Unicode
"ဒုန်း...... ခလွမ်း...."
နားစည်ထဲ ဆောင့်တိုးကာ ဝင်လာသည့်အသံကြောင့် ခြယ် တစ်ယောက် နှစ်နှစ်ခြိုက်ခြိုက် အိပ်မောကျနေရာမှ ကိုယ်လုံးလေး တုန်တက်သွားရသည်။
" sorry..... sorry..."
ခပ်တိုးတိုး ရေရွတ်သံ နှင့်အတူ မရှေးမနှောင်းမှာပင် အခန်းတံခါး ဆွဲပိတ်လိုက်သံက ဆက်တိုက် ထွက်ပေါ်လာသည်။
တဒိတ်ဒိတ် ဆောင့်တိုးလာသည့် သွေးခုန်နှုန်းနှင့် နှလုံးခုန်နှုန်းများကို အသက်ပုံမှန်ရှူကာ စိတ်ကို လျှော့ရင်း ထိန်းချုပ်ရသည်။
လူကတော့ ကုတင်ပေါ်ငုတ်တုတ် ထိုင်မိလျက်သား။
" ကျစ်..!!!"
အိပ်ကောင်းနေတုန်း လှန့်နှိုးလိုက်သလို ခံစားချက်က တကယ်ကို ဆိုးရွားလွန်းသည်။
" ကောင်းကင်ရောင်....."
ခြယ့် ရေရွတ်သံကို ကြားတော့မည် မဟုတ်။
ထိုသို့ပင် ကပျက်တိ ကပျက်ချော်နှင့် အိုးနင်းခွက်နင်း ဖြစ်တတ်တာ ကောင်းကင်ရောင်၏ သင်္ကေတ။
"စောစောစီးစီး အာရုံပဲ တကယ်"
ဆက်အိပ်၍လည်း မရတော့တာမို့ ကုတင်ပေါ်မှ ဆင်းကာ ခန္ဓာကိုယ်ပေါ် ကပ်နေသည့် ညအိပ်ဝတ် ဖဲသား Pajamasနို့နှစ်ရောင်ကို ဆွဲဆန့်လိုက်သည်။
မနက် (၈) နာရီ။
သိပ်အစောကြီးတော့လည်း မဟုတ်ပါ။
ဒါပေမဲ့ နက္ခတ်ခြယ် ဆိုသည်က ည သန်းခေါင်ကျော်၊မိုးလင်းပိုင်းမှ အိပ်ရာဝင်ပြီး နေ့လယ်လောက်မှ ထ တတ်သူလေ။
" ကောင်းပါတယ်။ Show Room သွားစရာရှိတာပဲ"
တစ်ကိုယ်ထဲ ရေရွတ်ကာ Pajamas ကို ချွတ်ချ၍ ကုတင်ခြေရင်းက အဝတ်ခြင်းထဲ ထည့်ရင်းကိုယ်လုံးပေါ်မှန်ရှေ့ ခန္ဓာကိုယ်ကို တစ်ပတ်လှည့်ကာ ကြည့်သည်။
ဝင်းမွတ်ကြည်လင်နေသည့် အသားအရေနှင့် အပိုအလိုမရှိ သည့် ခန္ဓာကိုယ် ကောက်ကြောင်းက မြင်ရသူ ရူးလောက်မည်။
သေချာလို့လား။
လူမှန်ရင် ရူးရမယ်ဆို အဲ့ဒီမိန်းမ က လူမဟုတ်လို့လား။
YOU ARE READING
နက္ခတ်ခြယ် ကောင်းကင်
Romanceကောင်းကင်က ဘာလို့ လှနေတာလဲ သိလား။ သူ့ကို အလှဆင်ပေးတဲ့ နက္ခတ်တွေကြောင့်လေ။ ေကာင္းကင္က ဘာလို႔ လွေနတာလဲ သိလား။ သူ႔ကို အလွဆင္ေပးတဲ့ နကၡတ္ေတြေၾကာင့္ေလ။
