نسيم العشق ❄️

الحادي عشر 🪶

علي بعصبية مفرطة وصوت عالى جدا

: لو راجل هات بنتي و اطلعلي

خرج كامل من مكتبه على الصوت و عيسى و جنة نزلوا و خرج كل اللي فى القصر بما فيهم الخدم

كامل بغضب:- انت مين يجدع انت و بتزعج كدا ليه

مصطفى وقتها نزل و معاه نور علي راح عندهم وكان لسه هياخد نور

علي :- تعالي معايا

مصطفى وقف قدامه ومسك ايديه بقوة وغضـ"ب وبعدها عن نور

مصطفى:- نور مش هتيجي معاك هي دلوقتي مراتي وانا مش هسمحلها تخرج من البيت دا

علي بغضب :- انت بأي حق تعمل كدا فى بنتي

كامل بغضب وصوت عالى:- انت مين و ازاي تكلم حفيدي كدا فهموني فيه ايه

علي :- انت مقولتش لى اهلك ولا ايه يا دكتور مصطفى الحقيقة يا كبارت الصعيد ابنكم ضحك على بنتي و اتجوزها غصـ"بن عنها دا كله عشان ينتقـ"م مني اني طردته من المستشفى

مصطفى بغضب :- المستشفى دي انا اللي تعبت عشان تكبر انا اللي كنت بدرس و بشتغل عشان اكبرها و اوصلها انها تبقى اكبر مستشفى كنت متوقع انهم هيعنوا منصب المدير دا ليا ولما انت اللي خدته قولت ماشي لسه متخرج و اكيد هيسلموها لدكتور كبير لكن تطردني ليه وتدي لابنك مكانتي ليه ليه تضيع تعب سنين عشان ابنك يوصل اه انا اتجوزتها عشان احـ"رق قلبك عليها زي ما ضيعت تعبي و أديته لابنك خلتيها تعشقني و دلوقتي واجـ"ع قلبها اللي انت طردته من المستشفى وقولت عليه ميستحقش بنتك دلوقتي مش شايفة غيره ولسه يا دكتور عل

ملحقش يكمل كلامه ليجد قلـ"م قوي نزل على وشه من كامل عيسى راح وقف فى نصهم

عيسى :- اهدى يا جدي انا هحل الموضوع

كامل بغضب :- اسكت و متدخلش بدل ما هتلاقى انت كمان واحد على وشك و اوعى كدا

كامل وهو بيبعد عيسى و بيقف قصاد مصطفى

:- يخسارة تربيتي فيك القلـ"م دا كان لازم تاخده من زمان اوي عشان يفوقك من اللي انت فيه انا كبرتك على اكديه تعـ"ذب بنات الناس معاك كان فيه مليون طريقة تاخد حقك بيها

بص على نور اللي كانت قاعدة على السلم وبتبكي بشدة و جنة و حنين قاعدين جانبها

:- غير انك تكـ"سر قلب واحدة و ثقت فيك و سابت اهلها و اتجوزتك بس انت هتنهي اللعبة دي و دلوقتي حالا ارمي عليها يمين الطلاق و خليها تروح مع ابوها

مصطفى وقتها حس ان قلبه وقف عن النبض فكرة انها تبعد عنه مـ"وتته بمعنى الكلمة

مصطفى:- لا طبعاً على جثـ"تي انا مش هطلق مراتى

كمل كلامه وهو بيروح عندها و بيمسك ايدها بقوة لدرجة انها حسيت ان ايديها هتتكـ"سر من قوة مسكته لتزداد شهقاقتها