البارت الاول
الكاتبه،،،منار الشمري
يوزري، ،،،manar2qh
تدروننن هذيـ🌟اعز من جيرانه ههه بداعت عزازكمـ🌟وتعليقات بين الفقرات
قرائه ممتعه
بارت اول
_نايمه ع ضهري فوك السطح واباوع ع النجوم بالسماء وصافنه منو منهن نجمه امي خالتي دائماً تكلي امج مثل النجمه موجوده فوك سحبت نفس بتعب... الى متى ابقه هيج بنص الذله ما عندي ام تحتويني وتاخذني وياها وتحميني من الوحوش الي وياي نزلت دمعه من عيني واني اتذكر الماضي وسمعت صوت اختي وهيه تكول....
ريما: أي عيني بيمن صافنه وتفكيرين معقوله تحبين هاا ولج
ميناه: مسحت دمعتي وضحكت أي احبچ الج
ريما: ععوع ععوع شلون معجبين
ميناه: ضحكت عليه وضربتهه بعكس ايدي وكلت اوي عيني الي يشوفج يكول ملكه الجمال العالم
ريما: أي حبيبتي لعد شبيه ما اصير ملكه العالم لو بيدي اشرد من هذه البيت واسجل بمسابقه الجمال وتلكيني اول مرتبه
ميناه: ع عكيفج ست محاسن اشو ما تكعدين راحه مثل البريعصي امشي ولي نامي باجر عندي دراسه وشغل ما الحك
_حقج ما تلحكين كلهه من العمه هند اخخ اخخ بس لو الزمه اله اكطع فيروزاتي عليه
_خَ تولي وامشي نروح انام لا هسه تصيح علينه
_شلووون بلوووه الله ما ياخذه لو ياخذنه يا آمنه العذراء لو تخلصين الناس منهه لو تاخذينه ونخلص منهه
_ضحكت وكتله امشيي امشي عندي دراسه خَ انام
_أي عيني صار صاررر ادللي
نزلنه اني وياها وجاي ننزل ع الدرج بنص ضحكنه سمعنهه تكول
_ابقن ضحكن الي بكدجن متزوجات ومخلفات بس حضي الشي شمرجن يمي كلشي ما منجن فايده
ريما: والله صحيح حضج وحضنه الأغبر الي شمرنه يم وحده نفس هيج خلقته لا من عيشه معيشتنه حلوه ولا من شكل نصبح بيه لو نجيب بومه يصير احسن
هند: امشيي لج لا اكطع النعال ع راسج بكد النعال لسانج شطوله تردين عليه
ميناه: كطعيهه وشوفي شسوي بيج خوش تعرفين مصلحتج عندي ديربالج
هند: روحنن روحن الي خلكجن اني
ريما: اويي اوي دروحيي شلون شَكول
ودخلنه للغرفه نمنه واحنه بين السوالف والضحك ونضحك ع رسام الي كاتل نفسه ع ميناه وهوه شكله نفس جدريه هند المحتركه لا شكل لا مشكله ايع
ميناه: نمت وهم حلمت بـ زونه سوده كاعده ؏ بطني واني نايمه ما اكدر اتحرك بس خايفه واعرك وما اكدر احجي هذه الحلم دائماً احلمه من جان عمري ٨ سنوات بقه وياي واتخيل بزونه سوده او حيه سوده تطلعلي كعدت من النوم واني عركانه وتعبانه وسمعت بشي يتحرك كعدت ع طكطكه بالبيت وقشعريه بجسمي مو طبيعيه وكهرباء ماكو منو بالبيت معقوله حراميه؟ هذه الي فكرت بيه بسرعه لفيت شعري شلون ما چان علمود اشوف منو بره ما اريد اختي تكعد وتبچي كمت بسرعه من الفراش وطلعت اشوف منين هذه المصدر الصوت وصلت باب المطبخ وبيدي لايت اضوي دخلت للمطبخ وجان اشوف شي يهز كياني وصرخت بأعلى صوتي بزونه واكفه ع رجلينه بس ثنين واكفه وعيونه الي تخوف منعكس عليه الايت صارن يخوفن حيل كعدت بالكاع اصرخ وابجي ع صوتي كعد رسام اجه يركض
_شبيج مينااه شبيجج باوعيلي
_ككاافي كافي تعبت
_من شنو باوعيلي هاج مَي شربي
_شربت مَي وتعبانه بسرعه انتبهت لـ رسام وكلت
_ريما... نايمه موو؟
_لا تخافين هاي ما تكعد تنبل نوم
_ااسفه خوفتك وياي بس مو قصدي
_يمعوده لا عادي بس احجيلي شبيج شنو شفتي
_لا ماكو شي بس اني اتخيل مصار شي
_ميمو متأكده ما بيج شي؟
هزيت راسي بـ اي وانتبه اله عيونه عليَ وكمت واني اعدل بشعري وكلت
_روح نام لا يضل بالك
_تمام، انتبهي ع نفسج نامي زين
_ماشي
راح واني افكر ليش بس هوه بالذات يهتم بينه وامه ما تحبنه معقوله عنده مصلحهه وغايه علينه؟؟..........
يتبع......
أنت تقرأ
اجرام "الليل الاسود"
Romanceالكاتبه منار الشمري #ماتبعه حبايب المقدمه،،،،، _نايمه وحسيت بشي يتحرك كعدت ع طكطكه بالبيت وقشعريه بجسمي مو طبيعيه وكهرباء ماكو منو بالبيت؟ معقوله حراميه؟ هذه الي فكرت بيه بسرعه لفيت شعري شلون ما چان علمود اشوف منو بره ما اريد اختي تكعد وتبچي كمت ب...
