مدرس الانكليزي والفاتنه المشاغبه

البارت 4

اذا كلكَ خدود منين تنباس😔♥َ.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مهره:- رجعت للبيت لاكتني امي

_ صخام هاي شنو خدج ولججج شبيي؟ ٠

مهره:- مامه طلعتلي حبايه وحكيتهه حيل وهيج صار يمكن حساسيه

_ خلت علي ثلج كتلها لا عوفي يوجعني  ..........  داومت ثاني يوم ما احجي ويا وزع الاوراق ورقتي ما انطاني اياها جان عدنه حل كمنه نحل حليت بدون نفس مني ورجعت

_ جان طول الدرس يباوعلي وضايج مني

_ مرت الايام الدنيا بردت حيللل بيوم من الايام جانت مغيمه لبست قمصلتي ورحت للدوام حسنت مستواي ب العربي وهم صار حاله حال المواد مفول...  ..  كعدت ب الرحله اول درس عربي  جنت حاطه ايدي علا فكي واباوع من الشباك وللهوه يضرب بيه اجه هوه  ...  بقيت علا كعدتي 

دمار:-- بابا ان شاء الله الاسبوع الجاي تبدي الامتحانات الشهر الثاني شدو حيلكم مبقه شي بس هل سنه وجامعه ان شاء الله وتخلصون...  باوعتله ورجعت عيني للشباك

_ مرت الايام وامتحنه ودرجتي جانت كامله واني ويا لحد الان منتحاجه زعلانه منه

_ امتحنه نصف السنه وبعدنه علا خلاف وما احاجي كعدنه عطله بيوم من الايام العصر البيت نضيف وريحته بخور فدشي ندك الباب ماما راحت فتحته ودخلت نسوان للاديوانيه نسمعهن يسولفن مدخلنه شويه واجت امي كالت بدلي وتعالي بس كون لبس مرتب وشعرج عدلي  غسلت وصعدت لبست مثل الدشداشه نص ردن بيضه ومخصره علا الجسم وفوكاها بشت مفتوح مثل مال شيوخ لونه اسود مشطت شعري صاير كلش طويل واصل لفخذي

_ خليت حمره هادئه وممبينه ومسكاره ونزلت دخلت لكيتهن 3 نسوان وحجيات ثنين كبار وبنات بكدي ثنين

_ سلمت وكعدت ضلن يسولفن ويباوعن عليه

_ هسه شنو يا ام ميار

_ والله ما ادري الشور بيد ابوها بعد نشوفه ونشوف عمامها ونشوفهه هيه شنو رئيهه وهاي شوفت عينكم كدامكم شوفوها

_ عين الزهره تحرسهه ان شاء الله بيهه الخير يلا نترخص

_ زتيناهم للباب ورجعنه كمت احجي وي امي ومنو هذوله وابوي شكو وعمامي شنو

_ خاب شبيج استاذج متقدملج!

_ دماااااارررر؟؟؟

_ وجع اذاني. ايي دمار وشبيج انخلستي

_ يي يوم دمار وين اني وين صدك عود؟

_٠  خلي الحجي من يجي ابوج

_ بقيت علا كعدتي ومصدومه اجه ابوي امي حجت ويا

_ اي وشكو بيها استاذها يدرسها 3 سنوات وشافها حبابه وخلوقه ورادها علا سنه الله ورسوله شكو بيها! واذا علا العمر 12 سنه بس بينهم مو هواي واني قابل بس نشوفها الها

_ بابا ما ادري افكر واشوف

_ بس مهره هااا كون يومين ترجعين الجواب خوش

_ تمام بابا بس خلوني افكر علا راحتي

_ علا راحتج بويه..  ...  ترخصت وصعدت لغرفتي قفلتها وعيوني تغوركت ب الدموع بدون مقدمات ركضت اتصل علي. بسرعه جاوب

مهره:- بصوت مخنوك من العبره  ...  الو

دمار:- ها يبعد حيلي

_ بسرعه نزلن دموعي كمت اشهك

_ بويه

_ لا رد بس ابجي

_ حبيبتي

_ لا رد

_ ام بيتي

_ لا رد

_ مريتي

_ لا رد

_ ابويه انتي احجي لا تشلعين كلبي

_ بصوت مخنوك من البجي  ...  شحجي وانته بدون سابق انذار خطبتني! يعني تراضيني بهاي الخطوبه

_ زفر النفس...  وشكو بيها  ...  هسه كولي موافقه لاا ترا متحمس

_ افكر يلا باي.  ...  سديته منه