Des secrets! Des dégâts...

DES SECRETS ! DES DÉGATS...

DES SECRETS ! DES DÉGATS...

Page Facebook: Jergus'S

Wattpad: Jergus42

NB: des courts textes et épisodes

Part #28
_____________

SELENA

M menm vin rive nan yon pwen kote Manman m pat bezwen di m kouman pou m fè manti pou m te fè l. Non sèlman nan li menm li konnen m ap fè manti nan yon pakèt bagay mwen di l, men l pa janm arive di m eske se vre sa map di l yo. Paske l te santi moun li konstwi an ap suiv li...Mwen ak Mista gen menm laj 24 lane, li sèlman fèt avan m pa rapò mwa. M te toujou anvi al lekòl avèl menm kote men manman m pat janm vle sa. Se depi lè Mis timoun li jenere, renmen pataje ak viv moun, pandan ke mwen menm manman m pat montre m sa yo. Nan tout klas m pase yo m te toujou fè bèl mwayèn, se lè m rive nan filo m pa janm kab pase nan egzamen BAC. Pandan ke mwen ak Mis rive nan filo ansanm. Mis li menm tèmine, li ale nan FAC, li tèmine FAC li, li vin ap travay. Ou kab imajine kantite ane m fè nan filo...e'm poko janm pase etap sa toujou. Sensèman m te toujou fè tout efò, Mis toujou ap ankouraje m. Menm te vin rive nan yon pwen mwen dekouraje, m pa sou sa. Sitou manman m te toujou ap di m se Tati m ki se Manman Mista ak yon gran Frè l ki se Tonton m ki mare m pou m pa anyen. Sensèman anpil dout te anvayi m paske yo tout fini FAC yo yap travay. Men kounnya m kab di w m pa kwè ankò puiske reyaksyon Manman m fè m montre m sa. Lè Mista te arive tèmine FAC li epi l jwenn travay isit, li te rele m nan telefòn yon maten pou l di m vin jwenn li paske l nan yon kay pou kò l, epi tou vin lekòl isit la pou m wè eske m pap pase. Lè m te di Manmanm sa, li te di m se pral okazyon pou m fè Mista tout mal ki egziste pou l pa jwi sa lavi a ba li. Lè m vin rete isit vrèman. M wè jan kay la bèl, li di m kay la se pou menaj li an, epi m vin wè menaj li an ki ap vin la tout tan, menm lè l pat konn dòmi la. Mis te deside peye lekòl pou mwen, malgre sa m al konpoze nan filo m pa bon toujou. Aprè li te di m al aprann yon bagay pwofesyonèl toujou pandan map toujou suiv kou pou m al konpoze nan bac pèmanan. Se konsa m te vin rankontre Toni, nou vin renmen, konpòtman l te bon pou mwen pandan ke m te nan erè, li pat gen vizyon vre, li toujou ap di m nap rich, nap gen lajan, nap bèl kay ak bèl machinn. Pandan ke m pat janm pataje ankenn pwojè lap travay sou li, ni kisa lap fè pou l rantre lajan. Li te fè m renmen l paske l te toujou montre m li sousye de mwen. Men li te konn ap fimen, bwè, tout kò l se tatou, cheve l trese. Menm te wè nan li, sitou l te toujou di m pa gen anyen li pap fè pou mwen. Sensèman m pa konn si l tap mouri pou mwen, menm konnen l tap tiye pou mwen. Lè m vin di Manman m men ki jan de nèg m gen, li pat enkyete l pou sa, onkontrè li te di m ke yon nèg konsa ap ede m egzekite tout plan mwen gen yo. Mis ak Dario te koumanse pa kontan avèm lè misye te konn vin lakay la ap fimen, ap bwè. Mis te banm anpil konsèy jis m te vin arive kite ak Toni. Menm pat kite avèl paske m te wè konsèy yo te bon, menm tr kite avèl paske m pat vle kite kay Mis pou m te al viv yon lòt kote san m pa regle tout koze m yo avèl. Se konsa m te vin pa janm wè Toni ankò, san konnen sa l te devni puiske l te fache avèm. Menm te di l konprann mwen, yon lè nap gen pou ansanm ankò. Mis te vrèman kontan desizyon sa. Aprè m ta pral vinn gen yon relasyon kote pou mwen se pat meyè a, Poutan se kounnya map rann kont se mwen ki pat merite l. Li te yon nèg ki pasyan, ki pat pè soufri pou l te kab byen rejwi demen. Menm te pito pouse do l, fè anpil mansonj sou li kòmkwa se li ki kite m, ki brize m, ki pa renmen m. Mis menm santi l wont koz li te konn ankouraje m renmen l. Se domaj yo pa kanm kwaze l sinon yo tap konnen se mwen ki mechan, ki tout move bagay m te di l pou l te ale. A fòs ke mansonj Manman m yo te pifò ke mwen te menm arive fè manti sou Mis bay Dario, men Dario pat kwè nan sa. M menm arive di Manman m ke nèg Mis lan se mwen li te renmen epi Mis ba l koze sou mwen fè l kite m. Manman m pat pran tan pou l te fè m envante yon mansonj di l malad jis pou m te kab al wè l e jwenn lajan pou n ak kay Manbo pou m bay Mis maladi pou l mouri e viv ak Dario. Lè m te vinn kwaze w mande w yon minit pou m pase yon apèl, se paske l te bloke m sou telefòn li, m te bezwen jwenn yon lòt telefòn pou m te asire m ke m jwenn li pou m te eseye aranje sa avèl, byenke se te pou yon moman pisin Mista ak Dario tap òganize. Lè m te vinn wè m pa jwenn li sou telefòn ou an, m te konprann ke l chanje SIM. E tousuit m te wè w kòm yon moun m ta pral itilize pou w ede m a plan m yo. Vinn arive ba w yon fo idantite de mwen, jis m ba w randevou epi w te repouse opsyon m yo. Franchman ou te gen rezon paske m sa ta pral fè yo se "pire méchanceté"... Aprè w te fin vire ou ale, m te vin tande yon vwa ki pat lòt ke Toni, epi l mande eske se ak menaj mwen m te ye la, epi m di l non, lè m ale lakay li nou pase yon bon moman, nan tèt mwen m te wè m rejwenn mwatye m ki pral ede m fini tout sa m te koumanse yo. Lè m eksplike l men rezon ki fè m tap pale avèw, ou pa dakò epi l te di m fò l elimine w pou m pa nan pwoblèm pi devan. M pat vle sa paske w pat fè anyen ki pou merite sa, sitou w te di m ou pa la pou w anpeche m reyalize plan m yo menm jan w paka ede m lan. Men m ta pral vin dekouvri w ke w se Mekanisyen Dario lè l te site non w pandan w te rele l nan telefòn. E la m pat wè lòt bagay ke rele Toni e ba l nimero w paske m te vin wè w kòm yon obstak pou mwen. Jiskake li te di m li pran randevou avèw, li vin voye foto w banm kote w mare...m te kriye viktwa pandan m pat wè se kè m tap vin nwè😭. E lè m vinn jwenn 3 mesaj ou te voye banm lan te fè m tranble, dyare pran m tèlman m te sezi. M pa konn kouman pou m di w konbyen m regrèt m te mete w nan yon enpas difisil konsa, m pa konn konbyen dezole paske m ta pral fè w fè pwòp moun ki nan antouraj ou mal pou granmesi. M vle w konnen w kwaze w pat yon aza, men se Bondye ki te mete w sou wout mwen pou m te kab sispann ak mechanste m yo. Men pi gwo pè mwen ak regrè se ak ki fòs, se ak ki kouraj, se ak ki vizaj m pral kanpe devan Mis pou m di l ke m pat janm gen lanmou nan kè m pou li vre, ke m pat janm yon moun ki te merite pou l tap sakrifye l pou mwen konsa, ke m s'on moun ki fè l anpil mal, ki tap chèche tiye l, pandan menm pou yon jou li pat janm fè m mal..."