نسيم العشق ❄️

الرابع والعشرون ❤️

صحي عيسى من نومه و هو حاسس بشئ خفيف على صدره ، لاقى جنة لسه نايمة شال راسها من عليه برفق ، جه يقوم وقفه صوت جنة

جنة بنوم و هي مفتحة عينيها نص فاتحة :- رايح فين يحبيبى

عيسى :- هطلع شوية البلكونة

جنة بنوم و هي بتمسك ايده وبتتاوب:- طب بالله عليك البس القميص أو اي حاجه الجو برد و هتتعب

عيسى :- متخافيش يجنة انا متعود

باس راسها بحنية و حب :- تصبحي على خير

قام وقف فى البلكونة ، بص للسما و اتنهد نزلت دموعه وهو مش مصدق اللي حصل اتمنى لو يكون كابوس هيصحى منه قريب ، جت جنة من وراه و حضنته من ضهره ، مسك ايديها و هو لسه باصص للسما

عيسى :- صحيتي ليه يحبيبتى روحي نامي

جنة :- مش بحب اشوفك مضايق

عيسى :- شكراً

جنة :- على ايه

اتعدل و بصلها فى عينيها و اتكلم بأمتنان و حنية

:- عشان جيتي معايا و عشان بتحاولي على اد ما تقدري تسعديني انا عارف ان مشاعرك لسه متخلبطه و مع ذلك سمحتيلي اقرب منك لانك عارفه ان دا هيفرحني و اسف عشان كنت اناني معاكي

جنة :- عيسى انت جوزي انا اللي اسفة اني بعدتك عني طول الفترة اللى فاتت انت مغصبتنيش على حاجه

ابتسم ابتسامة خفيفة اظهرت وسامته اللي جنة بتعشقها

جنة و هي بتحط راسها على صدره:- انا هفضل طول الوقت معاك يعيسى و هنعدي الفترة دي سوا

عيسى :- ربنا يباركلي فيكي

فجأة فون جنة رن

جنة بأستغراب:- مين بيرن فى الوقت دا هروح اشوف ماشي

عيسى :- اكيد حد منهم

دخل الاوضة و بص فى الفون لاقى فريدة فصل المكالمة و قفل فون جنة

جنة :- طب نشوفها عايزة ايه طيب

عيسى :- انتي مش هتردي على حد منهم يا ريت لو تسيبي موبايلك مقفول احسن

جنة :- تمام بس مضايقش نفسك ماشي

عيسى :- تمام

فريدة بدموع :- ردي يجنة عايزه اطمن عليه بس

سمعت صوت الباب بيخبط ، راحت تفتح لاقيت عاصم

فريدة:- انت لسه ممشتش لحد دلوقتي

عاصم:- الحاج كامل قالي ابات هنا الليلة

فريدة:- تمام اتفضل امشي من هنا بقى

عاصم :- ممكن تسمعني طيب

فريدة:- مش عايزة اسمع منك حاجه يا عاصم و لو سمحت بقى كفاية عليا كدا انا استحملت بما فيه الكفاية طلقني يا عاصم