Des secrets! Des dégâts...

DES SECRETS ! DES DÉGATS...

DES SECRETS ! DES DÉGATS...

Page Facebook: Jergus'S

Wattpad: Jergus42

NB: des courts textes et épisodes

Part #1
_____________

- Mista yon bel ti madanm saj, bon kè, janti, ki renmen moun gen sèlman 24 lane. Li etidye syans enfimyè. Lap travay pou kounnya nan yon Lopital. Li ap viv ak yon kouzin li ki rele Selena

-Nan yon aprè midi konsa bò 4trè. Li chita lakay li sou yon ti chèy ap pale ak konpay li Dario, nan yon ti lokalite ki trè pèzib. Dario s'on nonm ki gen ti mwayen l puiske l se yon antreprenè ki chaje Kay li lwe pou rete ak pou fè biznis.

Mista: M ta renmen nou fè 2 pitit cheri. Sa w panse ?

Dario: Map panse sou sa trezò

Mista: M ta vle poun marye avan nou fè pitit yo wi bb. Sa w di ?

Dario: Tout sa w vle m vle l tou cheri

Mista: Mwen kontan genyen yon nèg tankou w nan vi m Da. M pap sispann fyè de ou e pale de ou jan w trete m ak respè

Dario: Mwen tou Mis

Mista: Bb ou anfòm ?

Dario: Wi. Poukisa w di sa bb ?

Mista: Mwen wè se sèl mwen kap pale, kap poze w kesyon. Epi wap reponn mwen tou brèf

Dario: Poutan m pa wè sa nn bb

Mista: Ebyen ok bb. Men m espere w anfòm sensèman

Dario: Mwen anfòm. Male wi bb lèm rive lakay map relew

Mista: Pa fè wout kwochi non pa. Ou konnen m jalou anpil pou ou

Dario: Pye m pa kwochi bb map rantre dwat. Ou ka toujou jalou pou mwen cheri. Menm pa janm mete w nan pozisyon pou w fè l

Mista: Rete konsa avèm nèt. Sinon jou w chanje, m pa konn ki kalte dega kap fèt nan kè m

Dario: Male bb. M pap chanje. Salye kouz Selena pou mwen

Mista: Map fè sa bb. Mwen renmen w anpil pa

Dario: Mwen tou man

-Yo te bo youn lòt epi mouche Dario ale lakay li. Nan yon bat je sèlman komè Selena te parèt nan lakou a kote Mista

Mista: Ou gentan w finn fè ti dòmi an madanm

Selena: Wi kouzin mwen. M menm gentan fè yon bèl rèv.

Mista: Pa bliye l pou w eksplike m li pita. Dario te la li te di m salye w pou li

Selena: Oh li te la. Mèsi kouz. Mwen kontan li menm avè w ap damou plis

Mista: Hmmm poutan li biza avèm aprè midi a

Selena: Li ka gen yon ti pwoblèm tou piti. Lap fini pa di w sa l te gen kanmenm

Mista: M tap kontan sa wi Sele. M renmen lè mwen avèl ap souri san rete

Selena: Mwen tou m konn pran plezi m nan sa. Pou m viv yon bon relasyon konsa Tata. Banm yon minit nan telefòn ou pou m rele Manmanm silteplè

Mista: Dk men li kouz. M rantre al repoze m

-Selena te pran telefòn lan epi Mista re rantre al kouche. Li te konpoze apèl la

Selena: Allô Dario !

Dario: M apèn ap rive la bb

Selena: Se pa Mista. Se Selena

Dario: Oh kote Mis ?

Selena: M te mande l yon minit pou m rele Manmanm epi se nimero w la ki peze anba men'm. Epi m tou kite apèl la fèt

Dario: An dakò Cuz. M te mande Mis pou ou

Selena: Wi li te di m sa. Silteplè pa wè m tankou yon kouzin pou ou.

Dario: Poukisa pou m fè sa

Selena: Paske m se fanm ki ka ede w akonpli tout rèv ou, ki pap janm twonpe w, ki pap janm kouri mande w maryaj kounnya ni pale w de pitit. M wè pi lwen ke sa

Dario: Adje Sele sa pap posib m renmen Mista anpil. Epi se kouzin ou

Selena: Mwen renmen w tou e mwen renmen w plis pase l. Fè zye w klè Dario ok. Gen bagay Mista ap fè sou ou, m konn pale l li fache sou mwen. Yon bon nèg tankou w ou pa merite yon fanm kap fè w sa ki pa bon.

-Mista tap fè ti pale nan panse l pandan l te kouche

Mista: Dario pap konprann mwen si m pa ba l verite poukisa m vle pote yon bébé kounnya. Men si m fè operasyon sa akoz maladi a, m m pap ka fè pitit ankò. Byenke map geri. M renmen l anpil e'm vle l konprann mwen
_____
Suite...