مدرس الانكليزي والفاتنه المشاغبه

البارت 1

لا تلـومَ المهـرةَ بچفــوف الغريبُ
الصوچَ مِـنك ماصـرتُ خيـالها 🐆✨..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_:لم اكن يوماً الشخص المناسب رغم ان من احتاجني وجدني معه كنت مجرد محطه انتظار ليرتاح عندها الناس ثم يرحلوا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_ الساعه 5:00 صباحاً

_ دك المنبه ضربت التلفون ب ايدي وطفيته  ...  فهمت فهمت ادري عندي امتحان

_ كمت غسلت وصليت وفتحت كتاب الانكليزي يااا الله شكد احبها لهل ماده واحب مدرستهه بس مرات اضوج من الانكليزي

_ كمت اراجع واكتب ملاحظات واخطط واراجع الانشاء الحمدلله ضبطت كلشي باوعت ساعه 6:46 امم بعد وكت اليوم ممحضره ولا ماده بس الانكليزي لان عندي امتحان شنو قابل اني فارغه لباقي المواد

_ نزلت جوه لكيت امي تسوي ريوك فدوه لوجهه بستهه كملت الريوك وياها طلع بابه فدوه لوجهه بسته وكمنه نتريك نزلت ميار من فوك كاشخه وعطرهه يفوح كعدت تتريك ويانه

_ الله يمته اصير مثلج

_ مباقيلج هسه انتي صف رابع هاذ الكم الشهر الاول بعد نصف السنه يعني مبقه شي ان شاء الله للخامس والسادس وهاهيه شدي حيلج مادام باقيلج شويه وتخلصين

_ ان شاء الله

_ يلاا اني اترخص اجت نور لازم اطلعلها  ...  باي

_بايات

_ طلعت واني غسلت وصعدت فوك دخلت للحمام غسلت وجهي وفرشت اسناني وطلعت بدلت  جان الزي مالتنه الصدريه سوده

_ كملت عدلت شعري لبست قمصله  ولبست جنطتي بابا انطاني الف واجه ابو الخط لبست حذائي تكرمون بسرعه وطلعت  ...  سلمت علا صديقاتي ومشه  ..  وصلنه  للمدرسه نزلنه دخلنا للمدرسه

_ اووو اليوم خميس مابيه حيل الاصطفاف ذبيت جنطتي واجت البيست حضنتهه وضلينه نسولف

بين ما نكمل سوالف تعالوا اعرفكم عليه

_ اسمي مهره  ...  ادري اسم نادر ويعني قليل هيج يسمون بس ابوي علا عناد خالتي لان جانت تكولهم ان شاء الله ولد وتدعي ولد وطلعت بنيه سماني مهره يعني يحسه اسم فخم  عمري 16 صف رابع علمي مستواي الدراسي وسط مرات ارسب ب المواد وارجع اعدلهه ومرات اطلع دور ثاني عادي كلنا نمر بيهه

_ مواصفاتي اني حلو يعني صراحه حلو وماكو بنيه مو حلوه رب العالمين خلق بنات حواء كُلهم جمال ويطكن ب الكاع  ...  بيضه عيوني عسليه حواجبي كثيفات ودائماً اعدلهن رموشي كثاف وطوال شفايفي منفوخه جسمي حلو شعري جوه من خصري