الساعة 9:00 الصبح
أماليد ********************************
كعدت الصبح واني كلي حماس لليوم هذه الي انتضره كل سنه واحبه طبعا اليوم بتاريخ 11/11
يوم ميلادي المميز
ام أوس :أماليد هاي بعدج ماكمتي لسسهه وبعدين ضلين تتبجين تأخرت وتأخرت
أماليد : ماما شبيج مو كلت الج ماروح اليوم للجامعه
أم أوس :ماشي كومي اتحركي لضلين نايمه هيج
أماليد :صار انت تأمر أمر شعندي غيرك
ضحكت أم أَوس وطلعت من الغرفة
فجأة رن جهازي ومنو تتوقعون؟ اكيد صديقتي الخبله مسار
مسار :كللل عاممم وانتِ بخير كلوووششش
أماليد :وجعععع أذاني اريدهااااااا
مسار :هم راح سوين مثل العاده
أماليد :بالظبط المسرحيه الي تتكرر كل عام اطلع من البيت وأجي متأخر و اسوي روحي متفاجئه بالحفله
مسار :انتم اغرب عائله مرت عليه تدرين؟
أماليد :يلا يلا كافي اروح اجهز وانت ِ هم روحي حضري نفسج
مسار :وين تردين نروح؟
أماليد :ماادري جاي على بالي اروح للمول افتر بس مااشتري
مسار :علينهههه هاي السوالف؟؟ وبالاخير تشترين المول كله
أماليد :يلاا باي اشوفك
مسار :باي
رحت اخذت شاور ولبست هيج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بغير مكان ****************************
شخص١ :هذه الناس لازم تعرفه على حقيقته كلها مخدوعه بي يظهر للناس صوره و يخفي صوره ثانيه
شخص ٢:هسه اني شعليه بكل هذه الحجي انطيني مهمتي وخلي اروح لاضل تحجي براسي مالي خلكك
شخص ١:لاا اذا هيج الامور مراح تمشي عدل بهاي المهمه لازم صير عندك صبر شويه
كام وحط ايده على جتفه وكال:شوف لاتورطني بأي شغله من سوالفك احنه متفقين اخلص المهمه الي تنطينياها واني ملثم لا من شاف ولا من درى خوشش؟؟
شخص ١ بخوف :تمام تمام استريح وهسه اشرحلك كلشي
بالشركة *****************************
ابو أوس :الغي كل المواعيد اليوم اني طالع
السكرتيره :تمام
أكدر اطلع اني؟
ابو أوس :اني كلت اني عندي شغل و طالع يعني لازم انتِ هم تتطلعين؟؟؟؟
السكرتيره :اسفه استاذ تمام الي تريده يصير
ابو أوس :اكيد الي أريده
عند أماليد و مسار **********************""
أماليد :لج شوفي هذه يطلع يخبل عليج.
مسار :واو يجنن رايحه اقيسه
أماليد :هههههه يلا روحي منتضرتج
أماليد
جنت دا اشوف الملابس و منعجبه بيهن ومامنتبه على نفسي فجأة انصدمت ببنيه
أماليد :عزهه والله اسفه مانتبهت
البنيه :ههههه لا عادي ماصار شي
انتبهت على الفستان الي كامشته بيدي
البنيه :يخبل يطلع عليج
أماليد :عفوا
البنيه :قصدي على الفستان الي بيدج يطلع حلو عليج يناسب لون بشرتك
أماليد :هاا ههههههههه شكرا حبيبي
مدت ايدها تعرف على نفسها
البنيه :اسمي سجى
أماليد :واني أماليد
سجى :يلا باي تشرفت بمعرفتك لازم اروح تأخرت
أماليد :باي
أماليد :صفنت على الموقف الي صار واحسه غريب بس مانطيت للموضوع اهميه
لفت انتباهي شخص لابس لبس خليجي ولاف وجهه بشماغ مامبين بس عيونه
لفتني بي جمال عيونه وطوله وشخصيته لمن دخل تجبر الواحد يضل يتباوع اله
الشخص :هلكد اني حلوو
أماليد :هاا؟؟
الشخص :اكول هلكد اني حلو و صفنتي عليه؟؟
أماليد :لا بس ريحه عطرك دوختني
الشخص بغمزه:هاا دوختج
أماليد :هييي تره مو مثل ما فهمت قصدي على كد ما مقرفه دخت منها توجع الراس
تقرب عليه وكال وشنو فهمت اني هاا؟؟
أماليد :اي وهسه شرايد؟؟
الشخص :احصل منج شكم فلس واشمرج
أماليد :شنوو؟؟
الشخص :عيونج يموتن الله يطيح حظك لازم يمكن تورطت
أماليد :شبيك مخبل انت َ جاي تحجي كلام ما مفهوم لاعبللك. اني مثل ذول البنات الي يكتلون رواحهم على الشباب هسه اكول لبابا عليك
الشخص بضحك :أوي تره والله اروح اكول الماما عليج اذا كولتي للبابا
أماليد :ديلا روح كول للماما الله يساعدها عليك.
شفته من عيونه كلش عصب وكال
تصبحين على خير
أماليد :شنووو.
فجأة طفت الكهرباء بالمول و ماأحس غير ايد التفت على خشمي و حلكي وحنكتني وبعد ماأحس بشي......... يتبع 😱😱😱😱😱😱😱
شنو مسار نسيتوهاا؟؟ 🤨🤨🤨
صارت وياها قصه وتأخرت عن أماليد بالبارت الجاي نعرفهاا
شلونه الروايه؟
اعذروني على المضرطه شباب اخر مره هاي 😍😍😍💔
