اجرام "الليل الاسود"

بارت ١٤
كعدت ؏ حلم كأنو شي ضل اسود ويركض ورايه ويهاجمني ويريد ياخذني واني بس اركض حسيت نفسي شوي واطير بالركض وعركانه حيل وفزيت ؏َ صوت فتحه الباب وشفت نفس الرجال جاي الي واني واني لابسه داداشه خفيفه خفت وكلت
_ هها.. هها شتريد
_ رجعتلج اعرفج مشتاقتلي
_ شترييييد منيييي ما تفك ياخهه عني كافي عوفني احجي واشرمخ ؏ وجهي
_ تؤ تؤ لا يحلو ليش هيج تسوين بنفسج تعي تردين اطلعين منا؟
_أييـہ.. أييـہ حباب طلعني منا والله كلشي ما مسويه
_ ما نكدر نطلعچ لأن شفتي وجهنه والمكان بله بلغتي شلون بينه يحلو؟
_والله ما اسوي شي بس طلعني اني حته اهل ما عندي شلون تريدني ابلغ؟
_ تمام بشرط!
_شنو؟
_ لا تقشمرين نفسج تعرفين
_ لا شتريد؟؟؟
_ تنطيني الي اريده واطلعچ من هذه المكان مثل الشعرايه بالعجين
_ شنو... شنو لا وخرر اموت هنا ولا اسوي شي يهز شرفي
_ هههههههههههههه صارت تبيع شرف
_ شبيك تضحك ما اشاقه...
بعدني ما مكمله كلامي وطفر عليه صرت اصرخ وصار يحاول يشك بـ ملابسي شك ردن ايدي وصرخت اكثر بنص صريخي وحسيت الباب اندفع بقوه وهمجيه.......

___________

اجرام: زين اسمه حلو ونازوكي
حسام: اسمه نازوكي وهيه نازوكيه بويايييي هاي عروك كلبي
_ كباب عروك؟
_ انچب مو وكت تحشيش
_ ديلا خوش
جاي نسولف ونضحك ونداهر بعض حسام مو بس صديقي قطعه من روحي متعلق بيه بشكل مـُخيف لو انذبح بـ مكانه ما عندي مشكله اهم شي هوه بخير...
بنص سوالفنه سمعنه صوت صريخ وهذه الصوت مو غريب عليه نفس صوت البنيه؟
صرنه اني وحسام نباوع ببغض والعلامه الأستفهام بوجهنه
حسام:  شهل الصوت منين وشبيه تصرخ؟
اجرام: ما اعرف امشي كوم خَ نشوف شكو
_تمام
_دخلت او رفست الباب چان مقفول وشفت عصام صاير فوك البنيه وهيه تصرخ وجهه متغير وصاير ازرق ؏ احمر ورحت وضربت عصام ؏ خاصرتهه صاح متوجع وباوعلي بتهديد
_ لك اني تضربني اخر وكت ابن زنـ* يضربونييي لك اجرااام اذا ما اشوفك انجوم الضهر
حسام: ليش الضهر عنده نجوم شمعنه مو نجوم الليل؟؟
عصام: انچب لك قذر بررره يلا
اجرام: شعندك ويَ البنيه شتريد منهه؟
_معليك بره
_ماااا اطلع امشي اطلعع فوك مو هيه البنيه تريد تعتدي عليه؟؟؟
حسام: عصوص اطلع منا بسرعههه
_اصبروليي اني اعلمكم
حسام: شتعلم بله يا لغة؟
عصام: حيوان
اجرام: برررررررره
طلع عصام او بأختصار عصوصي ورحت ؏ البنيه الي اشوفه تلم بملابسه كلت لـ حسام يطلع وطلع بدون كلام كعدت يمه باوعتله تبجي..
_شبيج تبجين صار شي
صارت تهز براسه بـعلامه لا بتكرار
_تمام تعي اغسلج جبت بطل مـَي وفتحته وغسلت وجهه وايديه ترجف مبينات..
_شسمج؟
_مي.. ميناه
_حلو اسمج اني اجرام
_تمام
_صدك جذب شنو تمام جاي اكُلج ؏ اسمي تكولين تمام؟
_هاا؟
_يبوو يلـ فاهيه
لا ترجفين كافي راح اجيبلج اكل هزت راسه بـ اي وطلعت اشتري الهه أكل

_________
ميناه: لو ما اجرام چان مدري شصار بيه يمكن حته يكتلني ويشمرني من وره الشباك محد يدري عشت اسوء اسبوعين بالبيت او القفص لعبت نفسي وصرت ادعي ؏َ نفسي بالموت وشفايفي يرجفن ما اعرف شلون اخلص نفسي من هذه المكان بس بنص تفكيري فكرت بشغله تخليني اطلع من هذه المكان ماكو غيرهَ.....

__________
ريما: نروح لـ خالو اشَهم هوه يدور ويانه اكيد يعرف
رسام: ميخالف نشوفه روحي ارتاحي لا اتعبين ما عندي غيرج "انكسر ضهري ما الي حيل"
_تمام من عيـُني

رحت للغرفه وانتبهت ؏ رسام شكد چان متعلق بـ ميناه حيل ويمكن اكثر مني وبين عليه التعب والهُم عيونه تشرح كلشي اشوف كسرتهه بعيونه عكس رسام قبل چان يحب يشاقينه ويداهرنه حته مچان يدخن بس من اختفت ميناه كلشي اتغير بيه صار يدخن جكاير ٣ بنفس واحد من قهره احاول انصحهه واكله غلط بس دائماً يكول "محد يفهم وجعي غير الجكاير"
انكسرت اكثر وين انطي وجهي من جهه اني ومن جهه رسام ضعف وصار ما ياكل وحتهه للـ جَيم صار ما يروح ولا يطلع ولا يتكشخ دعيت ربي نلكه ميناه ونخلص من العذاب بس هيهات اذا لكيناه بـ مجتمع يحب البنيه فريسه وما اله حقوق ونمت واني عقلي مشوش بالتفكير ونمت
كعدت ؏ صياح مثل كل مره "هند"
_ عشتووو ست الحسن نايمهه والثانيه شارده وي العشيق الله يستر شنو چانت تسوي
_مسحت وجهي بنفاذ صبر ونزلت وحالي متخربط وشعري كفشه عبالك بيه كهرباء وملابسي مخربطه وما مغسله وجهي
_للجججججج هند شوكت تبقين تشمرين السم مالتج علينه ما كفاچ الي صار بينهه ما تشوفين حالنه مهضومين ومكسورين واختي مخطوفه وتبسمرين حاسبه نفسج عمه؟؟
_لا مخطوفه ولا بطيخ ندري بأختج تحب واحد وشردت وياه بحجهه رايحه تدرس
_ردت احجي وطلع رسام يصيح
_دخيل كأئناااات الأرض ما اناااام ما نرتاح الواحد يكعد ؏ صباح الخيررر واحنه ؏ العرك كااافييي ويـُمه انتِ شبيجججج تزودين الجرح جرحين كافي