مدرس الانكليزي والفاتنه المشاغبه

البارت 2

:البيت المابي صورتك مايسوه دكت الباب ✨.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مهره:- وصلت للبيت تغديت ونمت كعدت المغرب صليت وتعشيت وحضرت دروسي باجر خميس اوف واخيراً حيكمل هلسبوع باجر يطلعوني ب الاصطفاف كمت سبحت وتعطرت وكمت اباوع ب التلفون ليل شتاء طويل  ...  لل12 نمت كعدت ساعه 6:20كمت غسلت وتريكت وصعدت خليت مامه تضفرلي ضفيره رخيه يعني من بدايه الشعر محلول والباقي ضفيره نزلت خصلات من شعري ولبست صدريه سوده مخصره ع الجسم والقمصله كملت كلشي وطلعت وصلنه للمدرسه الدنيا مغيمه بس الجو حلو مو بارد حيل ذبيت القمصله لان جان بدي شتائي

_ اني ومريم نفتر ب الساحه دك الجرس اصطفينه وكفت رابع بنيه رفعوا العلم وشغلوا النشيد وطلعت بنيه قرت القصيده ورجعت كام يصيحون ب الاسماء.

الرابع _جيم_

زهره علي

نور الهدى مرتضى

استبرق خالد

ريحانه عادل

مريم جواد

ومُهره عادل جايبه درجه كامله ب ماده الانكليزي

_ طلعت امشي بنص البنات كلهن حسيت بتوتر لان الكل نضره علينه باوعت هواي اساتذه ويانه ومدرسنه لابس اسود  ...  وكفت ويه البنات ومبتسمه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_ كعد الساعه 6:00 اخذله حمام دافي تريك ولبس ملابسه وتوجهه للمدرسه

_ جذبتني بنيه ب شعبه جيم اتوقع اسمهه مُهره ب الاصطفاف طلعوها كذلتها علا وجهه وتوخر بيهه شكلها كله مرتب بس الغلط الوحيد بيها مو محجبه

_ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مُهره:- كام يصفكولنه المديره كالت رجعوا رجعنه انتهه الاصطفاف ورجعنه اول درس عربي وتوالت الدروس اجه الدرس الرابع انكليزي دخل علينه كمنه سلم وكعدنه

_ ضل يباوع بوجوهنه  ...  افتحولي الكتاب...  وين واصلين ب الماده

_ البنات انطنه العنوان كام يشرحلنه شرحه كلش حلو وكتبنه ملخصات وفصل النه الدرس تفصل بحيث صار كلش سهل علينه انطانه جمله نحلهه البنات رفعن ايدهن واكيد الصياح

_ كوم بنيه فدد ضجت اني رافعه ايدي مكومني

_ حلتهه صفكنالها ورجعت كتب جمله ثانيه رفعت ايدي واباوعله بلكي يكومني باوعلي واشرلي اكوم

_ اخذت القلم من ايده وحليتهه صفكلي ورجعت

_ مرت الاسابيع وهوه ويانه مدرس محترم وحباب ويانه ويسولف ويضحك وشرحه للماده كلش حلو

_بليل سبحت ورحت لبيت خالتي والدنيا تكص كص من البرد رجعنه نمت كعدت منشوله ومصخنه مردت اداوم بس عندي امتحان فيزياء كلت لبابا تعالي وره الدرس الاول

_ داومت وجنطتي حطيت بيها بس اسلاميه لان اول درس عدنه باوعت اليوم مريم مجايه ماخذه اجازه اخذنه الدرس الاول كمت قريتلها الايه وكعدت الدرس الثاني انكليزي راح ياخذون درسه ونمتحن بي وكف علينه الاسئله صعبه بس جاوبت الاكدر علي والاعرفه كملت كمت اراجع خاف ناسيه شي اجت بنيه

_ استاذ مُهره عادل هنا؟

_ اي ليش؟

_ ابوها ينتضرهه جوه يكول مريضه

_ باوعلي ورجع باوعلها  ...  كليله عدها امتحان تكمله وتجي

مُهره:- بصوت مخنوك  ...  لا لاا تعالي استاذ كملت اصلاً جنت اراجع!

_ تمام بويه  ...  انطيته الورقه ولزمت جنطتي ب ايدي

_ بس خيرج

_  استاذ فلاونزه كُلش قويه

_ ب الشفاء العاجل بويه

_ ابتسمت وهمست  ...  شكراً  ..  دكيت الباب وطلعت احس اطراف رجليه حارات البنيه الي اجت تاخذني كام تباوع بحقد  ...  عفتهه ورحت لكيت بابا واكف رحت حضنته اخذ الجنطه وطلعنه للبيت

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بارت قصير 🤍.