدار مدام ليندة وصلت
طبطبت قعدة تستنا حتا جا سي خونا
ملك. يخاه حتى لهنا ولحقتني
محمد. نو علا حساب شوفا نتي لي لحقتني
ملك. لافمي ونتا واش دخلك
محمد. ايبا نقلك بلي هادي داري
ليندة. يخاه جيتي وشراكي
وبعد سلسلة تسلام والتعناق
ملك. طاطا متقوليليش محمد وليدك
ليندة. معقلتيهش
بعد مقالت ملك دارت ايرور
ملك. تتمسخري هداك لي كان يلعب بلبالون بلحفى هو سي خونا محمد دكتور مول صبيطار اريو سيريز
ليندة. اي والله
ملك. سمحيلي بصح انا حسبتلي خارج مجال تغطية
ليندة. اسكتي نعرف خرايبك
ملك. متقوليليش المهم لاه عيطتلي
ليندة. اقسم بالله غير لسانك طوال اهدري معايا بلباقة
ملك. تكبرتي على تبسي طعام شفتي شفتي
ليندة. يحي جبتهولي فل جانزة تاع صداقة جايا تقولي تبسي طعام
ملك. خلاص سكت (ودارت جاست بيدها 🤐 تاع هكدا)
ليندة. انتوليكا لاه عيطتيلي عيطتلك يما راهي مريضة طلعت داوي فترك وراهي حابطة حبيت تجي نتي تعتني بيها وكدا فهماي
ملك. بصح ياطاطا عندك وليدك الله يبارك
ليندة. نزيدلك هادي حتا بدروا وطبيب
ملك. لاه حبيتيني نتي
ليندة. باسك حبيتك نتي ڨوسطو
ملك. وقتاش تحبط عمتي خروفة ( الله غالب اسمها هكا)
ليندة. جمعة هادي نتي سبت تبداي وتخلصي ويعاونك محمد غير تهناي
ملك. غير هادي منقبلهاش
ليندة. قلتها وعودتها نعرف خرايبك
ملك. والله غير كي كان يلعب بالون يادك لا لا
محمد. يما راني خارج
ليندة. استنا وصل ملك
ملك. لالا جيت بطونبيل راهي برة . هيا نوض كيما تفاهمنا نشالله حمد الله كي لقيتك بخير
ليندة . سالي عليهم
خرجت مدار طلعت لطونيل بلاصات مفاتح
ملك. او محبتش تنوض اي والله لباتري عرفتها
حبطت على ساعدها لمسود
ملك. دكتور محمد
محمد. انعم
ملك. طونبيل محبتش ديماري
محمد. هاتي نشوف وشبيها
ملك. لباتري
محمد. سور
يَتٌبًعٌ
أنت تقرأ
Not in my mind كرونيك جزائري
Historia Cortaسلام عليكم، ان شاءلله تكونوا بخير هدا اول كرو بنسبة ليا راح يكون شوية مخلط بصح راح يكون موضوع تاعوا حب طفولة بصح نكهة وحدوخرة كي راني نسڨم فيه دكة راحلي شغف لذالك حفزوني باش نكملها ومرحبا بيكم زارتنا براكة حبيتوا تولوا من عائلة سويسرا تفضلوا سويسرا...
