Des secrets! Des dégâts...

DES SECRETS ! DES DÉGATS...

DES SECRETS ! DES DÉGATS...

Page Facebook: Jergus'S

Wattpad: Jergus42

NB: des courts textes et épisodes

Part #6
_____________

Ukhosi: Bonne chance Doc. Menm garanti w se kòve ou pral fè wi. Epi m swete w pase dwat, Sinon si w konnen ou pral fè l pa fòs mal, se avèm wap jwenn wi

Etienne: Rire. M pa moun sa. Sinon m pa tap di w sa m santi pou li Miss Ukhosi. M rakwoche Miss bonne nuit

Ukhosi: Bonne nuit aussi Doc Etienne

-Aprè apèl la Miss Ukhosi te pran pale pou kò l

Ukhosi: Sanble se akote Doc Etienne ap pase pou l wè si m s'on move moun. Paske m pa ka kwè m selibatè nan zye l lan la konsa epi se zanmim lan pou l ta vle genyen. O mwen si Mista pat gen menaj m tap dakò sa. Men Mista pa bezwen sa li ere ak nèg la

-Gen Mista ak Dario yo menm te kontinye ap pale nan telefòn

Mista: Yè m te pale ak Papi e Manmi yo di m yo ka rantre lòt mwa cheri

Dario: Wi se sa yo di m tou wi bb. M byen sonje yo

Mista: Mwen tou wi. M anvi wè yo anpil bb

Dario: Ok Mis mwen. Sa w panse si n rive wè Manmi weekend kap vini. Ki jou sa m pale avèl, li di m li pa byen avèm m pa vin wè l menm avèw

Mista: Manmi plenyen vre wi. Men li konn travay la pa bay nou tan. Nou pral lòt semènn bb.

Dario: Dakò nou dwe fè yon bon pwovizyon wi cheri. Paske m konnen lè nap tounen li pral plen nou ak pwovizyon, ni Tonton w tou

Mista: Nou pap manke bb. Cheri banm tou di w sa m ta pral di w la non bb

Dario: Ok amour map koute w

-Selena te rele Manman l nan telefòn pou l pale avèl

Selena: Allô Manman !

Maritane: Allô pitit Fi m ! Se pa dat map veye apèl ou la pou m konnen si wap toujou vini an

Selena: Pa vini menm !!! Ebyen map jwe ak bagay serye Manman. M gentan fin ranje valiz mwen la

Maritane: Kounnya ou jis bay manzè Mista a yon pawòl kenbe pou l pa konprann

Selena: Wi se sa m fè. Ou pa konnen lè m te fin pale avèw aprè midi a M manke mouri Manman.

Maritane: Ki koze !!! Manke mouri menm. Sa k te pase la menm

Selena: Fanm ki gen Mista nan non l lan ki manke tiye m. Pandan map rantre nan salon an, li ale pou lal di neg li avèl la yon bagay. Epi m tou tonbe e pèdi konesans. Ta sanble se maryaj paske fanm sa tèlman cho anfen. Li pa tann se Gason ki pou mande l maryaj ak pitit. Se li ki pi cho devan bann. Sa k pi bèl la, se li kouri banm swen. Si l te konnen sa k te pare pou li ta kite m mouri

Maritane: Maryaj li bezwen, poukisa l pa chèche yon vye nèg nan lopital lap travay la pito. Sa nou sere pou li la lavalas pap ka pote l ale. M te gentan tcheke yon manbo wi pou travay pou nou

Selena: Ebyen ok Manman. Map vini demen bonè mwen al kouche

Maritane: Avan w al dodo, di m non ou pa tou retire ti grapyay ou te renmen avèl la sou ou ?

Selena: Si l pa konprann sa se sanwont ki nan kò l. Pou jan m pa pran l pou anyen

Maritane: Retire manje ranvwa sa sou ou. Nou bezwen pwogrese nan vi an. Se pa bak nou vinn fè non

Selena: Wi ou gen rezon Manmi map kite yon mesaj pou li aswè a, pou l pran limit li. Bon lannwit

Maritane: Ok. Ou menm tou cheri mwen. Mèsi